Adhika Masam: అధిక మాసంలో ఇలా చేస్తే.. 14 ఏళ్లు ఐశ్వర్యం ప్రాప్తి ఖాయం..!

Adhika Masam: మే 17వ తేదీ ఆదివారం నుంచి అధిక జేష్ఠ మాసం ప్రారంభమైంది. ప్రతి మూడేళ్లకు ఒకసారి అధిక మాసం అనే పేరుతో ప్రత్యేకమైన మాసం వస్తుంది. అధిక మాసాన్ని పురుషోత్తమ మాసం అనే పేరుతో పిలుస్తారు. ఇది విష్ణుమూర్తికి చాలా ఇష్టమైన మాసం. మామూలు మాసాల్లో చేసే పూజలు, దానాలు, స్తోత్ర పారాయణాల కన్నా అధిక మాసంలో చేసే పూజలు, దానాలు, స్తోత్ర పారాయణాలు ఎక్కువ ఫలితాలను ఇస్తాయి. ఈ మాసంలో భాగవతం విన్నా, చదివినా మంచిది. ఇవన్నీ చేయలేకపోయినా అధిక మాసంలో ప్రతిరోజూ ఇంట్లో దీపం వెలిగించి ఈ ఒక్క నామం (ఓం పురుషోత్తమాయ నమ:) చదువుకున్నా అద్భుత ఫలితాలు కలుగుతాయని పండితులు చెబుతున్నారు.

అధిక మాసం అంటే దానాలకు ఎక్కువ ప్రాధాన్యత ఉన్న మాసం. ఈ మాసం కనుక గుమ్మడి కాయ దానం ఇస్తే 14 సంవత్సరాల పాటు ఐశ్వర్య ప్రాప్తి కలుగుతుంది. ఆర్థిక ఇబ్బందులు ఎక్కువ ఉన్న వారు ఎవరైనా సరే అధిక మాసంలో గుమ్మడికాయను బ్రాహ్మణుడికి దానం ఇవ్వాలి. వారి ఐశ్వర్య ప్రాప్తి కలుగుతుందని పండితులు చెబుతున్నారు.

ప్రతి రోజూ తులసికి నీటిని సమర్పించి “ఓం నమో భగవతే వాసుదేవాయ” అని జపించాలి. గురువారం నాడు పసుపు ధాన్యాలు, శనగపప్పు, బెల్లం లేదా పసుపును దానం చేయాలి. విష్ణుమూర్తి, లక్ష్మీదేవి చిత్రపటాల ముందు నెయ్యి దీపాన్ని వెలిగించాలి. మీ ఇంటిని శుభ్రంగా ఉంచుకోవాలి. అనవసర ఖర్చులను నివారించాలి. భక్తిశ్రద్ధలతో ఆవులకు లేదా పక్షులకు ఆహారం పెట్టాలి. కేవలం డబ్బు కోసమే కాకుండా స్థిరమైన, స్వచ్ఛమైన, ధర్మబద్ధమైన ఆదాయం కోసం ప్రార్థన చేయాలని పండితులు సూచిస్తున్నారు.

అధిక మాసంలో అస్సలు చేయకూడని పనులు..
సాంప్రదాయకంగా అధిక మాసంలో వివాహం, గృహ ప్రవేశం, ముండనం, నిశ్చితార్థం లేదా కొత్త భౌతిక వ్యాపారాలను ప్రారంభించడం వంటి ప్రధాన శుభకార్యాలను నివారించాలి. ఆధ్యాత్మిక కార్యకలాపాలు, దానధర్మాలు, విద్య, స్వస్థత, మంత్ర సాధన, ధ్యానం, సేవ వంటివి చేసుకోవచ్చు.

మాంసాహారం, మద్యం, పొగాకు ముట్టకూడదు. కోపం, చాడీలు, అబద్ధాలు, క్రూరత్వం, అహం వీడాలి. పెద్దలు, ఉపాధ్యాయులు, తల్లిదండ్రులు, స్త్రీలు, జంతువులు, ఆధ్యాత్మిక పద్ధతుల పట్ల అగౌరవాన్ని నివారించాలి. అలాగే, కేవలం దురాశ కోసం లేదా ఇతరులకు హాని కలిగించడం కోసం ఆచారాలను ఉపయోగించొద్దు. ఈ మాసం శుద్ధీకరణకు ఉద్దేశించబడింది.