Horoscope Today: ఉచ్ఛంగతుడైన శుక్రుడు బుధ నక్షత్రంపై సవారీ చేస్తూ.. దండిగా లాభాలు కురిపిస్తున్నాడు. ఈ నేపథ్యంలో బుధ రాశులైన మిథునం, కన్య, శుక్ర రాశులైన వృషభం, తుల వారికి అదృష్టం తలుపు తడుతుంది. శని, రాహువు దగ్గరగా ఉండటం, చంద్రుడు రాహు నక్షత్రంపై ఉండటం వల్ల.. కర్కాటకం, మకరం, కుంభ రాశులకు ప్రతికూల పరిస్థితులు ఎదురవుతాయి.
మేషం: గ్రహస్థితి అనుకూలంగా ఉంది. చేపట్టిన పనులు సకాలంలో పూర్తవుతాయి. ఆదాయం పెరుగుతుంది. ఇంటా, బయటా సంతోషంగా ఉంటారు. భూ లావాదేవీలు అనుకూలిస్తాయి. శివారాధన శుభప్రదం.
వృషభం: వృత్తి, వ్యాపారాలు లాభసాటిగా కొనసాగుతాయి. ఆర్థికంగా ఒక మెట్టు పైకి ఎదుగుతారు. చిన్న నాటి మిత్రులను కలుసుకుంటారు. బంధువులు, ఆత్మీయులతో పనులు నెరవేరుతాయి. ఆరోగ్యంగా ఉంటారు. సూర్యారాధన మేలు చేస్తుంది.
మిథునం: ఈ రోజు అనుకూలం. ఆరోగ్యం సంతృప్తికరంగా ఉంటుంది. అన్నదమ్ములు, బంధుమిత్రులతో సఖ్యత ఏర్పడుతుంది. అనుకున్న పనులు నెరవేరుతాయి. మంచివారితో స్నేహం కుదురుతుంది. రామాలయాన్ని సందర్శించండి.
కర్కాటకం: ఉద్యోగులకు ఒత్తిడి పెరుగుతుంది. అధికారుల నుంచి విమర్శలు ఎదుర్కోవాల్సి వస్తుంది. ఆర్థికస్థితి ప్రతికూలంగా ఉంటుంది. సాయంత్రానికి కొంత ఊరట లభిస్తుంది. ఒక శుభవార్త వింటారు. శివాలయాన్ని సందర్శించండి.
సింహం: ఈ రోజు మిశ్రమ ఫలితాలు ఉంటాయి. అవసరానికి డబ్బు అందుతుంది. ప్రయాణాల వల్ల అలసట, ఇబ్బంది ఎదురువుతాయి. వృత్తి, వ్యాపారాలు నిలకడగా కొనసాగుతాయి. చివర్లో ఒక శుభవార్త వింటారు. హనుమాన్‌ చాలీసా పఠించండి.
కన్య: శుభకార్య ప్రస్తావన వస్తుంది. ఆరోగ్య విషయంలో శ్రద్ధ వహిస్తారు. కొత్త పరిచయాలతో పనులు నెరవేరుతాయి. భూములు, వాహనముల మూలంగా ఖర్చులు పెరుగుతాయి. దత్తాత్రేయస్వామి స్తోత్రాలు పఠించండి.
తుల: నిన్నటితో పోలిస్తే అనుకూల వాతావరణం ఉంటుంది. ఆరోగ్యం నిలకడగా ఉంటుంది. ఉత్సాహంతో పనులు చేస్తారు. రావలసిన సొమ్ము అందుతుంది. కుటుంబంతో సంతోషంగా ఉంటారు. సాయిబాబా ఆలయాన్ని సందర్శించండి.
వృశ్చికం: ఈ రోజు గ్రహస్థితి అనుకూలంగా ఉంటుంది. ఉద్యోగులకు మంచి సమయం. పై అధికారులతో స్నేహంగా మెలుగుతారు. ఆదాయం పెరుగుతుంది. కుటుంబ సహకారం లభిస్తుంది. దుర్గాదేవి స్తోత్రాలు పఠించండి.
ధనుస్సు: ఈ రోజు మిశ్రమంగా ఉంటుంది. ఆదాయం పెరుగుతుంది. అయితే, అనవసరమైన ఖర్చులు ముందుకు వస్తాయి. బంధుమిత్రులతో వైషమ్యాలు ఏర్పడతాయి. ఆరోగ్యంపై శ్రద్ధ చూపుతారు. నరసింహస్వామి ఆలయాన్ని సందర్శించండి.
మకరం: ఆరోగ్యంపై శ్రద్ధ చూపుతారు. అన్నదమ్ములు, బంధుమిత్రులతో చికాకులు తలెత్తుతాయి. ఖర్చుల నియంత్రణ అవసరం. ష్యూరిటీలు ఇవ్వకండి. ట్రేడింగ్‌లో దూకుడుగా వ్యవహరించకండి. లక్ష్మీదేవి ఆరాధన మేలు చేస్తుంది.
కుంభం: పరిస్థితులు కొంత ప్రతికూలంగా ఉంటాయి. ఆచితూచి నిర్ణయాలు తీసుకోవాలి. ఆరోగ్యంపై శ్రద్ధ వహించాలి. అనవసరమైన ఆలోచనలతో ఇబ్బంది పడతారు. వివాదాలకు దూరంగా ఉండటం మంచిది. శివాలయాన్ని సందర్శించండి.
మీనం: వ్యాపారం లాభసాటిగా సాగుతుంది. సమయానికి డబ్బు చేతికి అందుతుంది. బంధుమిత్రుల సహకారం లభిస్తుంది. అనవసరమైన ఖర్చులు ముందుకు వస్తాయి. ఉద్యోగులకు పై అధికారుల ఆదరణ తగ్గుతుంది. రాఘవేంద్రస్వామి స్తోత్రాలు పఠించండి.
(వ్యక్తిగత జాతక వివరాల కోసం సంప్రదించగలరు)
టి. భుజంగరామ శర్మ
77022 86008
Disclaimer : జ్యోతిష్యం అనేది పూర్తి వ్యక్తిగత నమ్మకాలపై ఆధారపడి ఉంటుంది. నిరూపితమైన శాస్త్రం కాదు. ఈ వెబ్‌సైట్‌లోని కంటెంట్ సమాచారం కోసం మాత్రమే. ఇందులో కచ్చితత్వానికి హామీ ఇవ్వలేం. ఈ కంటెంట్ ఆధారంగా తీసుకునే ఏవైనా నిర్ణయాలపై మీదే బాధ్యత. వ్యక్తిగత, ఆర్థిక, వైద్య లేదా చట్టపరమైన విషయాల గురించి పూర్తి సమాచారం కోసం అర్హత కలిగిన నిపుణులను సంప్రదించండి. ఈ కంటెంట్ ద్వారా వల్ల కలిగే ఎలాంటి ఫలితాలకు మాది బాధ్యత కాదని గమనించాలి.
