Gold And Silver Price Today: మొన్నటి వరకు ఆకాశమే హద్దుగా దూసుకెళ్లిన బంగారం, వెండి ధరలు ఒక్కసారిగా దిగొస్తున్నాయి. అంతర్జాతీయ మార్కెట్ లో చోటు చేసుకుంటున్న పరిణామాల నేపథ్యంలో రెండు రోజులుగా గోల్డ్ రేటు భారీగా తగ్గుతూ వస్తుంది.
శనివారం ఉదయం నమోదైన వివరాల ప్రకారం.. 10గ్రాముల 24 క్యారట్ల గోల్డ్ పై రూ. 980 తగ్గింది. 22 క్యారట్ల గోల్డ్ పై రూ. 900 తగ్గింది. వెండి ధరసైతం భారీగా తగ్గింది. కిలో వెండిపై ఏకంగా రూ.5వేలు తగ్గింది. అయితే, గడిచిన రెండు రోజుల్లో (శుక్ర, శనివారం) 10గ్రాముల 24క్యారట్ల గోల్డ్ పై సుమారు రూ. 2,800 తగ్గుదల చోటు చేసుకుంది. ఇక కిలో వెండిపై (గురు, శుక్ర, శనివారం) మూడ్రోజుల్లో రూ.11వేలు తగ్గింది.
అంతర్జాతీయ మార్కెట్ లోనూ బంగారం ధర భారీగా తగ్గింది. ప్రస్తుతం ఔన్సు గోల్డ్ (31.10 గ్రాముల) 3,037డాలర్ల వద్ద ట్రేడవుతుంది. శుక్రవారంతో పోల్చుకుంటే దాదాపు 80 డాలర్లకుపైగా పడిపోయింది. భారతదేశంలోనూ ధరలు భారీగా తగ్గిన నేపథ్యంలో తెలుగు రాష్ట్రాల్లోని హైదరాబాద్, విజయవాడ వంటి నగరాలతోపాటు దేశంలోని పలు ప్రధాన నగరాల్లో బంగారం, వెండి ధరలు ఎలా ఉన్నాయో ఓసారి తెలుసుకుందాం..
తెలుగు రాష్ట్రాల్లో ఇవాళ్టి ధరలు ..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర భారీగా తగ్గింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.83,100 కాగా.. 24 క్యారట్ల ధర రూ.90,660కు దిగొచ్చింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ. 83,250 కాగా.. 24 క్యారట్ల ధర రూ.90,810 కి పడిపోయింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ. 83,100 కాగా.. 24క్యారెట్ల ధర రూ.90,660కి దిగిచ్చింది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర భారీగా తగ్గింది. కిలో వెండిపై రూ. 5వేలు తగ్గింది. దీంతో ఆయా నగరాల్లో కిలో వెండి ధర రూ.1,03,000కు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.94,000గా నమోదైంది.
♦ చెన్నైలో కిలో వెండి ధర రూ. 1,03,000 వద్ద కొనసాగుతుంది.
