Anand Mahindra : వారానికి 90 గంటల పనిపై ఆనంద్ మహింద్రా సంచనలన కామెంట్స్.. క్వాంటిటీ కాదు.. క్వాలిటీ ముఖ్యం!
Anand Mahindra : వారానికి 90 పనిగంటలపై మహీంద్రా గ్రూప్ ఛైర్మన్ ఆనంద్ మహీంద్రా సంచనలన కామెంట్స్ చేశారు. ఈ పనివిధానాన్ని ఆయన తప్పుబట్టారు.
- Sreehari A
- Published On : January 11, 2025 / 10:45 PM IST
Anand Mahindra shares views on 90-hour workweek
Anand Mahindra : దేశవ్యాప్తంగా పని-జీవిత సమతుల్యతపై పెద్ద చర్చ కొనసాగుతోంది. అనేక మంది ప్రముఖ పారిశ్రామికవేత్తలు ఉద్యోగుల పని గంటలకు సంబంధించి తమ వ్యక్తిగత అభిప్రాయాలను చెబుతున్నారు. చాలామంది పనిగంటలను పెంచాలని సూచిస్తున్నారు.
వారానికి 90 పనిగంటలపై కూడా కార్పొరేట్ పెద్దలు అభిప్రాయపడుతున్నారు. ఈ పనిగంటల చర్చల మధ్య మహీంద్రా గ్రూప్ ఛైర్మన్ ఆనంద్ మహీంద్రా సంచనలన కామెంట్స్ చేశారు. వారానికి 90 గంటల పనివిధానాన్ని ఆయన తప్పుబట్టారు. ఇది సరైన పద్దతి కాదని అన్నారు.
ఎన్ని గంటల పాటు పనిచేశామని కాదు.. ఎంత నాణ్యతతో పనిచేస్తున్నాము అనేది తాను నమ్ముతానని మహీంద్రా స్పష్టం చేశారు. ఇటీవల, లార్సెన్ అండ్ టూబ్రో (L&T) చైర్మన్ ఎస్ఎన్ సుబ్రమణియన్ వారంలో 90 గంటలు పని చేయాలని సూచించారు. అంతేకాదు, వీలుంటే ఆదివారం కూడా ఆఫీసులకు ఉద్యోగులను పిలిపించి పనులు చేయించేవాడినని తెలిపారు.
ఇంట్లో సెలవు పెట్టడం వల్ల ఉద్యోగులు ఏం ప్రయోజనం పొందుతారని అన్నారు. ఇంట్లో కూర్చుని ఏం చేస్తారు? మీరు మీ భార్యను ఎంతసేపు తదేకంగా చూడగలరు? భార్యలు తమ భర్తలను ఎంతసేపు చూడగలరు? ఆఫీసుకు వెళ్లి పని చేయండి. వారంలో 70 గంటలు పని చేయాలని గతంలో ఇన్ఫోసిస్ చైర్మన్ సూచించారు.
నేను పని నాణ్యతను నమ్ముతాను: ఆనంద్ మహీంద్రా
దేశంలోని టాప్ రేంజ్ కార్పొరేట్ పెద్దలు చేస్తున్న ఇలాంటి వ్యాఖ్యలపై శనివారం (జనవరి 11) ఆనంద్ మహీంద్రా వ్యాఖ్యానించారు. ఢిల్లీలో అభివృద్ధి చేసిన భారత్ యంగ్ లీడర్స్ డైలాగ్ 2025 కార్యక్రమంలో ప్రసంగిస్తూ.. పని నాణ్యతను నమ్ముతానని పని ఎంత పరిమాణంలో చేశారనేది కాదని ఆనంద్ మహీంద్రా స్పష్టం చేశారు.
Anand Mahindra
నేను ఒంటరిగా ఉన్నందున సోషల్ మీడియా ప్లాట్ఫామ్ ‘ఎక్స్’లో లేనని చెప్పాడు. నా భార్య చాలా బాగుంది. ఆమెను చూడటం నాకు చాలా ఇష్టం. నేను సోషల్ మీడియాలో ఉన్నాను. ఎందుకంటే ఇది అద్భుతమైన వ్యాపార సాధనం. ప్రస్తుత పనిగంటలపై చర్చ తప్పు.. ఎందుకంటే.. ఇది పని గంటల కన్నా నాణ్యతపైనే ఆధారపడి ఉంటుందని ఆయన తెలిపారు.
నారాయణ మూర్తి (ఇన్ఫోసిస్ వ్యవస్థాపకుడు) సహా ఇతరులను నేను చాలా గౌరవిస్తాను. నేను దానిని తప్పుగా తీసుకోను. కానీ, ఈ చర్చ తప్పు దిశలో సాగుతుందని నేను భావిస్తున్నాను. మేము పని గంటలపై కాకుండా పని నాణ్యతపై దృష్టి పెట్టాలని నేను నమ్ముతున్నాను.
కాబట్టి ఇది 40, 48, 70 లేదా 90 గంటల విషయం కాదని ఆనంద్ మహీంద్రా పేర్కొన్నారు. ‘ఇది పని అవుట్పుట్పై ఆధారపడి ఉంటుంది. మీరు 10 గంటలు పనిచేసినా, మీరు ఏ అవుట్పుట్ ఇస్తున్నారు? మీరు 10 గంటల్లో ప్రపంచాన్ని మార్చవచ్చు. చాలా దేశాల్లో వారానికి నాలుగు రోజుల పని విధానం నేపథ్యంలో ఈ చర్చ తలెత్తింది.