Varieties of Basmati Rice
Basmati Rice : ఘుమ ఘుమలాడే బిర్యానిలో బాసుమతి బియ్యానిదే కీలక పాత్ర. ఎగుమతి ప్రాధాన్యం కలిగి, అత్యదిక విదేశీ మారక ద్రవ్యాన్ని ఆర్జించే పంటగా మనదేశంలో బాసుమతి వరి, బహుళ ప్రాచుర్యం పొందింది. అనాదిగా బాసుమతి రకాల సాగుకు తెలుగు రైతులు శతవిధాలా ప్రయత్నిస్తున్నా.. మిల్లింగ్, మార్కెటింగ్ సమస్యల వల్ల ఆర్ధికంగా మంచి ఫలితాలు సాధించలేకపోతున్నారు.
Read Also : Agri Tips : వ్యవసాయంలో యాంత్రీకరణతో కూలీల కొరతకు చెక్ – సమయం ఆదాతో పాటు తగ్గనున్న పెట్టుబడులు
ఈ సమస్యలను దృష్టిలో పెట్టుకుని రాజేంద్రనగర్ వరి పరిశోధనాస్థానం శాస్త్రవేత్తలు, పొడవుగింజ సువాసన రకాలతోపాటు, మధ్యస్థ సైజు కలిగిన పొట్టిగింజ సువాసన రకాలను అభివృద్ధిచేసారు. ఖరీఫ్ లో వీటిసాగు ద్వారా రైతులు, అధిక దిగుబడితోపాటు, మంచి ఆదాయం పొందవచ్చని శాస్త్రవేత్తలు సూచిస్తున్నారు.
మంచి సువాసనతో పొగలుకక్కే బిర్యాని చూస్తే… ఎవరికైనా కడుపులో ఆకలి పరుగు పెట్టటం ఖాయం. దక్షిణ భారత దేశంలో ప్రసిద్ధమైన వంటకంగా పేరుగాంచిన బిర్యానికి మన హైదరాబాద్ కేంద్రబిందువుగా నిలవటం గర్వకారణం. ఇంత విశిష్ఠమైన వంటకానికి మూలం బాసుమతి బియ్యం. రుచి, సువాసన, నాణ్యత, ధరల్లోను బాసుమతికి మరో రకం సాటిలేదు. బాసుమతి అంటే సువాసన గలది అని అర్థం . భారతదేశం నలుమూలలా సువాసన గలిగిన ధాన్యం రకాలను చాలా కాలం నుండి పండిస్తున్నారు.
అయితే, ఉత్తర భారతదేశంలో పండిస్తున్న సువాసన గల ధాన్యం బాసుమతి పేరుతొ ప్రసిద్ధి చెందటం వల్ల మిగిలిన సువాసన కలిగిన రకాలకు ప్రాధ్యాన్యం తగ్గింది. అయితే తెలుగు రాష్ట్రాల్లో పండే బాసుమతి రకాలు నాణ్యతలో మిగతావాటికి తీసిపోవు.
అలాగే తెలంగాణలో స్థానికంగా సాగులో వున్న సువాసన రకాల కూడా మంచి నాణ్యతను కలిగి వున్నాయి. ఈ నేపధ్యంలో స్థానిక డిమాండ్ కు అనుగుణంగా పొడవు, మధ్యస్థ సైజు గింజకలిగిన సువాసన రకాల అభివృద్ధి చేశారు.. రాజేంద్రనగర్ వరి పరిశోధనాస్థానం శాస్త్రవేత్తలు. వీటిని ఖరీఫ్ లో సాగుచేస్తే మంచి ఫలితాలు సాధించవచ్చని తెలియజేస్తున్నారు ప్రధాన శాస్త్రవేత్త డా. చంద్రమోహన్.
Read Also : Soil Test For Agriculture : నేలకు ఆరోగ్యం.. పంటకు బంల – భూసార పరీక్షలతోనే అధిక దిగుబడులు
