China AI Face Buying: ఇక మీ ముఖాన్ని అమ్ముకోవచ్చు.. 3D స్కాన్‌తో రూ.6 వేలకే.. చైనాలో వింత ట్రెండ్

China ai face buying trend selling digital identity

• చైనాలో ముఖాల అమ్మకం ట్రెండ్
• ఏఐ డ్రామాల్లో సామాన్యుల ముఖాలు
• డిజిటల్ గుర్తింపుకు తీవ్ర ముప్పు

China AI Face Buying: ఇప్పటివరకు భూములు, ఇళ్లు, బంగారం లేదా వాహనాలను అమ్మడం చూశాం. కానీ సాంకేతికత పెరిగిన ఈ రోజుల్లో ఏకంగా మనుషులు తమ ‘ముఖాల’నే అమ్మకానికి పెడుతున్నారు. వినడానికి కాస్త వింతగా ఉన్నా.. చైనా వినోద పరిశ్రమలో ప్రస్తుతం ‘ఫేస్ బయ్యింగ్(China AI Face Buying)’ అనే ఈ డిజిటల్ ట్రెండ్ విపరీతంగా సాగుతోంది. ప్రస్తుతం ఈ న్యూస్ ఇప్పుడు ఇంటర్నేషనల్ వైడ్ వైరల్ గా మారింది.

Seediri Appalaraju Remanded: మాజీ మంత్రి సీదిరి అప్పల రాజుకు 14 రోజుల రిమాండ్.. అంపోలు జైలుకు తరలింపు

బడ్జెట్ భారం తగ్గేలా నిర్మాతల క్రేజీ ప్లాన్:

చైనాలో ఏఐ (AI) ఆధారంగా రూపొందించే షార్ట్ డ్రామాలకు విపరీతమైన ఆదరణ ఉంది. అయితే, పరిమిత బడ్జెట్ వల్ల ఒకే నటుడు అన్ని పాత్రల్లో కనిపిస్తుండటంతో ప్రేక్షకులు విసుగు చెందుతున్నారు. అలాగని కొత్త నటులను పెట్టి షూటింగ్ చేయాలంటే భారీగా ఖర్చవుతుంది. అందుకే నిర్మాతలు సామాన్యుల ముఖాలను 3D స్కాన్ చేసి, ఒప్పందం ప్రకారం ఆ డిజిటల్ రూపాన్ని సొంతం చేసుకుంటున్నారు. కేవలం 500 యువాన్లు అంటే సుమారు రూ.6,000 ఇచ్చి, ప్రత్యక్షంగా షూటింగ్‌తో సంబంధం లేకుండానే ఆ ఫేస్‌లను ఏఐ డ్రామాల్లో వాడేస్తున్నారు.

డిజిటల్ గుర్తింపుకే ముప్పు: నిపుణుల హెచ్చరిక:

ఒక్కసారి ఒప్పందంపై సంతకం చేస్తే, ఆ ముఖంపై యజమానికి ఎలాంటి హక్కులూ ఉండవు. కొద్దిపాటి డబ్బు కోసం డిజిటల్ గుర్తింపును రాసివ్వడంపై సాంకేతిక నిపుణులు తీవ్ర ఆందోళన వ్యక్తం చేస్తున్నారు. ఈ డిజిటల్ ఫేస్ డేటా ఇతరుల చేతుల్లోకి వెళ్తే డీప్‌ఫేక్స్, సైబర్ నేరాలు, నకిలీ ప్రకటనలకు దుర్వినియోగం అయ్యే ప్రమాదం ఉందని హెచ్చరిస్తున్నారు. కేవలం ఆశపడి ముఖ హక్కులను అమ్మేసుకోవడం కొరివితో తలగోక్కున్నట్లేనని స్పష్టం చేస్తున్నారు.