drdo recruitment
మీరు బీటెక్ కంప్లీట్ చేశారా. అయితే ఈ అవకాశం మీకోసమే. భారత ప్రభుత్వ రక్షణ మంత్రిత్వ శాఖ పరిధిలోని డీఆర్‌డీఓ, ఏరోనాటికల్ డెవలప్‌మెంట్ ఏజెన్సీ పలు విభాగాలలో ఉద్యోగాల భర్తీ కోసం నోటిఫికేషన్ విడుదల చేసింది. మొత్తలు 148 పోస్టులు కాగా.. అందులో డీఆర్‌డీఓలో సైంటిస్ట్- బి పోస్టులు 127, ఏబీఏలో సైంటిస్ట్/ఇంజినీర్-బి పోస్టులు 9, ఇతర రక్షణ సంస్థలలో ఎన్కాడెడ్ సైంటిస్ట్-బి పోస్టులు 12. బీటెక్ పాసైన అభ్యర్థులు ఈ ఉద్యోగాలకు దరఖాస్తు చేసుకోవచ్చు. ఆసక్తి, అర్హత కలిగిన అభ్యర్థులు వెంటనే అప్లై చేసుకోండి. దరఖాస్తుకు ఇవాళే చివరి తేదీ. అధికారిక వెబ్ సైట్ https://rac.gov.in/ ద్వారా అప్లై చేసుకోవచ్చు.
విద్యార్హత: అభ్యర్థులు సబ్జెక్టులో వ్యాలిడ్‌ గేట్ స్కోర్‌తో పాటు ఇంజినీరింగ్/ టెక్నాలజీలో బ్యాచిలర్ డిగ్రీ/ సైన్స్‌లో మాస్టర్స్ డిగ్రీలో ఉత్తీర్ణత సాధించి ఉండాలి. లాస్ట్ సెమిస్టర్ అభ్యర్థులు కూడా అప్లై చేసుకోవచ్చు.
వయోపరిమితి: వయస్సు: అభ్యర్థుల వయస్సు 35 ఏళ్లు మించరాదు. ఓబీసీ, ఎస్సీ, ఎస్టీ, దివ్యాంగ అభ్యర్థులకు వయస్సు సడలింపు ఉంటుంది.
దరఖాస్తు రుసుము: ఎస్సీ, ఎస్టీ, దివ్యాంగులు, మహిళా అభ్యర్థులకు ఎలాంటి దరఖాస్తు రుసుము లేదు. ఇతరులు రూ.100.
ఎంపిక ప్రక్రియ: గేట్ స్కోరును ఆధారంగా తీసుకుంటారు. ఇంటర్వ్యూ ఆధారంగా ఎంపిక జరుగుతుంది.
వేతన వివరాలు: ఎంపికైన అభ్యర్థులకు నెలకు రూ.56,100 జీతం అందజేస్తారు.
