Vivo X100 Pro : అద్భుతమైన ఆఫర్ భయ్యా.. వివో X100 ప్రో ధర తగ్గిందోచ్.. అమెజాన్‌లో జస్ట్ ఎంతంటే?

Vivo X100 Pro : వివో ఫోన్ కొనేవారికి గుడ్ న్యూస్.. వివో ఫ్లాగ్‌షిప్ స్మార్ట్‌ఫోన్ అతి తక్కువ ధరకే లభిస్తోంది. వివో X100 ప్రో ఫోన్ ఇప్పుడు అమెజాన్‌లో రూ.32వేల కన్నా ఎక్కువ డిస్కౌంట్ అందిస్తోంది. ఈ స్మార్ట్‌ఫోన్‌ రూ.57,499 కన్నా తక్కువ ధరకే లభిస్తోంది.

గత ఏడాదిలో రూ.89,999 ప్రారంభ ధరతో లాంచ్ అయిన ఈ స్మార్ట్‌ఫోన్ పవర్‌ఫుల్ డైమెన్సిటీ 9300 ప్రాసెసర్, కర్వ్డ్ అమోల్డ్ డిస్‌ప్లే, 100W ఫాస్ట్ ఛార్జింగ్‌కు సపోర్టు, భారీ బ్యాటరీతో వస్తుంది. మీరు ఫ్లాగ్‌షిప్ కెమెరా స్మార్ట్‌ఫోన్‌ కోసం చూస్తుంటే వివో X100 ప్రో అతి తక్కువ ధరకే కొనేసుకోవచ్చు. మీరు ఈ డీల్‌ ఎలా పొందాలో ఇప్పుడు చూద్దాం..

అమెజాన్‌లో వివో X100 ప్రో ధర ఎంతంటే? : అమెజాన్‌లో వివో X100 ప్రో 5జీ ఫోన్ ఇప్పుడు రూ.58,999కు పొందవచ్చు. ఈ ఫోన్ ప్రారంభ ధర రూ.89,999 ఉండగా రూ.31వేలు తగ్గింది. హెచ్‌డీఎఫ్‌సీ బ్యాంక్ క్రెడిట్ కార్డ్ హోల్డర్లు రూ.1,500 తగ్గింపుతో కొనొచ్చు. దాంతో ధర రూ.57,499కి తగ్గుతుంది. నెలకు రూ.2,074 నుంచి నో-కాస్ట్ ఈఎంఐ ఆప్షన్లు కూడా ఉన్నాయి.

కొత్త స్మార్ట్‌ఫోన్‌ కోసం చూస్తుంటే ఈ ఆఫర్ మీకోసమే.. మీ పాత స్మార్ట్‌ఫోన్‌‌తో రూ.35,950 వరకు ఎక్స్ఛేంజ్ వాల్యూ పొందవచ్చు. అయితే, ఫైనల్ ఎక్స్ఛేంజ్ వాల్యూ మీ పాత స్మార్ట్‌ఫోన్ బ్రాండ్, మోడల్, యాక్టివిటీపై ఆధారపడి ఉంటుంది.

వివో X100 ప్రో స్పెసిఫికేషన్లు : వివో X100 ప్రో 5జీ ఫోన్ 6.78-అంగుళాల ఎల్టీపీఓ కర్వ్డ్ అమోల్డ్ డిస్‌ప్లేతో వస్తుంది. 120Hz వరకు రిఫ్రెష్ రేట్‌కు సపోర్టు ఇస్తుంది. హార్డ్‌వేర్ కేటగిరీలో స్మార్ట్‌ఫోన్ డైమెన్సిటీ 9300 ప్రాసెసర్‌తో వస్తుంది. 16GB వరకు ర్యామ్, 512GB ఇంటర్నల్ స్టోరేజ్ ఆప్షన్ అందిస్తుంది.

కెమెరా విషయానికి వస్తే.. వివో X100 ప్రోలో జీఈఐఎస్ఎస్ ద్వారా 50MP సోనీ IMX989 సెన్సార్, 50MP వైడ్-యాంగిల్ కెమెరా, ఆప్టికల్ ఇమేజ్ స్టెబిలైజేషన్ (OIS)తో 50MP టెలిఫోటో లెన్స్ ఉన్నాయి. వివో X100 ప్రో 100W ఫ్లాష్‌ఛార్జ్ టెక్నాలజీకి సపోర్టు ఇచ్చే 5,400mAh బ్యాటరీతో వస్తుంది. ఈ స్మార్ట్‌ఫోన్ ఆండ్రాయిడ్ 14 ఆధారిత ఫన్‌టచ్ OS14పై కూడా రన్ అవుతుంది.