All Banks Open : మార్చి 31న బ్యాంకులు ఓపెన్.. ఈ తేదీల్లో LIC ఆఫీసులు కూడా.. నో హాలీడేస్.. అసలు రీజన్ ఇదే..!
All Banks Open : 2024-25 సంవత్సరానికి సంబంధించిన అన్ని ప్రభుత్వ లావాదేవీల అకౌంటింగ్‌ను పూర్తి చేసేందుకు మార్చి 31న జరిగే ప్రత్యేక క్లియరింగ్ కార్యకలాపాల్లో అన్ని బ్యాంకులు పాల్గొనాలని ఆర్బీఐ ఆదేశించింది.
- Published By: 10TV Digital Team ,Published On : March 29, 2025 / 11:17 AM IST
Banks Open
All Banks Open : మార్చి 31న దేశవ్యాప్తంగా ఈద్ (రంజాన్) పండుగ జరుపుకుంటారు. ఈ రోజున బ్యాంకులు పనిచేస్తాయా? లేదా అని అందరూ తెలుసుకోవాలని ఉంటుంది. సాధారణంగా ఈద్ వంటి పండుగ సందర్భాలలో బ్యాంకులు పనిచేయవు. కానీ, ఈసారి బ్యాంకు ఓపెన్ అయి ఉంటుంది. ఈద్ సందర్భంగా బ్యాంకు తెరిచి ఉండటానికి అసలు కారణం ఏంటో ఇప్పుడు వివరంగా తెలుసుకుందాం.
ఈద్ సందర్భంగా, మార్చి 31న అనేక ప్రభుత్వ, ప్రైవేట్ ఆఫీసులు క్లోజ్ చేస్తారు. మార్చి 31, సోమవారం అనేక బ్యాంకులు పనిచేయవు. కానీ, ఈసారి దాదాపు అన్ని బ్యాంకులు తెరిచే ఉంటాయి. రిజర్వ్ బ్యాంక్ అన్ని బ్యాంకులకు సెలవు క్యాలెండర్ జారీ చేస్తుంది. మార్చి 31న ఈద్ సందర్భంగా దాదాపు అన్ని బ్యాంకులు పనిచేయవని ముందుగా పేర్కొంది.
కానీ, ఆ తరువాత రిజర్వ్ బ్యాంక్ అందులో కొన్ని మార్పులు చేసింది. వాస్తవానికి, మార్చి 31 సెలవు దినం అయినప్పటికీ చాలా బ్యాంకులు మార్చి 31న తెరిచి ఉంటాయి. ఎందుకంటే.. మార్చి 31న 2024-25 ఆర్థిక సంవత్సరం చివరి రోజు. అందువల్ల, బ్యాంకులు చాలా ముఖ్యమైన పనులను పూర్తి చేయాల్సి ఉంటుంది. ఈ కారణంగా చాలా బ్యాంకులు తెరిచే ఉంటాయి.
భారత్‌లో ఏప్రిల్ 1 నుంచి మార్చి 31 వరకు ఫైనాన్షియల్ ఇయర్ కొనసాగుతుంది. దేశవ్యాప్తంగా ఆదాయపు పన్ను కార్యాలయాలు, CGST ఆఫీసులు మార్చి 29, 30, 31 తేదీలలో తెరిచి ఉంటాయి. రంజాన్, వారంతం అయినప్పటికీ కూడా పనిచేస్తాయి. చెక్ ట్రంకేషన్ సిస్టమ్ (CTS) కూడా ఎప్పటిలానే పనిచేస్తుంది.
ప్రభుత్వానికి సంబంధించిన లావాదేవీలు నిర్వహించే ఏజెన్సీ బ్యాంకులు తెరిచి ఉంటాయి. ఇందులో పెన్షన్, పన్ను వసూలు (ఆదాయపు పన్ను, GST, కస్టమ్స్, ఎక్సైజ్ సుంకం), ప్రభుత్వ ఉద్యోగుల జీతాలు, భత్యాల పంపిణీ, ప్రభుత్వ పథకాలు, సబ్సిడీలకు సంబంధించిన పనులు ఉన్నాయి. నివేదికల ప్రకారం.. దేశవ్యాప్తంగా మొత్తం 33 ఏజెన్సీ బ్యాంకులు ఉన్నాయి. ఇందులో 12 ప్రభుత్వ బ్యాంకులు, 20 ప్రైవేట్ బ్యాంకులు, ఒక విదేశీ బ్యాంకు ఉన్నాయి.
Read Also : X ని అమ్మేసిన మస్క్.. తన కంపెనీని తన కంపెనీకే xAIకి విక్రయం.. ఎన్ని లక్షల కోట్ల నష్టం? యూజర్లకి లాభం ఏంటి?
ఈ తేదీల్లో LIC ఆఫీసులు ఓపెన్ :
పాలసీ హోల్డర్ల కోసం ఈ నెల 29, 30, 31 తేదీల్లో ఎల్ఐసీ ఆఫీసులు ఓపెన్ అయి ఉంటాయి. జోన్లు, డివిజన్లన్నీ తెరిచే ఉంటాయని ఎల్ఐసీ ప్రకటించింది. వారంతం అయినప్పటికీ కూడా 2024-25 ఆర్థిక సంవత్సరం ముగియనున్న నేపథ్యంలో ఎల్ఐసీ ఎప్పటిలాగానే తెరిచి ఉంటుందని పేర్కొంది.
