Pawan Kalyan, Nara Lokesh
Pawan Kalyan: ఏపీ పొలిటికల్ సినారియో ఎప్పటికప్పుడు హాట్‌ హాట్‌గా మారుతోంది. కూటమి దూకుడు మీదున్నా..వైసీపీ లైమ్‌లైట్‌లోకి రాకపోయినా..సోషల్ మీడియా వార్‌ మాత్రం గట్టిగా నడుస్తోంది. కూటమి నేతలకు సంబంధించి చిన్న ఇష్యూను కూడా వైసీపీ సోషల్ మీడియా హైలెట్‌ చేస్తోంది. ఈ క్రమంలో డిప్యూటీ సీఎం పవన్ కల్యాణ్, మంత్రి లోకేశ్ మధ్య గ్యాప్, ఇగో క్లాషెస్‌ అంటూ ఓ రేంజ్‌లో రూమర్స్ స్ప్రెడ్ అవుతున్నాయి. దాంతో కలిసే ఉంటా..మరో 15 ఏళ్ల పాటు కూటమిగానే ముందుకెళ్తామంటూ.. పదపదే చెబుతూనే..తమ బంధం ఎంత బలంగా ఉందో అప్పుడడప్పుడు క్యాడర్‌కు ఇండికేషన్స్ ఇస్తున్నారు.
ముఖ్యనేతలుగా మాది ఒకే లైన్‌..ఒకే ఎజెండా. క్షేత్రస్థాయిలో ఎమ్మెల్యేలు, మండల, గ్రామస్థాయి నాయకులు కూడా కూటమి పార్టీల నేతలతో సర్దుకుపోవాలని తేల్చిచెబుతున్నారు. లేటెస్ట్‌గా డిప్యూటీ సీఎం పవన్ కల్యాణ్, మంత్రి నారా లోకేశ్ ఆలింగనం చేసుకున్న ఫొటో ఒకటి ఫుల్ వైరల్ అవుతోంది. ఆ ఫొటోను షేర్ చేస్తూ..కూటమిలో చిచ్చుపెట్టడం ఎవరి వల్ల కాదంటూ కామెంట్లు పెడుతున్నారు టీడీపీ కార్యకర్తలు. (Pawan Kalyan)
అమరావతి జాతీయ బ్యాంకుల ఆఫీసుల ప్రారంభోత్సవానికి ముందుగా వచ్చిన పవన్, లోకేశ్ ఒకరినొకరు పలకరించుకోవడమే కాకుండా, చాలా కాలం తర్వాత కలిసిన అన్నదమ్ముల్లా ఆలింగనం చేసుకోవడం ఆకట్టుకుంది. తర్వాత ఇద్దరు చాలా సేపు సరదాగా మాట్లాడటం ఆసక్తికరంగా మారింది. పవన్, లోకేశ్ కలిసి ఉన్న తీరు చర్చకు దారితీసింది. గత ఎన్నికల ముందు నుంచే ఈ ఇద్దరి మధ్య చక్కని అనుబంధం కంటిన్యూ అవుతోందని కూటమి నేతలు గుర్తు చేస్తున్నారు.
అయితే ఇటీవల లోకేశ్ స్పీడు పెంచేశారని, పవన్‌ను వెనక్కి నెట్టేశారని విపక్షం వైసీపీ, ఆ పార్టీ సోషల్ మీడియా తీవ్రంగా ప్రచారం చేస్తోంది. దీంతో జనసేన పార్టీతో పాటు కూటమిలో కొంత ఆందోళన, ఆవేదన కనిపించిందని అంటున్నారు. అయితే ఒక్క ఫోటోతో పవన్, లోకేశ్ క్లియర్ విపక్షంతో పాటు కూటమి క్యాడర్‌కు క్లియర్ కట్‌ ఇండికేషన్స్ ఇచ్చారని చెబుతున్నారు.
లోకేశ్, పవన్ ఎక్కడికి వెళ్లినా, ఏ వేదికపై ప్రసంగించినా కూటమి కొనసాగుతుందని, మరో 15 ఏళ్లు తమను ఎవరూ విడదీయలేరనే చెప్పుకొస్తున్నారు. కానీ, ఎక్కడో ఒక చోట, ఏదో ఒక సందర్భంలో ఆ ఇద్దరి మధ్య సంబంధాలు దెబ్బతీసే ప్రచారం జరుగుతూనే ఉందని కూటమి నేతలు అనుమానిస్తున్నారు. ఆ ఇద్దరు నేతలు మాత్రం..ఇవన్నీ పట్టించుకోకుండా..తమ బంధం బలమైందని ఎప్పటికప్పుడు సంకేతాలు ఇస్తున్నారు.
