Viral Video: కుక్కపిల్ల తిరిగినట్లు వీధుల్లో తిరిగిన పులి.. వణికిపోయిన స్థానికులు.. ఓ వ్యక్తి వచ్చి..
మీరు పులిని దగ్గరగా ఎప్పుడైనా చూశారా.. జూ లో కాదు.. జనసంచార ప్రదేశంలో రోడ్ల మీద తిరుగుతుంటే.. చూసుండరు లేండి.. పులి కనిపిస్తే అక్కడి నుంచి పరుగు లంకించుకుంటారు.. మెక్సికోలోని ఓ పట్టణంలో పులి వీధుల్లో షికారు చేసింది. రోడ్లపై కుక్కపిల్ల తిరిగినట్లు తాపీగా తిరుగుతూ కనిపించింది
- Published By: 10TV Digital Team ,Published On : June 18, 2022 / 05:35 PM IST
Tiger
Viral Video: మీరు పులిని దగ్గరగా ఎప్పుడైనా చూశారా.. జూ లో కాదు.. జనసంచార ప్రదేశంలో రోడ్ల మీద తిరుగుతుంటే.. చూసుండరు లేండి.. పులి కనిపిస్తే అక్కడి నుంచి పరుగు లంకించుకుంటారు.. మెక్సికోలోని ఓ పట్టణంలో పులి వీధుల్లో షికారు చేసింది. రోడ్లపై కుక్కపిల్ల తిరిగినట్లు తాపీగా తిరుగుతూ కనిపించింది. దీంతో స్థానికులు భయపడుతూనే పులి వీడియోను తీశారు.. ఈ వీడియో ఇప్పుడు సోషల్ మీడియాలో వైరల్ గా మారింది.. అయితే ఈ వీడియోలో ఉన్నది బెంగాల్ టైగర్‌ గా గుర్తించారు.
పులి రోడ్డుపై వెళ్తున్న క్రమంలో ఓ యువతి ఒక్కసారిగా భయంతో అరుస్తూ పరుగుపెట్టింది. అయినా కొంత ధైర్యం చేసుకొని ఆ పులిని వీడియో తీస్తున్నట్లు కనిపించింది. ఇక్కడ ఆశ్చర్య కరమైన విషయం ఏమిటంటే పులి చెట్టుకింద ఉండగా ఓ వ్యక్తి వచ్చి దాని మెడకు తాడు కట్టి తీసుకెళ్తున్నట్లుగా వీడియోలో కనిపించింది. అయితే టెకువాలా వీధుల్లో బెంగాల్ పులి తిరుగుతున్నట్లు సమాచారం అందుకున్న స్థానిక పోలీసులు అక్కడికి వచ్చి ఆరాతీయగా ఓ వ్యక్తి పులిని తనవెంట తీసుకెళ్లినట్లు గుర్తించారు.
A Bengal Tiger roaming around town and then gets taken home without any resistance. This happened in Tecuala, Mexico. pic.twitter.com/TtDwbHAjRT
— ⭐️Amazing Posts (@AmazingPosts_) June 15, 2022
Viral Video: లక్షలాది కప్ప పిల్లల సైన్యాన్ని మీరెప్పుడైనా చూశారా.. ఒళ్లు గగ్గురు పొడిచే వీడియో…
సదరు వ్యక్తి ఉండే ప్రాంతానికి వెళ్లి తనిఖీలు చేయగా.. పులిని చట్టవిరుద్ధంగా ఉంచినట్లు ధృవీకరించారు. అయితే పులి రోడ్లపై తిరుగుతున్న వీడియోను ఓ వ్యక్తి ట్విటర్ లో పోస్టు చేయడంతో సోషల్ మీడియాలో వైరల్ గా మారింది. ట్విట్టర్‌లో 13,000 కంటే ఎక్కువ మంది నెటిజన్లు ఈ వీడియోను వీక్షించి ఆశ్చర్యం వ్యక్తంచేస్తూ కామెంట్లు చేస్తున్నారు.
