Airtel 5G Plus Services : దేశవ్యాప్తంగా ఎయిర్టెల్ 5G ప్లస్ సర్వీసులు.. 80కిపైగా నగరాల్లో.. ఫుల్ లిస్ట్ ఇదిగో.. 5G ప్లాన్ల ధరలు, ఎలా యాక్టివేట్ చేసుకోవాలంటే?
Airtel 5G Plus Services : భారతి ఎయిర్టెల్ భారతదేశం అంతటా తన 5G నెట్వర్క్ కనెక్టివిటీని వేగంగా విడుదల చేస్తోంది. ఎయిర్టెల్ 5G ప్లస్ గా పిలువబడే ఇది ఇటీవల ఈశాన్య భారతదేశంలోని ఏడు కొత్త నగరాలకు ఐదవ తరం నెట్వర్క్ కనెక్టివిటీని ప్రారంభించింది.
Airtel 5G Plus Services : భారతి ఎయిర్టెల్ భారతదేశం అంతటా తన 5G నెట్వర్క్ కనెక్టివిటీని వేగంగా విడుదల చేస్తోంది. ఎయిర్టెల్ 5G ప్లస్ గా పిలువబడే ఇది ఇటీవల ఈశాన్య భారతదేశంలోని ఏడు కొత్త నగరాలకు ఐదవ తరం నెట్వర్క్ కనెక్టివిటీని ప్రారంభించింది. కోహిమా, ఇటానగర్, ఐజ్వాల్, గ్యాంగ్టక్, సిల్చార్, దిబ్రూగర్ మరియు టిన్సుకియాలో నివసిస్తున్న ఎయిర్టెల్ వినియోగదారులు ఇప్పుడు హై-స్పీడ్ ఎయిర్టెల్ 5G ప్లస్ సేవలను ఉచితంగా ఉపయోగించుకోవచ్చు.
ఇంతకుముందు టెలికాం ఆపరేటర్ గౌహతి, షిల్లాంగ్, ఇంఫాల్, అగర్తల మరియు దిమాపూర్తో సహా ఈశాన్య భారతదేశంలోని ఇతర నగరాల్లో ఇప్పటికే తన 5Gని ప్రారంభించింది. ఏడు రాష్ట్రాల్లోని మరిన్ని నగరాల్లో Airtel 5G ప్లస్ను ప్రారంభించడంతో, Airtel 5Gతో సిద్ధంగా ఉన్న నగరాల సంఖ్య ఇప్పుడు 80కి పైగా నగరాలకు చేరుకుంది.
ఈ నగరాల్లో నివసించే ప్రజలు తమ 5G ఎనేబుల్డ్ స్మార్ట్ఫోన్లలో ఎటువంటి అదనపు ఖర్చు లేకుండా 5G సేవలను ఉపయోగించుకోవచ్చని కంపెనీ హామీ ఇచ్చింది. Airtel 5G Plus ఇప్పుడు అందుబాటులో ఉన్న అన్ని భారతీయ నగరాలను పరిశీలిద్దాం..
Airtel 5G నగరాల ఫుల్ లిస్టు మీకోసం..
* అస్సాం – గౌహతి, టిన్సుకియా, దిబ్రూగర్, సిల్చార్
* ఆంధ్రప్రదేశ్- వైజాగ్, విజయవాడ, రాజమండ్రి, కాకినాడ, గుంటూరు, కర్నూలు, తిరుపతి
* బీహార్- పాట్నా, ముజఫర్పూర్, బోద్ గయం, భాగల్పూర్, బెగుసరాయ్, కతిహార్, కిషన్గంజ్, పూర్నియా, గోపాల్గంజ్, బార్హ్, బీహార్ షరీఫ్, బిహ్తా, నవాడా, సోనేపూర్.
* ఢిల్లీ వ్యాప్తంగా అన్ని ప్రాంతాల్లో 5G సర్వీసులు
* గుజరాత్- అహ్మదాబాద్, సూరత్, వడోదర, రాజ్కోట్
* హర్యానా- గురుగ్రామ్, పానిపట్, ఫరీదాబాద్, అంబాలా, కర్నాల్, సోనిపట్, యమునానగర్, బహదూర్ఘర్
* హిమాచల్ ప్రదేశ్- సిమ్లా
* జమ్మూ & కాశ్మీర్- జమ్మూ, శ్రీనగర్, సాంబా, కథువా, ఉధంపూర్, అఖ్నూర్, కుప్వారా, లఖన్పూర్, ఖౌర్.
