SIR Deadline: తెలంగాణ ఓటర్లకు అలర్ట్.. SIR సర్వే గడువు పొడిగింపు

ECI extends Sir Survey deadline in Telangana

• ఓటర్ల జాబితా గడువు పొడిగింపు
• ఆగస్ట్ 3 వరకు అవకాశం
• అక్టోబర్ 8 తుది గడువు

SIR Survey: తెలంగాణలో ఓటర్ల జాబితా ప్రత్యేక సమగ్ర సవరణ (SIR deadline) గడువును కేంద్ర ఎన్నికల సంఘం (ఈసీఐ) పొడిగిస్తూ కీలక నిర్ణయం తీసుకుంది. సవరించిన షెడ్యూల్ ప్రకారం, అర్హులైన పౌరుల నుంచి ఆగస్ట్ 3వ తేదీ వరకు ఎన్యూమరేషన్ ఫారాలను స్వీకరించనున్నారు. ఆ తర్వాత ఆగస్ట్ 10న ముసాయిదా ఓటర్ల జాబితాను అధికారికంగా ప్రకటించనున్నారు. ఈ ముసాయిదాపై ఏవైనా మార్పులు లేదా అభ్యంతరాలు ఉంటే, వాటిని సమర్పించడానికి ఆగస్ట్ 10 నుండి సెప్టెంబర్ 9 వరకు ఓటర్లకు అవకాశం కల్పించారు.

Also Read:  పాకిస్థాన్ నుంచి విముక్తి.. కొత్త దేశంగా ‘రిపబ్లిక్ ఆఫ్ బలూచిస్థాన్‌’.. సొంత కరెన్సీ, జాతీయ గీతం విడుదల

ఈ సవరణ ప్రక్రియలో భాగంగా అందిన అభ్యంతరాలను క్షుణ్ణంగా పరిశీలించి, వాటి పరిష్కారానికి అక్టోబర్ 8వ తేదీని తుది గడువుగా ఎన్నికల సంఘం నిర్ణయించింది. కాగా, పొరుగు రాష్ట్రమైన ఆంధ్రప్రదేశ్‌లో కూడా ఓటర్ల సమగ్ర సవరణ గడువును ఈనెల 24వ తేదీ వరకు పొడిగించిన సంగతి తెలిసిందే. ఓటర్ల జాబితాలో ఎలాంటి తప్పులు లేకుండా, అర్హులందరికీ ఓటు హక్కు కల్పించడమే ధ్యేయంగా కేంద్ర ఎన్నికల సంఘం ఈ నిర్ణయం తీసుకుంది.