Rainds In Telangana
Rains in Telangana: నైరుతి ఋతుపవనాల ప్రభావంతో మూడ్రోజుల పాటు తెలంగాణ రాష్ట్రంలో వర్షాలు పడే అవకాశం ఉన్నట్లు వాతావరణ శాఖ వెల్లడించింది. గురువారం దక్షిణ కేరళలోకి ప్రవేశించిన నైరుతి ఋతుపవనాలు శుక్రవారానికి కేరళా అంతటా విస్తరించి తమిళనాడు, కర్ణాటక, ఆంధ్ర ప్రదేశ్‌లలో కొంత భాగంలోకి ప్రవేశించాయి.
రెండుమూడు రోజుల్లో తెలంగాణ రాష్ట్రంలోని దక్షిణ జిల్లాల్లోకి ప్రవేశించే అవకాశాలుండటంతో సాధారణ నుంచి భారీ వర్షాలు పడే అవకాశాలున్నట్లు సమాచారం. మరో మూడ్రోజుల పాటు తేలికపాటి నుంచి మోస్తారు వర్షాలు కొన్ని ప్రదేశాలలో కురియనున్నాయి. ఉరుములు, మెరుపులు సంభవించే అవకాశం ఉన్నట్లు వాతావరణ శాఖ పేర్కొంది.
గురువారానికి దక్షిణ ఛత్తీస్‌ఘడ్ పరిసర ప్రాంతాల్లో సముద్ర మట్టానికి 1.5 కి మి వరకు ఉపరితల ఆవర్తనం ఏర్పడింది. దాని ప్రభావంతో తెలంగాణ నుంచి దక్షిణ తమిళనాడు వరకు సముద్ర మట్టానికి 1.5కి.మీ వరకు వ్యాపించి ఉన్న ద్రోణి శుక్రవారం బలహీనపడింది. ఫలితంగా క్రింది స్థాయి గాలులు నైరుతి దిశగా తెలంగాణలోకి వస్తున్నాయి.
