GATE 2026 Registration: మొదలైన గేట్ 2026 రిజిస్ట్రేషన్ల ప్రక్రియ.. ముఖ్యమైన తేదీలు, పూర్తి వివరాలు

GATE 2026 Registration: గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (GATE 2026 Registration) కోసం దరఖాస్తు ప్రక్రియ ఎట్టకేలకు మొదలయ్యింది. ఆగస్టు 28, 2025 అనగా ఇవాళ్టి నుండే ఈ ప్రక్రియను అధికారికంగా అందుబాటులోకి తెచ్చారు అధికారులు. అభ్యర్థులు తమ దరఖాస్తులను కేవలం ఆన్‌లైన్‌లో మాత్రమే సమర్పించాల్సి ఉంటుంది. అధికారిక వెబ్ సైట్ gate2026.iitg.ac.in నుంచి దరఖాస్తులు సమర్పించాలి. ఈ ప్రక్రియ సెప్టెంబర్ 28వ తేదీ వరకు కొనసాగనుంది.

Mega Job Mela: నిరుద్యోగులకు బంపర్ ఆఫర్.. 1250 ఉద్యోగాలతో మెగా జాబ్ మేళా.. అస్సలు మిస్ అవకండి

గేట్ 2026 ముఖ్యమైన తేదీలు:

• ఆగస్టు 28: దరఖాస్తు ప్రారంభం
• సెప్టెంబర్ 28: దరఖాస్తులకు చివరి తేదీ (ఆలస్య రుసుము లేకుండా)
• అక్టోబర్ 9: దరఖాస్తులకు చివరి తేదీ (ఆలస్య రుసుముతో)
• ఫిబ్రవరి 7, 8, 14, 15: పరీక్షలు నిర్వహిస్తారు
• మార్చి 19: గేట్ 2026 ఫలితాల ప్రకటన

విద్యార్హత:
ఈ పరీక్షకు దరఖాస్తు చేసుకునే అభ్యర్థులు కనీసం అండర్‌గ్రాడ్యుయేట్ ప్రోగ్రామ్‌లో మూడవ సంవత్సరం చదువుతూ/పూర్తి చేసి ఉండాలి.

దరఖాస్తు రుసుము:
మహిళలు, SC/ST, PwD అభ్యర్థులు సాధారణ గడువు వరకు రూ.1,000, ఆలస్య గడువుతో రూ.1,500 చెల్లించాల్సి ఉంటుంది.
ఇతర అభ్యర్థులు: సాధారణ గడువు వరకు రూ.2,000, ఆలస్య గడువుతో రూ.2,500 చెల్లించాల్సి ఉంటుంది.

అవసరమయ్యే ధ్రువపత్రాలు:
ఇటీవలి పాస్‌పోర్ట్ సైజు ఫోటో, స్కాన్ చేసిన సంతకం, చెల్లుబాటు అయ్యే ఐడీ ప్రూఫ్, కేటగిరీ సర్టిఫికేట్ (SC/ST), PwD/UDID సర్టిఫికేట్ సమర్పించాల్సి ఉంటుంది.

దరఖాస్తు విధానం:

• అభ్యర్థులు ముందుగా అధికారిక వెబ్‌సైట్ gate2026.iitg.ac.in లోకి వెళ్లాలి.
• అప్లికేషన్ లింక్‌పై క్లిక్ చేయాలి
• అక్కడ వ్యక్తిగత, విద్యా సమాచారాన్ని ఎంటర్ చేయాలి.
• అవసరమైన పత్రాలు అప్‌లోడ్ చేసి సబ్మిట్ బటన్ పై క్లిక్ చేయాలి.
• భవిష్యత్తు పేజీని డౌన్‌లోడ్ చేసుకోవాలి.