US : 13 ఏళ్ల పిల్లాడి దూకుడు..బాలుడు, తండ్రితో సహా తొమ్మిదిమంది మృతి

13 Years Old Boy, Was Driving Pickup That Hit Van Carrying Golf Teams In Texas, Killing 9

US Texas Road Accident: 13 ఏళ్ల పిల్లాడు దుందుడుకుతనానికి తొమ్మిదిమంది ప్రాణాలు కోల్పోయిన ఘటన టెక్సాస్ లో చోటుచేసుకుంది. ఓ ట్రక్కును డ్రైవ్ చేవాడు. అతి వేగంగా వెళతున్న ఆ ట్రక్కుని నియంత్రించటం చేతకాక తను, తన తండ్రితో సహా తొమ్మిదిమంది ప్రాణాలు గాల్లో కలిసిపోయిన అత్యంత దారుణ ఘటన టెక్సాస్ లో మంగళవారం (మార్చి 15,2022)జరిగింది.

13 ఏళ్ల టెక్సాస్ బాలుడు, త‌న తండ్రితో క‌లిసి ట్రక్ ను నడిపాడు. ఈ క్రమంలో.. ఆక‌స్మ‌త్తుగా.. ఎదురుగా వ్యాన్ రావ‌డంతో.. ఆ బాలుడు తన వాహనాన్ని అదుపు చేయలేక పోయాడు. దీంతో ఎదురుగా వ‌చ్చిన వాహనాన్ని వేగంగా ఢీ కొట్టాడు. దీంతో వెంటనే పెద్ద ఎత్తున మంటలు వ్యాపించాయి. ఈ ఘటనలో తొమ్మిది మంది అక్క‌డిక్క‌డే మ‌ర‌ణించిన‌ట్టు పోలీసులు తెలిపారు. మృతి చెందిన వారంతా న్యూ మెక్సికో లోని యూనివర్శిటీ ఆఫ్ సౌత్ వెస్ట్ గోల్ప్ జట్టులోని ఆరుగురు సభ్యులున్నట్లు పోలీసులు గుర్తించారు.

వాహనాన్ని నడుపుతున్న బాలుడుతో పాటు ప‌క్క‌నే ఉన్న అతని తండ్రి కూడా అ్కడిక్కడే చనిపోయారు. ఈ ప్ర‌మాదంలో గాయ‌ప‌డిన మరో ఇద్దరు యూనివర్శిటీ ఆఫ్ సౌత్‌వెస్ట్ విద్యార్థులు, ఇద్దరు కెనడియన్ల పరిస్థితి విషమంగా ఉంది. వీరికి ఐసీయూలో చికిత్స అందిస్తున్నారు.

రెండు వాహనాలు అతి వేగంగా నడపటం వల్లనే ఇంత‌టి ఘోర ప్ర‌మాదం జ‌రిగిందని పోలీసులు తెలిపారు. వాహనాలు ఢీకొనగానే.. ట్రక్ టైర్ ఊడిపోయి దూరంగా దూసుకుపోయిందని పోలీసులు తెలిపారు.మృతి చెందిన వారిని పోస్ట్ మార్టం కోసం స్థానిక ఆసుపత్రులకు తరలించారు. ఈ ఘ‌ట‌న‌పై కేసు న‌మోదు చేసుకున్న పోలీసులు .. అక్కడి సీసీ ఫుటేజీని ఆధారంగా ద‌ర్యాప్తు చేపట్టారు.