Telangana High Court: ముమ్మాటికీ తప్పే.. రంగనాథ్‌ను వెంటనే బదిలీ చేయండి.. తెలంగాణ హైకోర్టు కీలక ఆదేశాలు

Telangana high court orders to transfer hydraa commissioner ranganath

• రంగనాథ్‌ను బదిలీ చేయాలని ఆదేశం
• శాంతా శ్రీరాం కేసులో తీర్పు
• కోర్టు ఆదేశాల ఉల్లంఘన తీవ్రం

Telangana High Court: తెలంగాణలో తీవ్ర చర్చనీయాంశంగా మారిన హైడ్రా వ్యవహారంలో రాష్ట్ర ఉన్నత న్యాయస్థానం అత్యంత కీలకమైన ఉత్తర్వులను వెలువరించింది. లోతుకుంటలోని శాంతా శ్రీరాం కన్‌స్ట్రక్షన్ కంపెనీ భూముల వివాదంలో కోర్టు ఆదేశాలను ఉల్లంఘించారనే ఆరోపణలపై విచారణ జరిపిన హైకోర్టు, చట్ట నిబంధనలకు విరుద్ధంగా వ్యవహరించడంపై తీవ్ర ఆగ్రహం వ్యక్తం చేసింది. ప్రజాస్వామ్యంలో చట్టపాలన మాత్రమే అత్యున్నతమైనదని ఈ సందర్భంగా స్పష్టం చేసింది.

Ujjaini Mahankali Bonalu: ఘనంగా ‘ఉజ్జయిని బోనాల’ ఏర్పాట్లు.. భారీగా ట్రాఫిక్ ఆంక్షలు,14 పార్కింగ్ కేంద్రాలు.. పోలీసుల కీలక సూచన

కోర్టు ధిక్కరణ, బదిలీ ఆదేశాలు:

లోతుకుంట భూముల వ్యవహారంలో ఉన్నత న్యాయస్థానం ఇచ్చిన పూర్వ ఉత్తర్వులను హైడ్రా కమిషనర్ రంగనాథ్ స్పష్టంగా ఉల్లంఘించారని హైకోర్టు (Telangana High Court)తన తీర్పులో పేర్కొంది. న్యాయస్థాన ఆదేశాలు అమలులో ఉన్నప్పటికీ, వివాదాస్పద ఆస్తిలోకి యంత్రాలు, సిబ్బందితో ప్రవేశించడం పూర్తిగా చట్టవిరుద్ధమని వ్యాఖ్యానించింది. ఈ కోర్టు ధిక్కరణ చర్యలను తీవ్రంగా పరిగణించిన హైకోర్టు, కమిషనర్ రంగనాథ్‌ను వెంటనే ఆ పదవి నుంచి తప్పించాలని ప్రభుత్వాన్ని ఆదేశించింది. ఆయన స్థానంలో మరొక అధికారిని వీలైనంత త్వరగా నియమించాలని రాష్ట్ర ప్రభుత్వ ప్రధాన కార్యదర్శి (CS)కి ఆదేశాలు జారీ చేసింది. సమాజంలో కేవలం చట్టపాలన మాత్రమే కొనసాగాలని, ఏ ఒక్క వ్యక్తి ఆధిపత్యం పెరిగినా అది ప్రజాస్వామ్యానికే మరణశాసనం అవుతుందని హెచ్చరించింది. అధికారులు ఎంతటి వారైనా రాజ్యాంగం మరియు న్యాయస్థానాల పరిమితులకు లోబడి పనిచేయాలని ఆదేశాల్లో నొక్కి చెప్పింది.