Krack – Balega Tagilavey Bangaram: మాస్ మహారాజా రవితేజ, శృతి హాసన్ జంటగా.. గోపిచంద్ మలినేని దర్శకత్వంలో సరస్వతి ఫిలిం డివిజన్ బ్యానర్‌పై ఠాగూర్ మధు నిర్మిస్తున్న సినిమా.. ‘క్రాక్’.. రవితేజ నటిస్తున్న 66వ సినిమా ఇది.. ‘డాన్ శీను’, ‘బలుపు’ తర్వాత గోపిచంద్ మలినేని రవితేజతో హ్యాట్రిక్‌కి రెడీ అయ్యాడు. రవితేజ పవర్‌ఫుల్ పోలీస్ పాత్రలో కనిపించనున్న ఈ సినిమాలో తమిళ నటుడు, దర్శకుడు సముద్రఖని, వరలక్ష్మీ శరత్ కుమార్ కీలక పాత్రల్లో నటిస్తున్నారు.
https://10tv.in/krack-releasing-on-2021-jan-14th/
సోమవారం ఈ సినిమాలోని ‘భలేగా తగిలావే బంగారం’ అనే లిరికల్ సాంగ్ రిలీజ్ చేశారు. థమన్ ట్యూన్ కంపోజ్ చేయగా.. రామజోగయ్య శాస్త్రి లిరిక్స్ రాశారు. అనిరుధ్ పాడారు. పాట ఆకట్టుకునేలా ఉంది. ఇటీవలే షూటింగ్ పూర్తి చేసుకున్న ‘క్రాక్’ 2021 సంక్రాంతికి విడుదల కానుంది.
ఈ సినిమాకి సంగీతం : థమన్, కెమెరా : జి.కె. విష్ణు, ఎడిటింగ్ : నవీన్ నూలి, ఆర్ట్ : ఏ.ఎస్. ప్రకాష్, ఫైట్స్ : రామ్-లక్షణ్, డైలాగ్స్ : సాయి మాధవ్ బుర్రా, చీఫ్ కో-డైరెక్టర్ : పి.వి.వి. సోమరాజు.
