The Warrior Trailer: హై వోల్టేజ్ ట్రైలర్‌తో ఆపరేషన్ స్టార్ట్ చేసిన రామ్!

ఎప్పుడెప్పుడా అని ఎదురుచూస్తున్న యంగ్ అండ్ ఎనర్జిటిక్ హీరో రామ్ పోతినేని ‘ది వారియర్’ ట్రైలర్ ఎట్టకేలకు రిలీజ్ అయ్యింది. తమిళ దర్శకుడు లింగుస్వామి....

The Warrior Trailer: హై వోల్టేజ్ ట్రైలర్‌తో ఆపరేషన్ స్టార్ట్ చేసిన రామ్!

The Warrior Trailer: ఎప్పుడెప్పుడా అని ఎదురుచూస్తున్న యంగ్ అండ్ ఎనర్జిటిక్ హీరో రామ్ పోతినేని ‘ది వారియర్’ ట్రైలర్ ఎట్టకేలకు రిలీజ్ అయ్యింది. తమిళ దర్శకుడు లింగుస్వామి తెరకెక్కించిన ఈ పవర్‌ఫుల్ యాక్షన్ ఎంటర్‌టైనర్ మూవీలో రామ్ పోతినేని తొలిసారి పోలీస్ ఆఫీసర్ పాత్రలో నటిస్తున్నాడు. ఇక ఇప్పటికే రిలీజ్ అయిన ఈ సినిమా పోస్టర్స్, టీజర్, సాంగ్స్ ఈ సినిమాపై అంచనాలను రెట్టింపు చేశాయి. కాగా తాజాగా ఈ సినిమా ట్రైలర్‌ను చిత్ర యూనిట్ రిలీజ్ చేసింది. ఈ ట్రైలర్‌ను పవర్‌ప్యాక్డ్‌గా ప్రెజెంట్ చేశారు చిత్ర యూనిట్.

The Warrior: వారియర్ కోసం మాస్ డైరెక్టర్, క్లాస్ హీరో!

కర్నూలు సిటీలో కొత్త డీఎస్పీగా బాధ్యతలు తీసుకున్న రామ్, అక్కడ గురు అనే వ్యక్తి చేసే అన్యాయాలను ఏ విధంగా ఎదుర్కొంటాడు అనేది మనకు సినిమా కథగా చూపించబోతున్నారు. ఇక పోలీస్ ఆఫీసర్ పాత్రలో రామ్ లుక్ చాలా అద్భుతంగా తీర్చిదిద్దారు చిత్ర యూనిట్. అతడు చెప్పే డైలాగులు కూడా గూస్‌బంప్స్ తెప్పించే విధంగా ఉన్నాయి. ఇక ఈ ట్రైలర్‌లో రామ్ మరో లుక్‌లోనూ మనకు కనిపిస్తున్నాడు. అటు గురు పాత్రలో నటుడు ఆది పినిశెట్టి హైలైట్‌గా ఉన్నాడు. అతడి స్లాంగ్, అతడి లుక్స్ గురు పాత్రను ఈ సినిమాకే హైలైట్‌గా చేయడం ఖాయమని ఈ ట్రైలర్ చూస్తే అర్థమవుతోంది. కర్నూలులో గురు ఆధిపత్యంపై పోలీస్ ఆఫీసర్‌గా రామ్ ఎలాంటి యాక్షన్ తీసుకుంటాడనేది మనం సినిమాలో చూడాల్సిందే.

The Warrior: విజిల్ వేయిస్తున్న వారియర్.. ఎప్పుడంటే?

మొత్తానికి లింగుస్వామి ఓ పవర్‌ఫుల్ కథతో రామ్‌ను మరింత పవర్‌ఫుల్‌గా చూపించడం ఖాయమని ఈ ట్రైలర్ చూస్తే అర్థమవుతోంది. ఇక అందాల భామ కృతి శెట్టికి సంబంధించి ట్రైలర్‌లో కొన్ని సెకన్స్ మాత్రమే విజువల్స్ చూపించారు. మరి సినిమాలో ఆమె పాత్రకు మంచి స్కోప్ ఉంటుందని ఆశిద్దాం. ఇక ఈ సినిమాను జూలై 14న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతోంది. ఈ సినిమాకు టాలీవుడ్ రాక్‌స్టార్ దేవిశ్రీ ప్రసాద్ సంగీతం అందించగా, శ్రీనివాస చెట్టూరి ఈ సినిమాను భారీ బడ్జెట్‌తో ప్రొడ్యూస్ చేస్తున్నాడు.