HDFC Credit Card : మీకు HDFC క్రెడిట్ కార్డు ఉందా? ఈ కొత్త రూల్స్ అర్జెంట్‌గా తెలుసుకోండి.. లేదంటే భారీగా నష్టపోతారు..!

HDFC Credit Card ( Image Credit : Gemini AI )

• హెచ్‌డీఎఫ్‌సీ క్రెడిట్ కార్డు రూల్స్ మారుతున్నాయి
• మే 15 నుంచి ఈ క్రెడిట్ కార్డుల రివార్డు పాయింట్లలో మార్పులు
• లావాదేవీలు, కార్డు రీప్లేస్‌మెంట్‌పై రుసుము పెంపు

HDFC Credit Card : హెచ్‌డీఎఫ్‌సీ క్రెడిట్ కార్డు కస్టమర్లకు బిగ్ అలర్ట్.. అతి త్వరలో ఈ బ్యాంకు క్రెడిట్ కార్డు రూల్స్ మారబోతున్నాయి. ప్రత్యేకించి మీ వద్ద HDFC బ్యాంక్ రెగాలియా గోల్డ్ లేదా డైనర్స్ ప్రివిలేజ్ క్రెడిట్ కార్డ్‌లు ఉంటే ఇది మీకోసమే.. మీ సౌకర్యం, మీ బడ్జెట్‌పై తీవ్ర ప్రభావం పడనుంది.

రివార్డ్ పాయింట్లు, అంతర్జాతీయ లావాదేవీల రుసుములు, ఎయిర్‌పోర్ట్ లాంజ్ యాక్సెస్‌కు సంబంధించిన నిబంధనలను కూడా బ్యాంక్ సవరించింది. మీ క్రెడిట్ కార్డ్ వినియోగాన్ని గరిష్ఠంగా పెంచేందుకు మీ భవిష్యత్ ఖర్చులను ప్లానింగ్ చేసుకునేందుకు అవసరమైన పూర్తి వివరాలను ఇప్పుడు తెలుసుకుందాం..

మే 15 నుంచి రివార్డ్ పాయింట్లలో మార్పులు :
రెగాలియా గోల్డ్ క్రెడిట్ కార్డ్ ఉన్నవారికి రివార్డ్ పాయింట్లు పొందే విధానం మారుతోంది. గతంలో వినియోగదారులు ఖర్చు చేసే ప్రతి రూ. 150కి 4 రివార్డ్ పాయింట్లు సంపాదించేవారు. అయితే, మే 15, 2026 నుంచి అలా ఉండదు. మీరు ఖర్చు చేసే ప్రతి రూ. 200కి 5 రివార్డ్ పాయింట్లు అందుతాయి. పాయింట్లు పెరిగినట్లు అనిపించినప్పటికీ వాస్తవానికి ప్రతి రూపాయికి లభించే రివార్డ్ రేటు తగ్గుతుంది.

లావాదేవీలు, కార్డు రీప్లేస్‌మెంట్‌పై రుసుము పెంపు :
బ్యాంక్ డైనమిక్ కరెన్సీ కన్వర్షన్ (DCC) మార్కప్‌ను 1.75శాతానికి పెంచింది. ఈ రుసుము భారత కరెన్సీలో జరిగే అంతర్జాతీయ లావాదేవీలకు వర్తిస్తుంది. అదనంగా, మీ రెగాలియా గోల్డ్ కార్డ్ పోగొట్టుకున్నా దొంగిలించినా లేదా పాడైపోయినా, మీరు రూ. 199 రీప్లేస్‌మెంట్ రుసుము చెల్లించాల్సి ఉంటుంది. 

Read Also : iPhone 18 Pro Series : ఆపిల్ లవర్స్ గెట్ రెడీ.. కొత్త ఐఫోన్ 18 ప్రో సిరీస్ వచ్చేస్తోందోచ్.. కీలక ఫీచర్లు లీక్.. ధర ఎంత ఉండొచ్చంటే?

ఎయిర్‌పోర్ట్ లాంజ్ యాక్సెస్‌లో మార్పులు :
జూలై 1, 2026 నుంచి విమానాశ్రయ లాంజ్ ఎంట్రీ ఇకపై పూర్తిగా ఉచితంగా ఉండదు. రెగాలియా గోల్డ్ డైనర్స్ ప్రివిలేజ్ కార్డ్ హోల్డర్లు ఇద్దరికీ, లాంజ్ ఎంట్రీ అనేది మీరు గత త్రైమాసికంలో చేసిన ఖర్చుపై ఆధారపడి ఉంటుంది.

ప్రస్తుత త్రైమాసికంలో లాంజ్ ప్రవేశం కోసం మీరు గత త్రైమాసికంలో కనీసం రూ. 60వేలు ఖర్చు చేయాల్సి ఉంటుంది. ఉదాహరణకు.. జూలై-సెప్టెంబర్ త్రైమాసికంలో లాంజ్‌లోకి ఎంట్రీకి మీరు ఏప్రిల్-జూన్ కాలంలో రూ. 60వేలు ఖర్చు చేయాల్సి ఉంటుంది.

లాంజ్ యాక్సెస్ రూల్స్ :
రూ. 60వేలు ఖర్చు చేసిన రెగాలియా గోల్డ్ కార్డ్ హోల్డర్లు ప్రతి త్రైమాసికంలో 3 దేశీయ లాంజ్ విజిట్ చేసేందుకు అర్హత పొందుతారు. డైనర్స్ ప్రివిలేజ్ కార్డ్ హోల్డర్లు 3 వోచర్‌లను అందుకుంటారు. ఇందులో రెండు దేశీయ ఒక అంతర్జాతీయ లాంజ్ విజిట్ ఉంటాయి. ఈ వోచర్‌లను పొందాలంటే డైనర్స్ ప్రివిలేజ్ కస్టమర్‌లు తప్పనిసరిగా స్మార్ట్‌బై ప్లాట్‌ఫారమ్‌ వాడాల్సి ఉంటుంది.

కొత్త ఫీచర్లు ఇవే :
బ్యాంక్ రెగాలియా గోల్డ్ కార్డ్ హోల్డర్ల కోసం ట్రావెల్ ఎడ్జ్ ప్రోగ్రామ్‌ను ప్రవేశపెట్టింది. ఈ ప్రోగ్రామ్ కింద కస్టమర్లు తమ బోర్డింగ్ పాస్‌ను అప్‌లోడ్ చేసి ప్రతి త్రైమాసికంలో రెండు బెనిఫిట్స్ పొందవచ్చు. ఇందులో పార్టనర్ హోటళ్లలో ఫ్రీగా స్పా, ఉబెర్ ద్వారా రూ. 750 వరకు ఎయిర్‌పోర్ట్ ట్రాన్స్‌ఫర్‌లు, ఫ్రీ బఫే మీల్స్, హోటల్ రూమ్ అప్‌గ్రేడ్‌లు ఉన్నాయి.

ఫీజులు, రెన్యువల్ రూల్స్ :
రెగాలియా గోల్డ్ వార్షిక రుసుము రూ. 2,500 (టాక్సులు). సంవత్సరానికి రూ. 400,000 ఖర్చు చేసిన తర్వాత ఈ రుసుము మాఫీ అవుతుంది. డైనర్స్ ప్రివిలేజ్ రుసుము రూ. 1,000. ఏడాదికి రూ. 3లక్షలు ఖర్చు చేసిన తర్వాత ఈ రుసుము మాఫీ అవుతుంది.