Gold
Gold Rate Today: ఇరాన్ , ఇజ్రాయెల్ దేశాల మధ్య కొద్దిరోజులుగా కొనసాగుతున్న యుద్ధానికి ఎండ్ కార్డ్ పడింది. కాల్పుల విరమణ ఒప్పందం అమల్లోకి వచ్చినట్లు ఇరాన్ పేర్కొంది. ఈ మేరకు ఆ దేశ అధికారిక టీవీ ఛానెల్ ప్రకటించింది. ఇరు దేశాల మధ్య యుద్ధంకు ఎండ్ కార్డు పడటంతో బంగారం ధరలుసైతం భారీగా పడిపోయాయి.
కొద్దిరోజులుగా గోల్డ్ రేటు ఆకాశమే హద్దుగా దూసుకెళ్తోంది. ఈ క్రమంలో సరికొత్త రికార్డులను నమోదు చేస్తూ తులం బంగారం ధర రూ.లక్ష దాటేసింది. అయితే, మంగళవారం నమోదైన వివరాల ప్రకారం.. బంగారం, వెండి ధరలు భారీగా తగ్గాయి.
ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ. 820 తగ్గగా.. 22 క్యారట్ల బంగారంపై రూ. 750 తగ్గింది. అంతర్జాతీయంగానూ గోల్డ్ రేటు తగ్గింది. ఔన్సు గోల్డ్ పై 35డాలర్లు తగ్గింది. ప్రస్తుతం ఔన్సు గోల్డ్ 3,342 డాలర్ల వద్ద కొనసాగుతుంది. మరోవైపు వెండి ధర సైతం తగ్గింది. కిలో వెండిపై రూ. వెయ్యి తగ్గింది.
తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర భారీగా తగ్గింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.91,550కాగా.. 24 క్యారట్ల ధర రూ. 99,870 వద్దకు చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.91,700కు చేరగా.. 24 క్యారట్ల ధర రూ. 1,00,020కు చేరుకుంది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ.91,550కాగా.. 24క్యారెట్ల ధర రూ. 99,870 వద్ద కొనసాగుతుంది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర భారీగా తగ్గింది. దీంతో ఆయా నగరాల్లో కిలో వెండి ధర రూ.1,19,000 మార్క్‌కు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,09,000 వద్దకు చేరింది.
♦ చెన్నైలో కిలో వెండి ధర రూ. 1,19,000 వద్ద కొనసాగుతుంది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
