Diwali 2025: దేశవ్యాప్తంగా ప్రజలు దీపావళి పండుగను ఘనంగా జరుపుకుంటున్నారు. ఈ పండుగ రోజున పలు పనులను అస్సలు చేయకూడదు. దీపావళి రోజున అప్పులు ఇవ్వకూడదు, తీసుకోకూడదు.
ఈ రెండింట్లో ఏది చేసినా అశుభమే. మాంసం తినడం, జూదం ఆడడం, మద్యం తాగడం వంటి వాటికి దూరంగా ఉండాలి. మీ ఇంట్లో ఏ మూలలోనూ చీకటి ఉండకుండా చూసుకోవాలి.
దీపావళి రోజున లక్ష్మీదేవి ఇంటికి వస్తుందని హిందువుల విశ్వాసం. దీంతో ఇల్లు అంతా దీపాలతో వెలిగించాలి. దీపావళికి ఎవరికైనా బహుమతులు ఇస్తే పదునైన వస్తువులతో పాటు తోలుతో చేసిన వస్తువులు ఇవ్వద్దు.
ప్రతికూల శక్తిని సూచించే నలుపు రంగు దుస్తులు ధరించవద్దు. పూజ వేళ ఇనుప వస్తువులు అస్సలు వాడొద్దు. అటువంటి వస్తువులు ఇంట్లో నెగిటివ్ ఎనర్జీని పెంచుతాయి. ఆహార విషయంలోనూ శ్రద్ధ వహించాలి.
ఉల్లితో పాటు వెల్లుల్లి, గుడ్లు, చికెన్ వంటివి కూడా తినొద్దు. దీపావళి రోజు మద్యం తాగకూడదు. లక్ష్మీదేవిని పూజిస్తా కాబట్టి దీపావళి రోజున ఇంట్లోని మహిళలను అవమానించవద్దు. వారిని బాధ పెట్టే పనులు చేయకూడదు.
కాగా, ఇవాళ లక్ష్మీదేవిని పూజిస్తే శుభం కలుగుతుంది. ప్రదోష కాలంలో పూజ చేస్తే లక్ష్మీదేవి కటాక్షం లభిస్తుంది. ఈ పండుగ రోజున ఇంటిని పరిశుభ్రంగా ఉంచుకోవాలి.
