PM Vidyalaxmi Scheme : విద్యార్థులకు కేంద్రం శుభవార్త.. ఖాతాలో రూ.16 లక్షలు జమ.. పూర్తి వివరాలు…

central government offers education loans up to rs 16 lakh pm vidyalaxmi scheme higher studies details here

PM Vidyalaxmi Scheme : ప్రతిభ కలిగిన విద్యార్థులందరూ ఉన్నత చదువులు చదవాలని.. పేదరికం వారికి అడ్డంకి కాకూడదన్న ఉద్దేశంతో కేంద్ర ప్రభుత్వం ఓ పథకాన్ని ప్రారంభించింది. దీని ద్వారా ప్రతిభావంతులైన విద్యార్థులకు రూ. 16 లక్షల వరకు ఆర్థిక సాయం అందజేస్తుంది. అదే ప్రధానమంత్రి విద్యాలక్ష్మి (PM-Vidyalaxmi) పథకం. ఉన్నత విద్యను అభ్యసించాలనుకునే ప్రతిభావంతులైన విద్యార్థులకు, ఆర్థిక ఇబ్బందులు లేకుండా హామీ లేని విద్యా రుణాలను అందించే కేంద్ర ప్రభుత్వ పథకం. కేంద్ర ప్రభుత్వంలోని విద్యా మంత్రిత్వ శాఖలోని ఉన్నత విద్య విభాగం దీన్ని అమలు చేస్తోంది. ఈ పథకం కింద, అర్హత కలిగిన సంస్థలలో ప్రవేశం పొందిన విద్యార్థులు రూ. 16 లక్షల వరకు సులభంగా, పారదర్శకంగా ఆన్‌లైన్ ద్వారానే లోన్ పొందే అవకాశం కల్పిస్తోంది.

ఈ పథకానికి అర్హత పొందాలంటే సదరు విద్యార్థి భారతదేశంలోని గుర్తింపు పొందిన 860 నాణ్యమైన ఉన్నత విద్యాసంస్థలలో (QHEIs) మెరిట్ ఆధారంగా ప్రవేశం పొందాలి. ఈ పథకం అమలు కోసం.. ఉన్నత విద్య విభాగం, కెనరా బ్యాంక్‌ను నోడల్ బ్యాంక్‌గా ఎంచుకుని అమలు చేస్తోంది.

అర్హత (Eligibility)

విద్యార్థుల కోసం:

• భారతీయ పౌరుడై ఉండాలి.
• గుర్తింపు పొందిన 860 QHEIsలో మెరిట్ ఆధారంగా ప్రవేశం పొందాలి.
• మేనేజ్‌మెంట్ కోటా, ఇతర ప్రత్యేక కోటాల ద్వారా అడ్మిషన్ పొందకూడదు.
• కుటుంబ ఆదాయం ఏడాదికి రూ. 8 లక్షల లోపు ఉంటే 3 శాతం వడ్డీ సబ్సిడీ వర్తిస్తుంది.
• ఇతర కేంద్ర/రాష్ట్ర ప్రభుత్వ స్కాలర్‌షిప్, వడ్డీ సబ్సిడీ పథకాలు పొందకూడదు.
• కోర్సును మధ్యలో వదిలేయకూడదు. క్రమశిక్షణా చర్యలతో మధ్యలో తొలగించకూడదు.
• రెండో సంవత్సరం నుంచి వడ్డీ సబ్సిడీ పొందాలంటే చదువులో మెరుగైన ప్రతిభ కనబర్చాలి.
• ఈ పథకం UG/PG/ఇంటిగ్రేటెడ్ కోర్సు ఏదైనా ఒక దానికి మాత్రమే పొందే అవకాశం కల్పిస్తోంది.

విద్యాసంస్థల కోసం (QHEIs):

• NIRF తాజా ర్యాంకింగ్స్‌లో టాప్ 100లో ఉన్న విద్యాసంస్థలు ఈ పథకానికి అర్హులవుతాయి.
• రాష్ట్ర/కేంద్ర పాలిత ప్రాంతాల పరిధిలోని టాప్ 200 విద్యాసంస్థలు.
• కేంద్ర ప్రభుత్వ ఆధీనంలోని మిగతా విద్యాసంస్థలు.
• విదేశీ విద్యాసంస్థలు, వాటి క్యాంపస్‌లు ఈ పథకంలో ఉండవు.

దరఖాస్తు విధానం (Application Process)

ముందుగా సదరు విద్యార్థి రిజిస్ట్రేషన్ చేసుకోవాలి:

• ఇందుకోసం అధికారిక వెబ్‌సైట్‌ను సందర్శించాలి.
• “Login” > “Student Login” > “Create an Account” క్లిక్ చేయండి.
• విద్యార్థి ఆధార్ నంబర్ ద్వారా రిజిస్ట్రేషన్ చేయాలి.
• స్టూడెంట్ పేరు, మొబైల్ నంబర్, ఈమెయిల్ ఐడీ నమోదు చేయాలి.
• ఆ తర్వాత OTPతో ధృవీకరించాలి.
• పాస్‌వర్డ్ క్రియేట్ చేసుకోవాలి.
• వివరాలు నమోదు చేసిన తర్వాత “Submit” బటన్ మీద క్లిక్ చేయాలి.

అప్లికేషన్ ప్రాసెస్:

• ముందుగా అధికారిక వెబ్‌సైట్‌లో లాగిన్ అవ్వండి.
• అనంతరం User ID (ఇమెయిల్), పాస్‌వర్డ్ ఎంటర్ చేయాలి.
• OTP ద్వారా లాగిన్ అవ్వాలి.
• ఆపై “Apply for Education Loan” పై క్లిక్ చేయాలి.
• అవసరమైన వివరాలు నమోదు చేసి.. అడిగిన డాక్యుమెంట్లు అప్‌లోడ్ చేయాలి.
• బ్యాంక్, బ్రాంచ్ ని సెలక్ట్ చేసుకోవాలి.
• వివరాలు చెక్ చేసి “Final Submit” ఎంటర్ చేయాలి.

అవసరమైన పత్రాలు

• ఆధార్ కార్డు
• పాన్ కార్డు
• అడ్రస్ ప్రూఫ్
• గత విద్యా మార్కుల మెమోలు (Self-attested)
• ఎంట్రన్స్ ఎగ్జామ్ ఫలితం
• అడ్మిషన్ ఆఫర్ లెటర్, ఫీజు వివరాలు
• ఆదాయ ధృవీకరణ పత్రం