Gold
Gold Rate: బంగారం కొనుగోలుదారులకు బ్యాడ్ న్యూస్. గోల్డ్ రేటు మళ్లీ పెరిగింది. శనివారం ఉదయం నమోదైన వివరాల ప్రకారం 10గ్రాముల 24 క్యారట్ల గోల్డ్ పై రూ.550 పెరిగింది. అయితే, శుక్రవారం తులం బంగారంపై రూ.350 తగ్గినప్పటికీ బుధ, గురువారాల్లో గోల్డ్ రేటు పెరిగింది. దీంతో గడిచిన నాలుగు రోజుల్లో 10గ్రాముల 24 క్యారట్ల బంగారంపై సుమారు రూ.3,220 పెరిగింది. ఫలితంగా మళ్లీ 10గ్రాముల గోల్డ్ రేటు రూ.లక్షకు చేరువైంది.
శనివారం ఉదయం నమోదైన వివరాల ప్రకారం.. 10గ్రాముల 24 క్యారట్ల గోల్డ్ పై రూ.550 పెరగ్గా.. 22 క్యారట్ల గోల్డ్ ధర రూ. 500 పెరిగింది. మరోవైపు వెండి ధర స్వల్పంగా తగ్గింది. కిలో వెండిపై రూ.100 తగ్గింది. అంతర్జాతీయ మార్కెట్‌లో గోల్డ్ రేటు భారీగా పెరిగింది. ఉదయం నమోదైన వివరాల ప్రకారం.. ఔన్స్ గోల్డ్ 60 డాలర్లు పెరిగి 3,357 డాలర్ల వద్ద ట్రేడవుతోంది.
తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర పెరిగింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.89,900 కాగా.. 24 క్యారట్ల ధర రూ.98,080కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.90,050 కాగా.. 24 క్యారట్ల ధర రూ.98,230కు చేరింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ. 89,900 కాగా.. 24క్యారెట్ల ధర రూ.98,080కు చేరింది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర స్వల్పంగా తగ్గింది. దీంతో ఆయా నగరాల్లో కిలో వెండి ధర రూ.1,10,900 వద్దకు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.99,900 కు చేరింది.
♦ చెన్నైలో కిలో వెండి ధర రూ. 1,10,900 వద్దకు చేరింది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
