Indiramma Housing Scheme : ఇల్లు లేని వారికి తీపి కబురు.. ఇందిరమ్మ టవర్స్‌పై సర్కార్ కీలక నిర్ణయం!

Indiramma Housing Scheme

• తెలంగాణలో ఇందిరమ్మ టవర్స్ విస్తరణ..
• 5 నగరాల్లో ఇందిరమ్మ టవర్స్‌కు గ్రీన్ సిగ్నల్
• 2,400 ఇందిరమ్మ ఇళ్ల నిర్మాణానికి ప్రభుత్వం అనుమతి

Indiramma Housing Scheme : తెలంగాణలో సొంతింటి కోసం ఎదురుచూస్తున్న పేద, మధ్యతరగతి కుటుంబాలకు ప్రభుత్వం మరో తీపి కబురు అందించింది. రాష్ట్రంలో ఇందిరమ్మ ఇళ్ల పథకాన్ని మరింత విస్తరించే దిశగా కీలక నిర్ణయం తీసుకుంది.

ఇప్పటికే పలు ప్రాంతాల్లో అమలవుతున్న ఇందిరమ్మ టవర్స్‌ను మరో 5 నగరాలకు విస్తరించాలని ప్రభుత్వం నిర్ణయించింది. అంతేకాదు, ఏకంగా 2,400 ఇళ్ల నిర్మాణానికి కూడా అనుమతి ఇచ్చింది.. పూర్తి వివరాల్లోకి వెళితే..

Read Also : AP MPTC-ZPTC Election Results : పరిషత్‌ పోరులో గెలుపెవరిది? కౌంటింగ్‌కు సర్వం సిద్ధం.. 365 కేంద్రాల్లో భారీ ఏర్పాట్లు!

సొంతంగా ఓ ఇల్లు ఉండాలనేది ప్రతి పేద కుటుంబం కల. రోజంతా కష్టపడి పనిచేసినా సొంత గూడు ఏర్పాటు చేసుకోవడం చాలామందికి భారంగా మారుతోంది. అద్దె ఇళ్లలో ఉంటూ కుటుంబాన్ని నెట్టుకొస్తున్న వారికి సొంతింటి కల ఇప్పటికీ అందని ద్రాక్షగానే ఉంది. ఇలాంటి పరిస్థితుల్లో తెలంగాణ ప్రభుత్వం తీసుకున్న ఈ నిర్ణయం పట్టణ ప్రాంతాల్లో నివసించే పేద కుటుంబాల్లో కొత్త ఆశలు రేకెత్తిస్తోంది..

తక్కువ ఆదాయం ఉన్నవారికి చేయూత :
ఇందిరమ్మ టవర్స్ విస్తరణతో పట్టణ ప్రాంతాల్లో ఇళ్ల కొరతను కొంతవరకు తగ్గించే అవకాశం ఉంది. ముఖ్యంగా తక్కువ ఆదాయం ఉన్న కుటుంబాలకు అందుబాటులో ఉండేలా గృహ నిర్మాణాలు చేపట్టనుంది. ఐదు కొత్త నగరాల్లో నిర్మాణాలు చేపట్టేందుకు మార్గం సుగమం కావడంతో ఆయా ప్రాంతాల ప్రజల్లోనూ ఆసక్తి పెరుగుతోంది..

2,400 ఇళ్ల నిర్మాణానికి అనుమతి :
మరోవైపు 2,400 ఇళ్ల నిర్మాణానికి అనుమతి రావడం కీలక ముందడుగు.. అయితే, ఇళ్ల నిర్మాణం ఎప్పుడు ప్రారంభమవుతుంది? లబ్ధిదారుల ఎంపిక ఎలా ఉంటుంది? అర్హతలు, దరఖాస్తు విధానం ఏంటి? అనే విషయాలపై ప్రజలు ఆసక్తిగా ఎదురుచూస్తున్నారు. తెలంగాణలో సొంతింటి కలను సాకారం చేసే దిశగా ఇందిరమ్మ టవర్స్ విస్తరణ నిర్ణయం అందరిలో ఆసక్తిని మరింత పెంచుతోంది..