SIR Survey: ఏపీ, తెలంగాణలో ‘SIR’ సర్వే.. అవసరమయ్యే పత్రాలు ఇవే.. ఇంటివద్ద లేకపోతే ఇలా చేయండి.. ఫుల్ డీటెయిల్స్ మీకోసం

Full details of the 'SIR' survey in AP and Telangana for you.

• ఏపీ, తెలంగాణలో ‘SIR’ సర్వే
• ఇంటింటికీ అధికారుల క్షేత్రస్థాయి పరిశీలన.
• సులభమైన ఆన్‌లైన్ నమోదు అవకాశం.

SIR Survey: భారత ఎన్నికల సంఘం ఆంధ్రప్రదేశ్, తెలంగాణ రాష్ట్రాల్లో ఓటరు జాబితా ప్రక్షాళన కోసం ప్రతిష్టాత్మకంగా చేపట్టిన “సర్‌(SIR Survey)” (SIR – Special Intensive Revision) కార్యక్రమం మొదలుకానుంది. అయితే, ఈ ప్రక్రియ గురించి చాలా మందిలో చాలా అనుమానాలు నెలకొన్నాయి. కాబట్టి, ఈ ప్రక్రియ గురించిన పూర్తి వివరాలు, ఆన్‌లైన్ ప్రక్రియ గురించి ఇక్కడ పూర్తి వివరాలు సూచించడం జరిగింది.

NIT Warangal: రూ.1.27 కోట్లు ప్యాకేజ్.. ఎన్‌ఐటీ వరంగల్ రికార్డ్ ప్లేస్‌మెంట్స్… 130 మందికి ముప్పై లక్షల ప్యాకేజీతో జాబ్స్

SIR (సర్‌) కార్యక్రమం అంటే ఏమిటి?

ఓటరు జాబితాను వంద శాతం తప్పులు లేకుండా, పారదర్శకంగా మార్చడమే ధ్యేయంగా కేంద్ర ఎన్నికల సంఘం (ECI) ఈ ప్రత్యేక డ్రైవ్‌ను ప్రారంభించింది. ఇందులో భాగంగా బూత్ స్థాయి అధికారులు (BLO) నేరుగా ఓటర్ల ఇళ్లకు వచ్చి క్షేత్రస్థాయి పరిశీలన జరుపుతున్నారు.

ముఖ్య ఉద్దేశాలు:

* అర్హులైన కొత్త ఓటర్లను జాబితాలో చేర్చడం.

* మరణించిన వారి లేదా శాశ్వతంగా వలస వెళ్ళిన వారి పేర్లను తొలగించడం.

* ఓటరు కార్డులలోని తప్పులను (పేరు, వయస్సు, చిరునామా మొదలైనవి) సవరించడం.

* క్షేత్రస్థాయి పరిశీలన సమయంలో ఓటర్లు తమ వివరాల ధృవీకరణ కోసం ఆధార్ కార్డు, ఓటర్ ఐడీ లేదా చిరునామా ఆధారాలను అధికారులకు చూపించాల్సి ఉంటుంది.

ఆన్‌లైన్ ప్రత్యామ్నాయం (ఇంటికి దూరంగా ఉండేవారి కోసం):

ఇంటికి దూరంగా లేదా ఇతర రాష్ట్రాల్లో నివసిస్తున్న ఓటర్లు ఈ సర్వే గురించి ఆందోళన చెందాల్సిన అవసరం లేదు. ఎందుకంటే, వారి కోసం ఎన్నికల సంఘం ప్రత్యక్ష పర్యవేక్షణలో పనిచేసే సులువైన ఆన్‌లైన్ SIR వ్యవస్థను అందుబాటులోకి తెచ్చింది. దీని కోసం ఎలాంటి ఫారాలను విడిగా డౌన్‌లోడ్ చేయనవసరం లేదు.

ఆన్‌లైన్ ద్వారా వివరాలు నమోదు చేసుకునే విధానం:

* ఇందుకోసం మొదటగా భారత ఎన్నికల సంఘం అధికారిక పోర్టల్ https://voters.eci.gov.in/ ను సందర్శించాలి.

* వెబ్‌సైట్‌లోకి ప్రవేశించిన తర్వాత, ఓటర్లు తమ మొబైల్ నంబర్ ఉపయోగించి లాగిన్ అవ్వాలి. (ఖాతా లేని పక్షంలో కొత్తగా సైన్-అప్ అవ్వాలి).

* హోంపేజీలో కనిపించే “Special Intensive Revision (SIR) – Fill Enumeration Form” అనే లింక్‌పై క్లిక్ చేయాలి.

* అక్కడ మీ రాష్ట్రాన్ని ఎంచుకుని, ఓటర్ ఐడీ (EPIC) నంబర్‌ను నమోదు చేసి సెర్చ్ చేయగానే, డిజిటల్ గణన ఫారం స్క్రీన్‌పై కనిపిస్తుంది.

మీ మొబైల్ నంబర్ ఓటర్ ఐడీతో లింక్ కాకపోతే, మీరు నేరుగా ఫారం నింపలేరు. అటువంటి వారు మొదట అదే పోర్టల్‌లోని ‘ఫారం 8’ ద్వారా మొబైల్ నంబర్‌ను ఓటర్ ఐడీతో అనుసంధానం చేసుకోవాలి.

ఫారంలో నింపాల్సిన వివరాలు & పత్రాలు:

డిజిటల్ ఫారంలో ఓటర్లు తమ పేరు, ప్రస్తుత చిరునామా, నియోజకవర్గం, వార్డ్ నంబర్ వంటి వివరాలను నమోదు చేయాలి. ఒకవేళ 2002 ఓటరు జాబితాలో పేరు ఉంటే దానికి సంబంధించిన సీరియల్ నంబర్‌ను ఇవ్వాలి, లేదంటే కొత్త వివరాలను పూరించవచ్చు.

అప్‌లోడ్ చేయాల్సిన పత్రాలు:

• ఓటర్ ఐడీ కార్డు
• వయస్సు ధృవీకరణ పత్రం
• చిరునామా రుజువు (అడ్రస్ ప్రూఫ్)
• పాస్‌పోర్ట్ సైజ్ ఫోటో (అవసరమైతే)

చివరగా వివరాలన్నీ సరిచూసుకుని ఫారాన్ని Submit చేయాలి. భవిష్యత్తు అవసరాల కోసం స్క్రీన్‌పై వచ్చే రిఫరెన్స్ నంబర్‌ను భద్రపరుచుకోవాలి. ఈ ఆన్‌లైన్ సమర్పణ అధికారికంగా చెల్లుబాటు అయినప్పటికీ, తుది ధృవీకరణ కోసం బూత్ స్థాయి అధికారి (BLO) మిమ్మల్ని సంప్రదించే అవకాశం ఉంది.