Man Helps Thirsty Eagle Drink Water From Bottle
Thirsty Eagle నెదర్లాండ్స్‌ లో హైవే పక్కన నీటికోసం అల్లాడుతున్న గద్దకు ఆపద్బాంధవులుగా మారారు ముగ్గురు బాటసారులు. దాహంతో రోడ్డు దగ్గరకొచ్చి ఆ దారివెంట పోయే వాళ్లను తదేకంగా చూస్తోన్న గద్ద బాధను అర్థం చేసుకున్నారు. దాహంతో ఉన్న ఓ గద్దకు తమ వద్ద ఉన్న బాటిల్ లోని నీటిని అందించి దాని దాహం తీర్చారు. దీనికి సంబంధించిన 20 సెకన్ల నిడివి గల ఈ వీడియోను ఓ వ్యక్తి ట్విట్టర్ లో షేర్ చేయగా వైరల్ గా మారింది. ఆ వీడియోకు దాహంతో ఉన్న గద్ద మీకు కృతజ్ఞతలు తెలుపుతోంది అని క్యాప్షన్ ఇచ్చాడు ఆ నెటిజన్.
హైవే పక్కన ఓ వ్యక్తి బాటిల్ తో గద్దకు నీటిని తాగిస్తుండగా..ఇద్దరు వ్యక్తులు దానిని నిశితంగా పరిశీలిస్తున్నట్లు ఆ వీడియోలో కనిపిస్తోంది. చాలా జాగ్రత్తగా,నిదానంగా గద్దకు నీళ్లు తాగించాడు. మొదట కన్ఫ్యూజ్ అయినట్లు కనిపించిన గద్ద..క్రమంగా బాటిలోని నీళ్లు తాగింది. ఈ వీడియో చూసిన నెటిజన్లు గద్ద దాహం తీర్చిన వారికి కృతజ్ఞతలు తెలిపారు. గద్దకు సహాయం చేసినందుకు ధన్యవాదాలు అంటూ నెటిజన్లు ఆ జంతు ప్రేమికుడిపై ప్రశంసల జల్లు కురిపిస్తున్నారు. మంచి పనిచేశారంటూ నెటిజన్లు వారిని ప్రశంసించారు.
