ఇండియన్ ప్రీమియర్ లీగ్ 14వ సీజన్ తొలి మ్యాచ్‌లో ఓడిపోయిన రాజస్థాన్ రాయల్స్‌కు మరో ఎదురుదెబ్బ తగిలింది. గాయం కారణంగా ఇప్పటికే ఫాస్ట్ బౌలర్ జోఫ్రా ఆర్చర్ జట్టుకు దూరం కాగా.. ఆల్‌రౌండర్ బెన్ స్టోక్స్ రజమా గాయం కారణంగా టోర్నమెంట్ నుంచి తప్పుకున్నారు. పంజాబ్ కింగ్స్‌తో జరిగిన ఉత్కంఠభరితమైన మ్యాచ్‌లో ఓడిపోగా.. రెండో మ్యాచ్‌లో ఢిల్లీ క్యాపిటల్స్‌తో తలపడుతున్నారు రాజస్థాన్ రాయల్స్.
రెండవ మ్యాచ్‌లో ఆడటానికి ముందు, ఫాస్ట్ బౌలింగ్ సమస్యను ఎదుర్కొంటున్న రాజస్థాన్ జట్టుకు స్టోక్స్ రూపంలో పెద్ద ఎదురుదెబ్బ తగిలింది. నేటి మ్యాచ్‌కు స్టోక్స్ దూరం అవ్వగా.. ప్లేయింగ్ లెవెన్‌లో డేవిడ్ మిల్లర్‌కు విదేశీ ఆటగాడిగా అవకాశం దక్కవచ్చు. తొలి మ్యాచ్‌లో మనన్ వోహ్రాతో కలిసి బెన్ స్టోక్స్ ఇన్నింగ్స్ ప్రారంభించగా.. ఈ మ్యాచ్‌లో కూడా జోస్ బట్లర్ గాయపడిన స్టోక్స్ స్థానంలో ఇన్నింగ్స్ ప్రారంభించవచ్చు.
తొలి మ్యాచ్‌లో సెంచరీ చేసిన కెప్టెన్ సంజు శాంసన్ మూడో స్థానంలో బ్యాటింగ్ చేసే అవకాశం ఉండగా.. స్టోక్స్ స్థానంలో మిల్లర్‌కు జట్టులో స్థానం దక్కితే.. నాలుగో స్థానంలో బ్యాటింగ్ చేస్తాడు. తర్వాత ఐదో స్థానంలో రియాన్ పరాగ్ బ్యాటింగ్‌కు వెళ్లవచ్చు. తర్వాత తెవాటియా, దూబే ఆల్‌రౌండర్లుగా ఉన్నారు. ఇద్దరూ భారీ షాట్‌లు ఆడగలరు. శ్రేయాస్ గోపాల్, ముస్తఫిజుర్ రెహ్మాన్, క్రిస్ మారిస్, చేతన్ సకారియా బౌలింగ్‌లో సాయపడగలరు.
రాజస్థాన్ రాయల్స్(Probable XI):
జోస్ బట్లర్, మనన్ వోహ్రా, సంజు శాంసన్ (కెప్టెన్), డేవిడ్ మిల్లర్, రియాన్ పరాగ్, రాహుల్ తెవాటియా, శివం దుబే, శ్రేయాస్ గోపాల్, క్రిస్ మోరిస్, ముస్తాఫిజుర్, చేతన్ సకారియా.
