Mental relief with cow hugging : ‘కౌ’గిలింత.. ఇప్పుడు ఇది కూడా ఓ థెరపీగా మరిపోయింది. ‘కౌ’గిలింతలో ‘కౌ’ అంటే ఇంగ్లీషులో ఆవు అని అర్థం అనే విషయం తెలిసిందే. ఇప్పుడా కౌ గిలింతగా మారిపోయింది. అంటే..‘ఆవు’ను ఆలింగనం ‘కౌగిలింత’ చేసుకుంటే చక్కటి ఆరోగ్యం కలుగుతోందట. ఇప్పుడు పాశ్చత్య దేశాల్లో ఈ కౌగిలింత ట్రెండింగ్ గా మారింది. దీంతో ఎంతో మంది ఆవును ఆలింగనం చేసుకోవటానికి పోటీలు పడుతున్నారు. ప్రస్తుతం పాశ్చాత్య దేశాల్లో ‘కౌ హగ్ థెరపీ’ ట్రెండింగ్ అయిపోయింది.
‘కౌ హగ్గింగ్’ అనేది మంచి ఊపందుకుంది..కానీ భారతదేశంలో ఆవును గోమాతగా పూజిస్తున్నాం. శుభాలు కలిగించే దేవతగా ఆరాధిస్తున్నాం. శుభకార్యాల్లో గోమాతకు ప్రత్యేక స్థానం ఇచ్చి ఆరాధిస్తున్నాం. నూతన గృహ ప్రవేశానికే కాక పండుగలకు గోమాతను పూజించుకోవటం భారత్ లో అనాదిగా వస్తున్న ఆచారం. ఆవు పాలు, పేడ, మూత్రం కూడా ఔషధమనే ట్రెండింగ్ నడుస్తోంది ప్రస్తుత ఈ కరోనా సమయంలో.పలు పరిశోధనల్లో కూడా ఆవు పాలు,పేడ, మూత్రం మెడిసిన్ గా ఉపయోగపడుతుందని తెలుస్తోంది.
https://10tv.in/rajasthan-farmers-are-using-cow-urine-extensively-in-organic-farming-selling-at-up-to-rs-30-to-50-a-liter-in-the-wholesale-market/
కానీ ఇప్పుడు ‘‘ఆవు కౌగిలించుకుంటే’’ చాలు మనిషిలోని ఒత్తిడి మాయమై చాలా ప్రశాంతంగా ఉంటుందని నెదర్లాండ్ వాసులతో పాటు నిపుణులు కూడా చెబుతున్నారు. దీంతో ప్రస్తుతం పాశ్చాత్య దేశాల్లో ‘కౌ హగ్ థెరపీ’ ట్రెండింగ్‌‌లో ఉంది. మనిషిని మనిషి కౌగలించుకుంటే ఒత్తిడి మాయం అయి ప్రశాంతత వస్తుందని అంటుంటారు.
కానీ ఆవును హత్తుకున్నా కూడా ఒత్తిడి దూరమై ఆనంద భావనలు కలుగుతాయని సరికొత్త అధ్యయనాలు తెలుపుతున్నాయి. దీంతో ‘కౌ హగ్గింగ్’ ట్రెండ్ మొదలైంది. నెదర్లాండ్‌లోని రీవర్ ప్రాంతంలో నివసించే జోస్ వన్ స్ట్రాలెన్‌ను ‘కౌ హగ్గింగ్ థెరపీ’కి ఆద్యుడిగా చెప్పుకోవచ్చు. తన వ్యవసాయ క్షేత్రంలోనే ఆరేళ్ల కిందటే ‘వెల్‌నెస్ సెంటర్’ ప్రారంభించి ఈ ‘‘కౌ హగ్గింగ్’’ థెరపీని ప్రారంభించాడు.
అంతకుముందు దాదాపు పదేళ్ల క్రితం నుంచే స్ట్రాలెన్.. స్విస్ వాసులకు కౌ హగ్గింగ్ థెరపీ గురించి అవగాహన కల్పిస్తూ ఒత్తిడిని దూరం చేస్తుండగా.. ప్రపంచదేశాల్లో ఇప్పుడిది ట్రెండ్‌గా మారింది.
ఆవును మనిషి హత్తుకున్నప్పుడు.. ఆవుతో పాటు మనిషి కూడా అనిర్వచనీయమైన ఆనందానికి లోనవుతాడు. దాంతో మనిషికి, ఆవుకు మధ్య పాజిటివ్ వైబ్స్ కలిగి సోషల్ బాండింగ్ ఏర్పడుతుంది. ఆ పాజిటివిటీ పరస్పరం మార్పిడి అవ్వడమే కాకుండా.. ఆక్సిటోసిన్ హర్మోన్ విడుదలను ప్రేరేపిస్తుంది. దాంతో మనసులో ఆందోళన తగ్గి, ప్రశాంతత వస్తుందని నిపుణులు చెబుతున్నారు.
ఆవులను మచ్చిక చేసుకుంటే అవి మనుషులను నమ్ముతాయి. మనల్ని మరింత ఆప్తుడిలా భావించి మన చేతుల్ని, ముఖాన్ని నాకుతాయి. ఇది కూడా ఓ థెరపీనే. దీనివల్ల కూడా మనిషికి ఆనంద భావన కలుగుతుందని నిపుణులు భావిస్తున్నారు.
స్విట్జర్లాండ్, యూఎస్ఏలో ‘‘కౌ హగ్గింగ్’’ సెషన్స్ నిర్వహిస్తుండగా, చాలా దేశాల్లో కౌ హగ్గింగ్ వెల్‌నెస్ సెంటర్లు నిర్వహిస్తున్నారు. అయితే ఈ కౌ హగ్గింగ్ వల్ల మనుషులే లాభం పడటం మాట పక్కన పెడితే దాని వల్ల ఆవులు చాలా ఆనందాన్ని పొందుతున్నాయని అధ్యయనంలో తేలింది. ఇటీవలే యానిమల్ బిహేవియర్ సైన్స్ జర్నల్‌లో ఈ పరిశోధనకు సంబంధించిన వివరాలు పబ్లిష్ అయ్యాయి.
