Gold Price
Today Gold Price: గత రెండు వారాలుగా వరుసగా తగ్గుతూ వచ్చిన బంగారం, వెండి ధరలు ప్రస్తుతం స్థిరంగా కొనసాగుతున్నాయి. శ్రావణ మాసం ప్రారంభం అవుతుండడంతో పాటు, మరికొద్ది రోజుల్లో మంచి ముహూర్తాలు ఉండటంతో పెళ్లిళ్ల సీజన్ మొదలు కాబోతుంది. దీంతో బంగారం ధరలు పెరిగే అవకాశాలు ఉన్నాయి. ప్రస్తుతం బంగారం ధరలు తులం రూ.60వేల దిగవనే ట్రేడింగ్ అవుతోంది. మరికొద్ది రోజుల్లో శుభకార్యాలు ఉన్నవారు ప్రస్తుతం బంగారం కొనుగోలు చేయడం మంచిదని చెప్పొచ్చు.
Gold
తెలుగు రాష్ట్రాల్లో సోమవారం బంగారం ధరలను పరిశీలిస్తే.. తెలంగాణలో ప్రధాన నగరాలైన హైదరాబాద్, వరంగల్‌లో బులియన్ మార్కెట్లో ఈరోజు బంగారం ధరలు స్థిరంగా ఉన్నాయి. 22 క్యారెట్ల గోల్డ్ ధర 10గ్రాములు 54,650 కాగా, 24 క్యారెట్ల బంగారం ధర 10గ్రాములు రూ.59,620గా ఉంది. వెండి ధరలుసైతం గత మూడు రోజులుగా స్థిరంగా కొనసాగుతున్నాయి. ప్రస్తుతం హైదరాబాద్ మార్కెట్ లో కిలో వెండి ధర రూ.76,200 మార్క్ వద్ద అమ్ముడవుతోంది.
Gold
ఏపీలోనూ బంగారం ధరలు స్థిరంగా కొనసాగుతున్నాయి. విజయవాడ, విశాఖ‌పట్టణంలలో 10 గ్రాముల 22 క్యారెట్ల బంగారం ధర రూ. 54,650, అదేవిధంగా 24 క్యారెట్ల బంగారం ధర రూ.59,620 వద్ద ట్రేడింగ్‌లో ఉంది. రెండు తెలుగు రాష్ట్రాల్లోని ప్రధాన నగరాల్లోనూ ఉదయం 6గంటలకు నమోదైన వివరాల ప్రకారం ధరలు ఇలా ఉన్నాయి. అయితే, వీటి ధరల్లో స్వల్ప మార్పులు చోటుచేసుకొనే అవకాశాలు కూడా ఉన్నాయి.
Gold
ప్రధాన నగరాల్లో బంగారం ధరలను పరిశీలిస్తే.. దేశ రాజధాని ఢిల్లీలో పది గ్రాముల బంగారం ధర రూ. 54,800 (22 క్యారెట్స్), రూ.59,760 (24 క్యారెట్స్). అదేవిధంగా చెన్నైలో 10 గ్రాముల బంగారం ధర రూ. 55,000 (22 క్యారెట్స్), రూ. 60వేలు (24 క్యారెట్స్), ముంబైలో 10 గ్రాములు రూ. 54,650 (22 క్యారెట్స్), రూ. 59,620 (24 క్యారెట్స్), బెంగళూరులో రూ. 54,650 (22 క్యారెట్స్), రూ.59,620 (24 క్యారెట్స్).
Gold
గ్లోబల్ మార్కెట్లో బంగారం, వెండి ధరలు ఇవ్వాళ్టి ట్రేడింగ్‌లో స్వల్పంగా తగ్గాయి. ప్రస్తుతం స్పాట్ గోల్డ్ రేటు ఔన్సుకు 2డాలర్ల వరకు దిగివచ్చింది. ప్రస్తుతం ఔన్సు గోల్డ్ రేటు 1911.55 డాలర్ల వద్ద ట్రేడవుతోంది. ఇక స్పాట్ సిల్వర్ రేటు 22.64 డాలర్ల వద్ద అమ్ముడవుతోంది. అయితే, డాలర్ పుంజుకుంటుండటంతో రూపాయి మారకం విలువ పడిపోతోంది. తాజాగా ఒక డాలర్ కు ఇండియన్ రూపాయి విలువ రూ. 82.980 మార్క్ వద్ద అమ్ముడవుతోంది.
