Application deadline for RRB Technician posts extended
ఆర్ఆర్‌బీ టెక్నీషియన్ పోస్టుల భర్తీకి నోటిఫికేషన్ విడుదల చేసిన విషయం తెలిసిందే. మొత్తం 6238 పోస్టులకు దరఖాస్తు చేసుకోవడానికి జులై 28 వరకు అవకాశం ఇచ్చారు. కానీ, తాజాగా ఆ డేట్ ను పొడిగిస్తూ కీలక నిర్ణయం తీసుకున్నారు. ఆర్ఆర్‌బీ టెక్నీషియన్ పోస్టుల దరఖాస్తు గడువును 2025 ఆగస్టు 7 వరకు పొడిగించారు. కాబట్టి నిరుద్యోగులకు ఇది మంచి అవకాశం అనే చెప్పాలి. ఆసక్తి, అర్హత కలిగిన అభ్యర్థులు అధికారిక వెబ్ సైట్ www.rrbapply.gov.in ద్వారా దరఖాస్తు చేసుకోవచ్చు.
పోస్టుల వివరాలు:
టెక్నీషియన్ గ్రేడ్-1 సిగ్నల్ పోస్టులు 183, టెక్నీషియన్ గ్రేడ్-3 పోస్టులు 6055
వయోపరిమితి:
టెక్నీషియన్ గ్రేడ్-1 అభ్యర్థుల వయసు 18 నుంచి 33 ఏళ్ల మధ్యలో ఉండాలి.
టెక్నీషియన్ గ్రేడ్-3 అభ్యర్థుల వయసు 18 నుంచి 30 ఏళ్ల మధ్యలో ఉండాలి.
రిజర్వేషన్ ఉన్న అభ్యర్థులకు వయోసడలింపు ఉంటుంది.
దరఖాస్తు రుసుము:
జనరల్, ఓబీసీ, ఈడబ్ల్యూఎస్ అభ్యర్థులు రూ.500, ఎస్సీ, ఎస్టీ, మహిళలు, ఇతర అర్హత కలిగిన అభ్యర్థులు రూ.250 చెల్లించాల్సి ఉంటుంది.
వేతన వివరాలు:
టెక్నీషియన్ గ్రేడ్ I పోస్టులకు ఎంపికైన వారికి ప్రారంభవేతనం రూ.29,200
టెక్నీషియన్ గ్రేడ్ III పోస్టులకు ఎంపికైన వారికి ప్రారంభ వేతనం రూ.19,900 ఉంటుంది.
ఎంపిక విధానం:
ఆర్ఆర్‌బీ టెక్నీషియన్ రిక్రూట్‌మెంట్‌ ఎంపిక విధానంలో రాత పరీక్ష, డాక్యుమెంట్ వెరిఫికేషన్, మెడికల్ టెస్ట్ ఉంటాయి.