పవన్ లోకేశ్ సూపర్‌ బ్రదర్స్‌ అంటున్నారు కూటమి నేతలు. వారిది ఒకటే మాట.. ఒకటే బాట అని చెప్పుకొస్తున్నారు. వారి మధ్య భేదాభిప్రాయాలు రావాలని ఎదురు చేస్తున్న కూటమి నేతలకు నిరాశే ఎదురు అవుతుందని..రోజురోజుకి వాళ్ల మధ్య బంధం బలపడుతోందని అంటున్నారు. అన్నకు తోడుగా తమ్ముడు..తమ్ముడు నిర్ణయాలకు అండగా అన్న..ఒకరికొకరు అన్నట్లు సాగుతోందని చెప్పుకొస్తున్నారు.
కూటమిలో విభేదాలు రావాలంటే ఈ ఇద్దరి మధ్య అగ్గిరాజేయాలని ప్రత్యర్థులు ప్రయత్నిస్తున్నా.. ఇద్దరూ ఎంతో సమన్వయంతో నడుచుకోవడమే కాకుండా..క్యాడర్‌కు సరైన దిశానిర్దేశం చేస్తూ కన్‌ఫ్యూజన్స్‌ లేకుండా జాగ్రత్త పడుతున్నారు. మధ్యాహ్న భోజన పథకానికి డొక్కా సీతమ్మ పేరు పెట్టడం ద్వారా మంత్రి లోకేశ్..డిప్యూటీ సీఎం పవన్‌కు చాలా ప్రాధన్యమిస్తున్నట్లు సంకేతాలు పంపారంటున్నారు. విద్యార్థుల మధ్యాహ్న భోజన పథకానికి డొక్కా సీతమ్మ పేరు పెట్టడం ద్వారా పవన్ ఆదర్శాలను తాము ఆచరిస్తామని చెప్పకనే చెప్పారు. ఈ ఒక్క విషయంలోనే కాదు టీడీపీ-జనసేన మధ్య పొత్తు కుదిరిన క్షణం నుంచి పవన్‌తో చక్కని సమన్వయానికి ప్రాధాన్యమిస్తూ…పవన్‌ను ఓ అన్నలా భావిస్తూ అడుగులు వేస్తున్నారు లోకేశ్.
సీఎం చంద్రబాబు కూడా పవన్‌కు ఎంతో గౌరవం ఇస్తున్నట్లు చెబుతున్నారు. తన క్యాబినెట్‌లో రెండో స్థానం ఇవ్వడమే కాకుండా..అన్ని విషయాల్లోనూ పవన్‌కు ప్రాధాన్యమిస్తూ… తన కుమారుడు కన్నా ప్రభుత్వంలో పవన్ ప్రాధాన్యం ఎక్కువ ఉండేలా చూడటం కూడా పవన్, లోకేశ్ మధ్య అనుబంధాన్ని పెంచుతోందంటున్నారు. మరోవైపు ఇద్దరు నేతలు తొలిసారి ఎమ్మెల్యేలు అయినప్పటికీ, ఇద్దరూ కీలక శాఖలకు మంత్రులుగా బాధ్యతలు స్వీకరించారు.
తమ శాఖల నిర్వహణలో ఇద్దరూ పోటాపోటీగా వ్యవహరిస్తూనే ఒకరినొకరు గౌరవించుకోవడం, ఒకరి నిర్ణయాలను ఒకరు అభినందించుకుంటూ ముందుకు సాగుతుండటమే పొలిటికల్ సర్కిల్స్‌లో ఎక్కువ చర్చకు దారితీస్తోంది. సీఎం కుమారుడిగా, టీడీపీ జాతీయ కార్యదర్శిగా ఉన్న లోకేశ్..కూటమిలో ఇతర పక్షాలను..ప్రత్యేకంగా పవన్ కల్యాణ్‌ను ఇంతలా గౌరవించడం కూడా చక్కని వాతావరణానికి కారణమవుతోందంటున్నారు.
ఇలా ఒకవైపు పవన్, లోకేశ్ జోడెద్దులా ప్రభుత్వంలో పనిచేస్తుంటే..రాజకీయ ప్రత్యర్థులకు మింగుడు పడటం లేదని కూటమి నేతలు మండిపడుతున్నారు. పవన్, లోకేశ్ మధ్య అంతరం పెంచడం..కూటమిని విడదీయడం వైసీపీ తరం కాదంటూ కౌంటర్లు ఇస్తున్నారు. మరి పవన్, లోకేశ్ బంధంపై ఈ ఫోటో మరింత క్లారిటీ ఇచ్చినట్లేనా.? లేక ఇంకేమైనా గ్యాప్ ఉందా అనేది కాలమే సమాధానం చెప్పాలి.
