Janasena Party: జనసేనకు ఆ పార్లమెంట్ పరిధి చాలా కీలకం.. అన్ని స్థానాల్లో పోటీ.. ఎమ్మెల్సీ నాగబాబు కీలక వ్యాఖ్యలు

Nagababu stated that Jana Sena Party would contest all seats in the Araku parliamentary constituency in upcoming elections.

• అరకులో జనసేన పూర్తి పోటీ.

• గిరిజన నిధులపై నాగబాబు వివరణ.

• ప్రకృతి రక్షణే పవన్ ధ్యేయం.

Janasena Party: ఆంధ్రప్రదేశ్ లో రాబోయే ఎన్నికల నేపథ్యంలో జనసేన పార్టీ సరికొత్త వ్యూహాలతో రంగంలోకి దిగుతోంది. అరకు పార్లమెంట్ నియోజకవర్గం తమకు అత్యంత కీలకమని, ఆ పరిధిలోని అన్ని అసెంబ్లీ స్థానాలతో పాటు పార్లమెంట్ స్థానంలోనూ జనసేన అభ్యర్థులను నిలబెట్టేందుకు 100% ప్రణాళికలు సిద్ధం చేస్తున్నట్లు పార్టీ ముఖ్య నేత నాగబాబు వెల్లడించారు. గరిష్ట స్థానాల్లో గెలుపే లక్ష్యంగా పక్కా కార్యాచరణను రూపొందిస్తున్నట్లు ఆయన స్పష్టం చేశారు.

Bullet Train: తెలుగు రాష్ట్రాల్లో బుల్లెట్ రైలు.. మొదలైన సర్వే పనులు, మార్కింగ్‌లు.. స్టేషన్స్ ఎక్కడ వస్తున్నాయో తెలుసా?

గిరిజన సంక్షేమం కోసమే పంచాయతీరాజ్:

గిరిజన ప్రాంతాల అభివృద్ధి, వారి హక్కుల పరిరక్షణే ధ్యేయంగా జనసేన(Janasena Party) అధినేత పవన్ కళ్యాణ్ పనిచేస్తున్నారని నాగబాబు తెలిపారు. అందుకోసమే ఆయన ప్రత్యేకంగా పంచాయతీరాజ్ శాఖను ఎంచుకున్నారని పేర్కొన్నారు. ‘అడవితల్లి బాట’ కార్యక్రమం కింద రూ.1,005 కోట్లతో 1,069 కిలోమీటర్ల రోడ్ల నిర్మాణం చేపట్టామని, పీఎం జన్మన్ నిధుల నుండి రూ.555 కోట్లు, ఉపాధి హామీ పథకం కింద అత్యధికంగా రూ.2,525 కోట్లను ఈ ప్రాంతాల కోసం వెచ్చించినట్లు గణాంకాలతో వివరించారు.

ప్రకృతి రక్షణకు పవన్ కళ్యాణ్ కట్టుబడి ఉంటారు:

పవన్ కళ్యాణ్ ఇప్పటికే అరకు, పాడేరు, అనంతగిరి, డుంబ్రిగూడ వంటి ఎన్నో గిరిజన ప్రాంతాల్లో స్వయంగా పర్యటించి అక్కడి సమస్యలపై పూర్తి అవగాహన తెచ్చుకున్నారని నాగబాబు చెప్పారు. బాక్సైట్ మైనింగ్, హైడ్రోపవర్ ప్రాజెక్టుల వంటి సాంకేతిక అంశాలపై పూర్తి అవగాహన లేకపోయినప్పటికీ.. ప్రకృతికి, గిరిజన జీవన విధానానికి నష్టం కలిగించే ఏ నిర్ణయాన్నైనా పవన్ కళ్యాణ్ ఎంతమాత్రం సహించరని, పర్యావరణాన్ని కాపాడుతూ గిరిజనుల హక్కుల కోసం జనసేన పోరాడుతుందని స్పష్టం చేశారు.