Income Tax Returns : ఆన్‌లైన్‌లో ITR ఫైల్ చేస్తున్నారా? జస్ట్ Form 16తో ఇలా సబ్మిట్ చేయండి.. స్టెప్ బై స్టెప్ ప్రాసెస్..!
Income Tax Returns : ఫస్ట్ టైం ఐటీఆర్ ఫైల్ చేస్తున్నారా? టాక్స్ పేయర్లు ఆన్‌లైన్‌లో Form 16 ద్వారా కూడా ఐటీఆర్ ఫైలింగ్ చేయొచ్చు. గడువు తేదీలోగా ఎలా ఆదాయ పన్ను రిటర్న్స్ ఎలా దాఖలు చేయాలో ఇప్పుడు తెలుసుకుందాం.
- Published By: 10TV Digital Team ,Published On : March 28, 2025 / 12:46 PM IST
Income Tax Returns
Income Tax Returns : మీరు ఐటీఆర్ ఫైల్ చేస్తున్నారా? మార్చి 31 వరకు మాత్రమే గడువు ఉంది. అంతకన్నా ముందే ఐటీఆర్ ఫైల్ చేయడం ఉత్తమం. ఎందుకంటే.. చివరి సమయంలో ఐటీఆర్ ఫైలింగ్ చేస్తే తప్పులు ఉండొచ్చు. అప్పుడు మీ సమయంతో పాటు పెనాల్టీలను కూడా చెల్లించాల్సి రావొచ్చు. మీరు మొదటిసారి ఆన్‌లైన్‌లో ఆదాయపు పన్ను రిటర్న్‌లను దాఖలు చేయడం కొద్దిగా కష్టంగా అనిపించవచ్చు.
కానీ, ఐటీ రిటర్న్‌లను దాఖలు చేసే విధానాల గురించి తెలిస్తే పెద్దగా ఇబ్బంది ఉండదు. కొన్ని నిమిషాల్లోనే ఐటీఆర్ ఫైలింగ్ పూర్తి చేయవచ్చు. రిటర్న్‌లను దాఖలు చేసేందుకు ఫారం 16 చాలా ముఖ్యమైనది.
ఎందుకంటే.. యజమాని ఉద్యోగికి అందించే జీతంపై పన్ను తగ్గింపును సూచిస్తుంది. ఫారం 16తో ఐటీఆర్‌ను ఆన్‌లైన్‌లో ఎలా దాఖలు చేయాలో తెలియదా? మీ ఆదాయంపై చెల్లించాల్సిన పన్ను లెక్కించడానికి మీరు ఇన్‌కమ్ టాక్స్ కాలిక్యులేటర్‌ను కూడా ఉపయోగించవచ్చు.
ఐటీఆర్ కోసం ఫారం 16 తప్పనిసరి :
ఆదాయపు పన్ను చట్టం 1961 నిబంధనల ప్రకారం.. ఫారం 16 జారీ అయింది. మీ పన్ను మొత్తం (TDS) వివరాలను కలిగి ఉంటుంది. ఆర్థిక సంవత్సరానికి మీ శాలరీ వివరాలను కూడా కలిగి ఉంటుంది. ఫారం 16లో ఇతర వివరాలు ఇలా ఉన్నాయి.
- అసెస్‌మెంట్ ఇయర్
- ఉద్యోగి పేరు, అడ్రస్; పాన్ కార్డు
- పేరు, పాన్, TAN, యజమాని వివరాలు
- పన్ను మినహాయింపుదారుడి వివరాలు
- ప్రభుత్వ ఖజానాలో జమ చేసిన పన్ను చలాన్ నం./ రసీదు నెంబర్
- గ్రాస్ శాలరీ, నెట్ శాలరీ, పన్ను మినహాయింపులు, అలోయెన్స్, టాక్స్ సేవింగ్ ఇన్వెస్ట్‌మెంట్ వివరాలు
- విధించిన సెస్సు
- సర్‌చార్జ్ అమౌంట్
మీ ఐటీఆర్ దాఖలు చేసేందుకు అవసరమైన చాలా వివరాలు ఫారమ్ 16లో ఉన్నాయి. అయితే, జీతం కాకుండా ఇతర మార్గాల్లో నుంచి ఆదాయాన్ని చూపిస్తే.. మీరు ఫారమ్ 16A, ఫారమ్ 16B కూడా తీసుకోవాల్సి ఉంటుంది.
ఫారం 16తో ఆన్‌లైన్‌లో ఐటీఆర్ ఎలా ఫైల్ చేయాలంటే? :
మీరు మీ ఆదాయపు పన్ను రిటర్న్ దాఖలుకు ముందు కొన్ని ప్రాథమిక పనులను పూర్తి చేయడం ముఖ్యం. మీకు ఇప్పటికే ఆదాయపు పన్ను వెబ్‌సైట్‌లో అకౌంట్ లేకపోతే ఇప్పుడే క్రియేట్ చేసుకోండి. అలాగే, మీ పాన్ నంబర్, మీ యూజర్ ఐడీ, మీ పుట్టిన తేదీ, పాస్‌వర్డ్ వంటివి రెడీగా ఉంచుకోవాలి. ఆ తర్వాత ఫారమ్ 26AS జనరేట్ చేయాలి. ఫారమ్ 26AS (TIN-NSDL) వెబ్‌సైట్ నుంచి డౌన్‌లోడ్ చేసుకోవచ్చు.
