MLA Roja: పవన్‌ను తొక్కేయాల్సిన అవసరం మాకు లేదు – ఎమ్మెల్యే రోజా

Roja Mla

MLA Roja: సినిమా పెద్దల మీటింగ్ తర్వాత కూడా టిక్కెట్ల వ్యవహారం కొలిక్కిరాలేదు. ఆంధ్రప్రదేశ్‌లో టికెట్ల వ్యవహారంపై భీమ్లా నాయక్ సినిమా తర్వాత మరోసారి చర్చ జరుగుతుంది. లేటెస్ట్‌గా ఈ వ్యవహారంపై టాలీవుడ్ సీనియర్ హీరోయిన్, ఎమ్మెల్యే రోజా పవన్ కళ్యాణ్‌కి కౌంటర్స్ వేశారు.

ఏపీలో సినిమా టిక్కెట్ల రేట్లపై పవన్‌ కళ్యాణ్‌కి అంత బాధ ఎందుకో తనకు అర్ధం కావట్లేదని అన్నారు వైసీపీ ఎమ్మెల్యే రోజా. పవన్‌ ఏమైనా ప్రొడ్యూసరా? డిస్ట్రిబ్యూటరా? అని ప్రశ్నించారు. పవన్‌ను తొక్కేయాల్సిన అవసరం తమకేంటి అని నిలదీశారు రోజా.

అల్లు అర్జున్‌ పుష్ప, బాలకృష్ణ అఖండ సినిమాలకు టిక్కెట్ల రేట్లు ఎంత ఉన్నాయో.. ఇప్పుడూ అవే రేట్స్‌ అమల్లో ఉన్నాయని, ఇందులో అన్యాయం ఏముందన్నారు రోజా. రేట్లు పెంచుకోవాలంటే జాయింట్‌ కలెక్టర్లకు అప్లై చేసుకోవచ్చుకదా? అని అన్నారు రోజా. రాష్ట్రంలో టిక్కెట్ల ధరలపై నిర్ణయం ఓ కొలిక్కకి వస్తుంటే.. మంత్రి గౌతమ్ రెడ్డి మరణించడంతో జీవో ఆలస్యమైందని ఆమె అంటున్నారు.