Telangana Heatwave Alert: తెలంగాణలో భానుడి భగభగలు.. ఉక్కపోతతో అల్లాడుతున్న జనాలు.. సాధారణం కంటే 4.5 డిగ్రీలు అధికం!

Temperatures rising in Telangana exceeding normal levels by 4.5 degrees.

Telangana Heatwave Alert: తెలంగాణ వ్యాప్తంగా ఉష్ణోగ్రతలు అనూహ్యంగా పెరిగిపోతుండటంతో వేసవి కాలాన్ని తలపించేలా భానుడు తన ప్రతాపాన్ని చూపుతున్నాడు. పగటిపూట తీవ్రమైన ఎండతో పాటు భరించలేని ఉక్కపోత తోడవడంతో ప్రజలు తీవ్ర అవస్థలు పడుతున్నారు. వాతావరణ శాఖ వెల్లడించిన వివరాల ప్రకారం, రాష్ట్రంలో సాధారణం కంటే సుమారు రెండు నుంచి నాలుగున్నర డిగ్రీల వరకు అత్యధిక ఉష్ణోగ్రతలు నమోదవుతున్నాయి. ముఖ్యంగా నైరుతి రుతుపవనాల నిష్క్రమణ ప్రక్రియ వేగవంతం కావడం, ఆకాశంలో మబ్బులు లేకపోవడమే ఈ హఠాత్ ఉష్ణోగ్రతల(Telangana Heatwave Alert) పెరుగుదలకు కారణమని అధికారులు తెలిపారు.

AP Government: ఏపీ రైతులకు అదిరిపోయే గుడ్ న్యూస్.. బ్యాంకు రుణాల రీషెడ్యూల్‌.. చెల్లింపులకు ఏకంగా 5 ఏళ్ల గడువు!

జిల్లాల్లో ముదురుతున్న వేడి.. రికార్డు స్థాయి ఉష్ణోగ్రతలు:

రాష్ట్రంలో గడిచిన కొన్ని రోజులుగా ఉష్ణోగ్రతలు పతాక స్థాయికి చేరుకుంటున్నాయి. ఆదిలాబాద్‌లో అత్యధికంగా 37 డిగ్రీల ఉష్ణోగ్రత నమోదు కాగా, భద్రాచలం, మహబూబ్‌నగర్‌లలో 36.2 డిగ్రీలు, రాజధాని హైదరాబాద్‌లో 35 డిగ్రీల మేర ఉష్ణోగ్రతలు నమోదయ్యాయి. ఈ సీజన్‌లో ఎల్నినో ప్రభావం వల్ల వర్షాభావ పరిస్థితులు ఏర్పడి ఇప్పటికే 30 శాతానికి పైగా లోటు వర్షపాతం నమోదైందని, ప్రయాణికులు, వాహనదారులు పగటిపూట బయటకు రావడానికి జంకుతున్నారని వాతావరణ నివేదికలు స్పష్టం చేస్తున్నాయి.

మరో వారంలో ఎండల తీవ్రత ఉధృతం.. హెచ్చరికలు ఇవే:

రాబోయే 5 నుంచి 6 రోజుల పాటు తెలంగాణలో ఎలాంటి వర్ష సూచనలు లేవని, ఎండల తీవ్రత మరింత పెరిగే అవకాశముందని వాతావరణ శాఖ అధికారి శ్రీనివాస్ రావు తెలిపారు. ఎల్నినో ప్రభావంతో వీచే ఈదురుగాలులు తగ్గడం, క్లౌడింగ్ లేకపోవడంతో సూర్యరశ్మి నేరుగా భూమిని తాకుతోంది. ప్రస్తుతానికి ప్రమాదకర హెచ్చరికల స్థాయికి చేరుకోకపోయినప్పటికీ, రానున్న రోజుల్లో గరిష్ఠ ఉష్ణోగ్రతలు నమోదయ్యే అవకాశం ఉన్నందున ప్రజలు తగిన జాగ్రత్తలు తీసుకోవాలని సూచించారు.