చైనాలో మైనారిటీల అణచివేతకు 380 నిర్బంధ కేంద్రాలు రెడీ చేసింది జిన్ పింగ్ ప్రభుత్వం. జిన్జియాంగ్ ప్రాంతంలోని మైనారిటీలైన ఉయ్ గర్ ముస్లింల అణిచివేతకు… చైనా ప్రభుత్వం 380 నిర్బంధ కేంద్రాలను ఏర్పాటు చేసింది. ఈ విషయాలను ఆస్ట్రేలియాకు చెందిన ఓసంస్థ తమ నివేదికలో వెల్లడించింది.
2017 నుంచి కొత్త వాటిని నిర్మించటం, ఉన్నవాటిని విస్తరించటం వంటి విస్తృత చర్యలు చైనా చేపట్టినట్లు ఆస్ట్రేలియా స్ట్రాటజిక్ పాలసీ ఇన్స్టిట్యూట్(ఏఎస్పీఐ)..ద జిన్జియాంగ్ డేటా ప్రాజెక్ట్ పేరుతో రూపొందించిన రిపోర్ట్ లో తెలిపింది.
కాగా, ఇటీవల జిన్జియాంగ్ ప్రాంతంలో పెద్ద సంఖ్యలో మైనారిటీలను నిర్బంధించటంపై.. అంతర్జాతీయ సమాజం నుంచి చైనా ఆరోపణలు ఎదుర్కొంటోం. చైనాను ప్రపంచ దేశాలు తీవ్రంగా తప్పుపట్టాయి. ఉయ్గర్లపై మతపరమైన, సాంస్కృతిక దాడులు సహా వారి నమ్మకాలను నిషేధించటం, వారిపై నిఘా, మహిళలకు బలవంతపు గర్భవిచ్ఛిత్తి వంటి చర్యలను పలు దేశాలు తప్పుపడుతున్నాయి.
అయితే, ఉయ్ గర్ ముస్లింల కోసం ఏర్పాటు చేసిన శిబిరాలను సమర్థించుకున్న చైనా.. వాటి ద్వారా 2014 నుంచి సగటున 1.3 మిలియన్ల మంది తిరిగి విద్యాభ్యాసం చేసినట్లు తెలిపింది.శిబిరాలను వృత్తి నైపుణ్య శిక్షణా కేంద్రాలుగా పేర్కొన్న చైనా.. ఉగ్రవాద ముప్పును ఎదుర్కొనేందుకు ఈ ప్రయత్నాలు అవసరమని తెలిపింది.
