కంగనా రనౌత్.. ఆమె మంచి నటి అని కొత్తగా చెప్పక్కర్లేదు. ముక్కుసూటిగా మాట్లాడడం, నిత్యం వివాదాలతో వార్తల్లో నిలవడం కంగనాకు కొత్తేం కాదు. ఈ బాలీవుడ్ బోల్డ్ క్వీన్ తాజాగా సరికొత్త లుక్‌తో ప్రేక్షకులకు షాకిచ్చింది. కంగన నటించిన ‘జడ్జిమెంటల్‌ హై క్యా’ సినిమా కోసం నిర్వహించిన లుక్ టెస్ట్‌కు సంబంధించిన ఫోటోలను ఆమె టీమ్ తాజాగా సోషల్ మీడియాలో పోస్ట్ చేసింది.
‘మీరు మునుపెన్నడూ చూడని లుక్. ‘జడ్జిమెంటల్‌ హై క్యా’ సినిమాలోని బాబీ పాత్ర కోసం చేసిన లుక్‌టెస్ట్‌ ఇది. అప్పుడు రిజెక్ట్ చేశారు ఈ లుక్.. మీరేం అనుకుంటున్నారు? కంగన ఇలా పిక్సీ కట్‌తో బాగుందా? సినిమాలో కనిపించినట్టుగా గుబురైన ఉంగరాల జుట్టుతో బాగుందా? కింద కామెంట్‌ చేయండి’ అని పోస్ట్ చేశారు కంగన టీమ్. ఈ పిక్స్ సోషల్ మీడియాలో వైరల్ అయ్యాయి. కేవలం 4 గంటల్లోనే 7 లక్షలకు పైగా లైకులు వచ్చాయి. చాలా మంది సినిమాలో కనిపించిన ఉంగరాల జుట్టు లుక్కే బాగుందంటూ కామెంట్స్ చేయడం విశేషం.
