Gold And Silver Price Today
Gold Price Today: దసరా, దీపావళి వరుస పండుగల వేళ బంగారం కొనుగోలుదారులకు కాస్త ఊరట లభించింది. గత నెల రోజులుగా ఆకాశమే హద్దుగా పెరుగుతున్న బంగారం, వెండి ధరలు సోమవారం కాస్త తగ్గుముఖం పట్టాయి. ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ. 220 తగ్గింది. వెండి ధరలో ఎలాంటి మార్పులు చోటు చేసుకోలేదు. దీంతో ఇవాళ తెలుగు రాష్ట్రాల్లోని ప్రధాన నగరాలతోపాటు.. దేశంలోని ప్రధాన నగరాల్లో బంగారం, వెండి ధరలను ఓసారి పరిశీలిద్దాం.
తెలుగు రాష్ట్రాల్లో ధరలు ఇలా ..
తెలుగు రాష్ట్రాల్లో సోమవారం బంగారం ధర స్వల్పంగా తగ్గింది.
హైదరాబాద్, విజయవాడ, విశాఖప‌ట్ట‌ణంలో 22క్యారట్ల 10 గ్రాముల బంగారం ధర రూ.71,000కు చేరింది. 10గ్రాముల 24క్యారట్ల గోల్డ్ ధర రూ.77,450కు చేరింది.
దేశంలోని ప్రధాన నగరాల్లో ..
దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.71,150 కాగా, 24 క్యారట్ల 10 గ్రాములు బంగారం రూ. 77,600.
ముంబయి, కోల్ కతా, బెంగళూరు నగరాల్లో.. 22క్యారట్ల 10గ్రాముల గోల్డ్ ధర రూ.71,100 కాగా, 24క్యారట్ల 10గ్రాముల బంగారం ధర రూ.77,450.
చెన్నైలో 22 క్యారట్ల 10గ్రాముల బంగారం ధర రూ. 71,000 కాగా.. 24 క్యారట్ల గోల్డ్ రేటు రూ.77,450కు చేరింది.
వెండి ధర ఇలా ..
సోమవారం వెండి ధరలో ఎలాంటి మార్పులు చోటుచేసుకోలేదు.
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంలలో కిలో వెండి రూ.1,03,000 వద్ద కొనసాగుతుంది.
దేశంలోని ప్రధాన నగరాల్లో వెండి ధరలను పరిశీలిస్తే..
చెన్నైలో కిలో వెండి ధర రూ. 1,03,000.
కోల్ కతా, ఢిల్లీ, ముంబయి నగరాల్లో కిలో వెండి రేటు రూ.97,000 వద్దకు చేరింది.
బెంగళూరులో మాత్రం కిలో వెండిపై రూ. 2వేలు తగ్గింది. దీంతో అక్కడ కిలో వెండి ధర 90,000 వద్ద కొనసాగుతుంది.
పైనపేర్కొన్న బంగారం, వెండి ధరలు ఉదయం 10 గంటలకు నమోదైనవి. ప్రాంతాల వారిగా బంగారం, వెండి ధరలు మారుతుంటాయి. అందువల్ల బంగారం కొనుగోలు చేసే సమయంలో ఆ సమయానికి ప్రత్యక్ష ధరలను ట్రాక్ చేస్తే కచ్చితమైన ధర నిర్ధారణ చేసుకోవచ్చు.
