Sarkaru Vaari Paata : మహేష్ బాబు, కీర్తి సురేష్ జంటగా నటిస్తున్న ‘సర్కారు వారి పాట’ సినిమా ప్రస్తుతం చివరి షెడ్యూల్ షూటింగ్ జరుపుకుంటుంది. పరుశురాం దర్శకత్వంలో మైత్రి మూవీ మేకర్స్, 14 రీల్స్ బ్యానర్స్, జిఎంబి ఎంటర్టైన్మెంట్స్ కలిసి సంయుక్తంగా ఈ సినిమాని నిర్మిస్తున్నారు. ‘సర్కారు వారి పాట’ సినిమా నుంచి ఇప్పటికే టీజర్, ఓ సాంగ్ రిలీజ్ అయి ప్రేక్షకులని మెప్పించాయి. తాజాగా ఇవాళ సెకండ్ సాంగ్ ప్రోమోని విడుదల చేశారు చిత్ర యూనిట్.
ఇటీవల ‘సర్కారు వారి పాట’ సినిమా నుంచి వచ్చిన మొదటి పాట ‘కళావతి..’ సాంగ్, అందులో మహేష్ వేసిన స్టెప్పులు బాగా వైరల్ అయ్యాయి. అది మెలోడీ సాంగ్ కాగా తాజాగా వచ్చిన పెన్నీ సాంగ్ మాస్ సాంగ్. తమన్ మ్యూజిక్ డైరెక్షన్ లో వచ్చిన పెన్నీ సాంగ్ ప్రోమో మాస్ బీట్ తో ఉంది. పెన్నీ పెన్నీ.. అంటూ ఈ పాట సాగనుంది. మనీ వ్యాల్యూ చెప్పేలా ఈ పాట ఉండబోతున్నట్లు తెలుస్తుంది. అయితే ఈ పాటతో మహేష్ అభిమానులకి, ప్రేక్షకులకి మరో సర్‌ప్రయిజ్ ఇచ్చారు చిత్ర యూనిట్.
Prabhas : ప్రభాస్‌కి సర్జరీ.. ఆందోళనలో ఫ్యాన్స్..
ఈ సాంగ్ లో మహేష్ కూతురు సితార ఘట్టమనేని కూడా కనిపించబోతుంది. పెన్నీ సాంగ్ ప్రోమోలో సితారని రివీల్ చేశారు. ఈ సాంగ్ లో స్పెషల్ ఎంట్రీ ఇవ్వనుంది సితార. సాంగ్ కు డ్యాన్స్ కూడా చేసింది. ఈ సాంగ్ తో సితార మొదటిసారి వెండితెరపై కనిపించనుంది. ఇప్పటికే సోషల్ మీడియా, యూట్యూబ్ తో ప్రేక్షకులకి దగ్గరైన సితార ఈ సినిమాతో వెండితెరపై కనిపించి అలరించనుంది. ఈ పూర్తి పాటని మార్చ్ 20 న విడుదల చేయనున్నారు. సితార కూడా సినిమాలో కనిపించబోతుంది అని తెలియడంతో మహేష్ అభిమానులు ఆనందం వ్యక్తం చేస్తూ సినిమా కోసం ఆతృతగా ఎదురు చూస్తున్నారు.
