Salaar : రెండు భాగాలుగా సలార్.. కన్‌ఫార్మ్ చేసిన నటుడు దేవరాజ్!
ప్రభాస్ ఫ్యాన్స్ కి అదిరిపోయే న్యూస్. సలార్ చిత్రం రెండు భాగాలుగా రాబోతుంది. ఈ విషయాన్ని..
- Published By: 10TV Digital Team ,Published On : April 16, 2023 / 01:28 PM IST
Prabhas Salaar is in Two Parts confirmed by actor Devaraj
Salaar : ప్రభాస్ (Prabhas) నటిస్తున్న మోస్ట్ యాంటిసిపేటెడ్ మూవీ సలార్. కేజీఎఫ్ సక్సెస్ తరువాత ప్రశాంత్ నీల్ పాన్ ఇండియా స్టార్ ప్రభాస్ తో తెరకెక్కిస్తున్న సినిమా కావడంతో ఈ చిత్రం పై ఇండియా వైడ్ భారీ అంచనాలు నెలకొన్నాయి. ప్రస్తుతం ఈ మూవీ ఇటలీలో షూటింగ్ జరుపుకుంటుంది. అక్కడ ప్రభాస్ పై యాక్షన్ సీక్వెన్స్ ని తెరకెక్కించనున్నారు. అయితే ఈ షెడ్యూల్ గురించి ఇటీవల ఇటలీ మీడియా ఆర్టికల్ రాస్తూ.. సలార్ రెండు భాగాలుగా రాబోతుంది అంటూ పేర్కొన్నారు. దీంతో సలార్ టు పార్ట్స్ గా రాబోతుంది అన్న వార్త సోషల్ మీడియాలో చక్కర్లు కొట్టేసింది.
అయితే దీని పై చిత్ర యూనిట్ నుంచి ఎటువంటి క్లారిటీ రాలేదు. తాజాగా ఈ సినిమాలో నటిస్తున్న దేవరాజ్.. ఈ విషయాన్ని కన్‌ఫార్మ్ చేశాడు. సీనియర్ యాక్టర్ అయిన దేవరాజ్ ఇటీవల ఒక తెలుగు మీడియాకి ఇంటర్వ్యూ ఇచ్చాడు. ఈ క్రమంలోనే తాను ప్రభాస్ తో కలిసి సలార్ సినిమాలో నటిస్తున్నట్లు తెలియజేసిన దేవరాజ్.. మొదటి భాగంలో తన పాత్ర పెద్దగా కనిపించదని, సెకండ్ పార్ట్ లో తన పాత్ర ప్రాధాన్యత ఉంటుందని వెల్లడించాడు. ఇక ఈ వ్యాఖ్యలు విన్న ప్రభాస్ అభిమానులు ఫుల్ ఖుషి అవుతున్నారు.
Prabhas : ప్రభాస్, మారుతీ సినిమా నుంచి ఫోటో లీక్.. గుబురు గడ్డంతో ప్రభాస్ డిఫరెంట్ లుక్!
కాగా ఈ సినిమాకి సంబంధించిన మరో వార్త కూడా ఇటీవల బయటకి వచ్చింది. సలార్ ఎండ్ పార్ట్ లో యశ్ ఎంట్రీ ఇవ్వబోతున్నాడని వార్తలు వినిపించాయి. కేజీఎఫ్ 2 ని కనెక్ట్ చేసేలా రాకీ భాయ్ ఎంట్రీ ఇవ్వనున్నాడని తెలుస్తుంది. ఒకవేళ ఈ వార్త కూడా నిజమైతే బాక్స్ ఆఫీస్ ఊచకోత షురూ అంటున్నారు. ఇక సలార్ సినిమాలో శృతిహాసన్ హీరోయిన్ గా నటిస్తుంది. పృథ్వీరాజ్ సుకుమారన్, జగపతిబాబు విలన్స్ గా కనిపించబోతున్నారు.