వివిధ ఆదాయాలపై (జీతం, పెట్టుబడులు, అద్దె లేదా ఆస్తి అమ్మకంపై రాబడితో సహా) TDS వివరాలుగా చెప్పవచ్చు. ఆర్థిక సంవత్సరానికి మీ జీతం/పెన్షన్ నుంచి వచ్చే మీ ఆదాయం రూ. 50 లక్షల కన్నా తక్కువగా ఉంటే ఆదాయపు పన్ను వెబ్‌సైట్‌లోకి లాగిన్ అవ్వడం ద్వారా ITR 1 ఫారమ్‌ను డౌన్‌లోడ్ చేసుకోండి. ఆర్థిక సంవత్సరానికి జీతం/పెన్షన్ నుంచి మీ ఆదాయం రూ. 50 లక్షల కన్నా ఎక్కువగా ఉంటే ITR 2 డౌన్‌లోడ్ చేసుకోండి.
ఐటీఆర్ కోసం ఫారం 16 ఆన్‌లైన్‌లో ఎలా నింపాలి? :
డౌన్‌లోడ్ చేసుకున్న ITR ఫారమ్ కింది వివరాలతో నింపాలి. మీ ఫారమ్ 16 ఈ కింది వివరాలతో ఉండాలి.
ఉద్యోగి పేరు, పాన్ కార్డు, పూర్తి చిరునామా, పుట్టిన తేదీ, ఇమెయిల్ ఐడీ, ఫోన్ నంబర్
పన్ను మినహాయింపు వివరాలు (మొత్తం, తేదీ, మొదలైనవి), సెల్ఫ్ అసెస్‌మెంట్, ముందస్తు పన్ను వివరాలు ఏదైనా ఉంటే..
ఆదాయం వివరాలను సమర్పించాలి :
ఐటీఆర్ ఫారమ్ నింపిన తర్వాత మీరు ఆదాయ వివరాలను నింపాలి. అవసరమైన డాక్యుమెంట్లతో మీ వివరాలను వెరిఫికేషన్ చేయించుకోవాలి.
పన్ను లియాబిలిటీ లెక్కింపు :
ఆదాయ వివరాలు సమర్పించిన తర్వాత సిస్టమ్ ఆటోమాటిక్‌గా టాక్స్ లియాబిలిటీని లెక్కిస్తుంది. అలా చేయకపోతే, పన్ను వివరాలను మాన్యువల్‌గా చేర్చాల్సి ఉంటుంది.
చెల్లించిన పన్ను, వెరిఫైడ్ ట్యాబ్‌లు :
చెల్లించిన పన్ను, చెల్లించాల్సిన పన్ను లేదా తిరిగి చెల్లించాల్సిన పన్నును ఒక ట్యాబ్ చూపిస్తుంది. మీరు ఇక్కడ బ్యాంక్ వివరాలను నింపాలి. డిక్లరేషన్ కూడా వెరిఫై చేసుకోవాలి.
ఐటీఆర్ ఫైల్ సబ్మిషన్ :
మీరు అందించిన వివరాలను జాగ్రత్తగా మరోసారి చెక్ చేయాలి. ఆ తరువాత కింది ఉన్న బటన్‌ (Upload)ను క్లిక్ చేయడం ద్వారా ఫైల్‌ను అప్‌లోడ్ చేయాలి.
ITR-V ఎలా జనరేట్ చేయాలి? :
ITR-V అనేది ఇమెయిల్ ఐడీకి ఆటోమాటిక్‌గా జనరేట్ అవుతుంది. అదే మీకు పంపడం జరుగుతుంది. ITR-V అనేది ఒక ఎక్ నాల్డెజ్‌మెంట్, వెరిఫికేషన్ అకౌంట్.
రిటర్న్ ఇ-వెరిఫికేషన్ :
ఐటీఆర్ విజయవంతంగా సమర్పించిన తర్వాత మీ వివరాలను ఈ-వెరిఫై చేసేందుకు లింక్ కనిపిస్తుంది. మీరు చెక్ చేసి ఫ్యూచర్ రిఫరెన్స్ కోసం సేవ్ చేయాలి.
మీరు పనిచేసే కంపెనీ ఎలాంటి పన్నును తగ్గించకపోయినా లేదా ఫారమ్ 16 జారీ చేయడంలో విఫలమైనా మీ రిటర్న్‌ను రెడీ చేసి సమర్పించడం చాలా అవసరం. మీరు సంవత్సరంలో ఉద్యోగాలు మారినట్లయితే.. ఫారమ్ 16 జారీ అయిందా లేదా అనే దానితో సంబంధం లేకుండా మీ అన్ని కంపెనీల నుంచి వచ్చే ఆదాయాన్ని చేర్చాలని గుర్తుంచుకోండి. మీరు స్వయం ఉపాధి పొందుతున్న వ్యక్తి అయితే.. మీరు ఫారమ్ 16ను పొందలేకపోవచ్చు. ఇలాంటి సందర్భంలో మీరు మీ ఐటీఆర్ సమర్పించి అదే మీ ఆదాయ రుజువుగా చూపించాలి.