* జార్ఖండ్- రాంచీ, జంషెడ్పూర్
* కర్ణాటక – బెంగళూరు
* కేరళ- కొచ్చి, త్రివేండ్రం, కోజికోడ్, త్రిస్సూర్
* మహారాష్ట్ర- ముంబై, నాగ్పూర్, పూణే
* మధ్యప్రదేశ్- ఇండోర్
* మణిపూర్- ఇంఫాల్
* ఒడిశా- భువనేశ్వర్, కటక్, రూర్కెలా, పూరి
* రాజస్థాన్- జైపూర్, కోటా, ఉదయపూర్
* తమిళనాడు- చెన్నై, కోయంబత్తూరు, మధురై, హోసూర్, తిరుచ్చి
* తెలంగాణ- హైదరాబాద్, వరంగల్, కరీంనగర్
* సిక్కిం- గ్యాంగ్టక్
* మిజోరాం- ఐజ్వాల్
* అరుణాచల్ ప్రదేశ్- ఇటానగర్
* నాగాలాండ్- కోహిమా
* ఛత్తీస్గఢ్- రాయ్పూర్, దుర్గ్-భిలాయ్
* త్రిపుర-అగర్తలా
* ఉత్తరాఖండ్- డెహ్రాడూన్
* ఉత్తరప్రదేశ్- వారణాసి, లక్నో, ఆగ్రా, మీరట్, గోరఖ్పూర్, కాన్పూర్, ప్రయాగ్రాజ్, నోయిడా, ఘజియాబాద్
* పశ్చిమ బెంగాల్ – సిలిగురి
డిసెంబర్ 2023 నాటికి ఎయిర్టెల్ 5G ప్లస్తో ప్రధాన భారతీయ నగరాలను విస్తరింపజేయాలని ఎయిర్టెల్ లక్ష్యంగా పెట్టుకుంది.
ఎయిర్టెల్ 5G స్పీడ్ ఎంతంటే? :
ఎయిర్టెల్ (Airtel) పాత జనరేషన్ నెట్వర్క్- Airtel 4Gతో పోలిస్తే.. 30 రెట్లు స్పీడ్ అందిస్తుందని కంపెనీ పేర్కొంది. 5G రెడీ నగరాల్లో ఉన్న వినియోగదారులు కొత్త నెట్వర్క్కి కనెక్ట్ కావొచ్చు. కేవలం కొన్ని సెకన్లలో వ్యవధిలోనే HD & 4K వీడియోలు, గేమ్లు, పెద్ద ఫైల్లను వేగంగా డౌన్లోడ్ చేసుకోవచ్చు. అలాగే, Jio 5G కాకుండా, ఎయిర్టెల్ 5G సర్వీసులను అందరికీ వాణిజ్య ఉపయోగం కోసం అందిస్తుంది. వినియోగదారులు కనీస రీఛార్జ్ ప్లాన్ను పొందాల్సిన అవసరం లేదు. దానికి బదులుగా, Airtel 5G ఏదైనా యాక్టివ్ Airtel ప్లాన్లో యాక్టివేట్ అయి ఉండాలి.
Airtel Thanks యాప్ను డౌన్లోడ్ చేయండి :
ఎయిర్టెల్ 5Gని పొందడానికి లేదా మీ ప్రాంతంలో అందుబాటులో ఉందో లేదో చెక్ చేయొచ్చు. వివరాల కోసం.. Airtel Thanks యాప్ని డౌన్లోడ్ చేసుకోవచ్చు. ఎయిర్టెల్ 5Gకి సపోర్టు ఇచ్చే సరికొత్త సిస్టమ్ అప్డేట్తో వినియోగదారులు 5G సపోర్టెడ్ స్మార్ట్ఫోన్లో మాత్రమే Airtel 5G ప్లస్ పనిచేస్తుందని గమనించాలి. సిస్టమ్ అప్డేట్ల కోసం చెక్ చేయడానికి Settings> About phone> System update> OS లేటెస్ట్ వెర్షన్ను డౌన్లోడ్ చేయండి.
మీ స్మార్ట్ఫోన్లో Airtel 5Gని ఎలా యాక్టివేట్ చేయాలంటే? :
మీరు 5G సపోర్టు ఉన్న స్మార్ట్ఫోన్ని ఉపయోగిస్తుంటే.. Airtel 5G Plus సర్వీసులు మీ ప్రాంతంలో అందుబాటులో ఉన్నాయో లేదో చెక్ చేయండి. Airtel 5Gకి కనెక్ట్ చేసేందుకు ఈ కింది విధంగా ప్రయత్నించండి.
ఆండ్రాయిడ్ ఫోన్లలో Airtel 5Gని యాక్టివేట్ చేయాలంటే? :
– ఫోన్ సెట్టింగ్లను ఓపెన్ చేయండి.
– ‘Mobile Network’ సెక్షన్కు వెళ్లండి.
– ఎయిర్టెల్ SIMపై Click చేయండి.
– ‘Preferred Network Type’ సెక్షన్లో ‘5G’ని ఎంచుకోండి.
iPhoneలలో Airtel 5Gని యాక్టివేట్ చేయడానికి:
– Settings యాప్ను ఓపెన్ చేయండి.
– ‘Mobile Data’ సెక్షన్కు నావిగేట్ చేయండి.
– ఎయిర్టెల్ SIMపై Tap చేయండి.
– ‘Voice And Data’ సెక్షన్కు వెళ్లి, ‘5G AUTO’ ఎంచుకోండి.