Azerbaijan Airlines Flight
Azerbaijan Airlines Flight : కజకిస్తాన్లోని అక్టౌ నగరానికి సమీపంలో జరిగిన విమాన ప్రమాదంలో 38 మంది ప్రయాణికులు మరణించారు. పక్షి ఢీకొట్టడం లేదా రష్యా విమాన నిరోధక వ్యవస్థ దాడి కారణంగానే ఈ ప్రమాదం సంభవించినట్లు వాల్ స్ట్రీట్ జర్నల్ నివేదించింది.
రష్యా, అజర్బైజాన్లోని అధికారులు, ప్రాథమిక నివేదికలను ఉటంకిస్తూ.. విమాన ప్రమాదానికి దారితీసిన భిన్నమైన కారణాలను నివేదించారు. WSJ నివేదిక ప్రకారం.. యూకే ఆధారిత స్వతంత్ర విమానయాన భద్రతా సంస్థ, ఓస్ప్రే ఫ్లైట్ సొల్యూషన్స్ ద్వారా విమానయాన సంస్థలకు హెచ్చరిక.. “రష్యన్ మిలిటరీ ఎయిర్-డిఫెన్స్ సిస్టమ్ ద్వారా విమానాన్ని పేల్చి ఉండవచ్చు” అని పేర్కొంది.
సంస్థ చీఫ్ ఇంటెలిజెన్స్ ఆఫీసర్ కూడా ఇదే విషయాన్ని ఒక ఇంటర్వ్యూలో పేర్కొన్నారు. “నైరుతి రష్యాలోని ఎయిర్స్పేస్ సెక్యూరిటీ వాతావరణంలో శిధిలాల వీడియో, పరిస్థితులు విమానం కొన్ని రకాల యాంటీ-ఎయిర్క్రాఫ్ట్ ఫైర్కు గురయ్యే అవకాశాన్ని సూచిస్తున్నాయి” అని మాట్ బోరీ అభిప్రాయపడ్డారు.
62 మంది ప్రయాణికులు, ఐదుగురు సిబ్బందితో కూడిన అజర్బైజాన్ ఎయిర్లైన్స్ విమానం బాకు నుంచి రష్యాలోని గ్రోజ్నీకి వెళ్తుండగా బుధవారం ఉదయం కాస్పియన్ సముద్రం సమీపంలో కుప్పకూలింది. ఎంబ్రేయర్ 190 విమానం ప్రణాళిక ప్రకారం రష్యాకు మళ్లించారు. అక్టౌ నుంచి 3 కిలోమీటర్ల దూరంలో అత్యవసర ల్యాండింగ్కు ప్రయత్నిస్తోంది. విమానం అత్యవసర ల్యాండింగ్ గల కారణాలపై అనేక సందేహాలు వ్యక్తమవుతున్నాయి.
అజర్బైజాన్ ఏమి చెబుతుందంటే? :
ప్రతికూల వాతావరణం కారణంగా విమానం తన మార్గాన్ని మార్చుకోవచ్చునని అధ్యక్షుడు ఇల్హామ్ అలియేవ్ అన్నారు. అయితే, కేవలం ఊహాగానాలు మాత్రమేనని, దీనిపై విచారణ జరుగుతోందని ఆయన తెలిపారు. ఫ్లైట్ డేటాను రికార్డ్ చేసే బ్లాక్ బాక్స్ రికవరీ అయిందని, ఘటనపై కొన్ని ఆధారాలు లభించవచ్చని అధికారులు తెలిపారు.
రష్యా ఏం చెబుతోంది :
విమానాన్ని అత్యవసర ల్యాండింగ్కు ప్రయత్నించే సమయంలో పక్షి ఢీకొట్టడం కారణమై ఉండవచ్చని ప్రాథమిక దర్యాప్తులో తేలిందని ఆ దేశ పౌర విమానయాన అథారిటీ రోసావియాట్సియా చెప్పారు. అయితే, వార్తా సంస్థ రాయిటర్స్ నిపుణులు ఈ సిద్ధాంతంపై సందేహాలు వ్యక్తం చేశారు. పక్షులను ఢీకొట్టడం వల్ల పైలట్ విమానంపై నియంత్రణ కోల్పోయే అవకాశం ఉంది. అంతేకానీ, ఇలా మెలికలు తిరుగుతూ కూలిపోయే అవకాశం లేదని నివేదిక పేర్కొంది.
ఉక్రెయిన్ ఏం చెబుతోందంటే? :
సోషల్ మీడియా ప్లాట్ఫారమ్లో ఉక్రెయిన్ జాతీయ భద్రతా అధికారి ఆండ్రీ కోవాలెంకో విమానం ప్రమాదానికి రష్యాను నిందించారు. “ఈ ఉదయం, బాకు నుంచి గ్రోజ్నీకి ఎగురుతూ అజర్బైజాన్ విమానయాన సంస్థకు చెందిన ఎంబ్రేయర్ 190 విమానం కూలిపోయింది.
రష్యన్ వాయు రక్షణ వ్యవస్థ ఈ విమానాన్ని కూల్చివేసింది. అయితే, దీన్ని అంగీకరించడం అందరికీ అసౌకర్యంగా ఉంది. విమానం మిగిలిన భాగాలలో ఉన్న రంధ్రాలను కూడా కప్పిపుచ్చడానికి ప్రయత్నాలు జరుగుతాయి”అని ఆయన విమర్శించారు.
Read Also : Airtel Down : స్తంభించిన ఎయిర్టెల్ మొబైల్, బ్రాడ్బ్యాండ్ సర్వీసులు.. కాల్స్, ఇంటర్నెట్ తీవ్ర అంతరాయం..!
