SSC JHT 2026 : డ్రీమ్ జాబ్.. నెలకు రూ.1.42 లక్షల జీతం.. హిందీ వస్తే చాలు.. తప్పకుండా ఉద్యోగం

ssc release notification 2026 for 84 hindi translators examination posts full details here

SSC JHT 2026 : నిరుద్యోగులు, ప్రభుత్వ ఉద్యోగం కోసం ఎదురుచూసేవారికి శుభవార్త. నెలకు రూ. 1.42 లక్షల జీతం వచ్చే ఉద్యోగాల భర్తీకి సంబంధించి స్టాఫ్ సెలక్షన్ కమిషన్ (SSC) నోటిఫికేషన్ విడుదల చేసింది. మీకు హిందీ భాష మీద మంచి పట్టు ఉంటే ఈ ఉద్యోగం మీకే. తాజాగా స్టాఫ్ సెలక్షన్ కమిషన్ కేంద్ర ప్రభుత్వంలోని వివిధ మంత్రిత్వ శాఖలు, విభాగాలలో జూనియర్ హిందీ ట్రాన్స్‌లేటర్, జూనియర్ ట్రాన్స్‌లేషన్ ఆఫీసర్, సీనియర్ హిందీ ట్రాన్స్‌లేటర్ వంటి గ్రూప్ ‘బి’ (నాన్-గెజిటెడ్) పోస్టుల భర్తీకి నోటిఫికేషన్ విడుదల చేసింది. పోస్ట్ గ్రాడ్యుయేషన్ పూర్తి చేసిన వారు ఈ పోస్టులకు దరఖాస్తు చేసుకోవడానికి అర్హులు. ఆసక్తి గల అభ్యర్థులు మే 14వ తేదీలోపు ఆన్‌లైన్‌లో దరఖాస్తు చేసుకోవచ్చు.

నోటిఫికేషన్ వివరాలు:

పరీక్ష పేరు:

కంబైన్డ్ హిందీ ట్రాన్స్‌లేటర్స్ ఎగ్జామినేషన్ 2026

ఖాళీల వివరాలు:

మొత్తం పోస్టుల సంఖ్య – 84

• జూనియర్ ట్రాన్స్‌లేషన్ ఆఫీసర్ (JTO)
• జూనియర్ హిందీ ట్రాన్స్‌లేటర్ (JHT)
• జూనియర్ ట్రాన్స్‌లేటర్ (JT)
• సీనియర్ హిందీ ట్రాన్స్‌లేటర్ (SHT)
• సీనియర్ ట్రాన్స్‌లేటర్ ఆఫీసర్ (STO)

అర్హతలు:

ఈ పోస్టులకు దరఖాస్తు చేసుకోవాలని భావించే అభ్యర్థులు గుర్తింపు పొందిన విశ్వవిద్యాలయం నుండి హిందీ లేదా ఇంగ్లీష్ ప్రధాన సబ్జెక్టులుగా మాస్టర్స్ డిగ్రీ (PG) పూర్తి చేసి ఉండాలి.

• జూనియర్ పోస్టులకు: ట్రాన్స్‌లేషన్‌లో డిప్లొమా/సర్టిఫికేట్ లేదా రెండేళ్ల అనుభవం తప్పనిసరిగా ఉండాలి.

• సీనియర్ పోస్టులకు: ట్రాన్స్‌లేషన్‌లో డిప్లొమా/సర్టిఫికేట్ లేదా మూడేళ్ల అనుభవం ఉండాలి.

వయోపరిమితి: ఈ పోస్టులకు దరఖాస్తు చేసుకునే అభ్యర్థుల వయస్సు 18-30 ఏళ్ల మధ్య ఉండాలి. ప్రభుత్వ నిబంధనల ప్రకారం ఎస్సీ/ఎస్టీలకు 5 ఏళ్లు, ఓబీసీలకు 3 ఏళ్ల వయో సడలింపు ఉంటుంది.

జీతం (శాలరీ):

• జూనియర్ స్థాయి పోస్టులకు: పే లెవల్-6 (రూ. 35,400 – 1,12,400).

• సీనియర్ స్థాయి పోస్టులకు: పే లెవల్-7 (రూ. 44,900 – 1,42,400).

పరీక్షా విధానం:

ఎంపిక ప్రక్రియలో రెండు పేపర్లు ఉంటాయి:

• పేపర్-I: కంప్యూటర్ ఆధారిత పరీక్ష (CBE).

• పేపర్-II: డిస్క్రిప్టివ్ ట్రాన్స్‌లేషన్ మరియు ఎస్సే (వ్యాసం). అభ్యర్థుల ప్రతిభ, ప్రాధాన్యతల ఆధారంగా తుది ఎంపిక జరుగుతుంది. పరీక్ష సమయం 2 గంటలు.

ఫీజు:

• జనరల్, EWS మరియు ఓబీసీ అభ్యర్థులకు రూ. 100.

• ఎస్సీ, ఎస్టీ, వికలాంగులు, మహిళా అభ్యర్థులకు ఫీజు లేదు.

ముఖ్యమైన తేదీలు:

• ఆన్‌లైన్ దరఖాస్తుల ప్రారంభం: 23.04.2026

• దరఖాస్తులకు చివరి తేదీ: 14.05.2026

• ఫీజు చెల్లింపునకు చివరి తేదీ: 15.05.2026

• దరఖాస్తుల సవరణ (Correction) తేదీలు: 19.05.2026 నుండి 20.05.2026 వరకు.

• కంప్యూటర్ ఆధారిత పరీక్ష (పేపర్-I): ఆగస్టు – సెప్టెంబర్ 2026.

హెల్ప్‌లైన్ టోల్ ఫ్రీ నంబర్: 18003093063.