కళాతపస్వి కె.విశ్వనాథ్ గారికి చిరంజీవి జన్మదిన శుభాకాంక్షలు..

K. Viswanath: ‘స్వాతిముత్యం’, ‘శంకరాభరణం’, ‘సిరి సిరి మువ్వ’, ‘సిరివెన్నెల’, ‘శుభసంకల్పం’, ‘స్వయంకృషి’, ‘స్వర్ణకమలం’, ‘ఆపద్భాందవుడు’, ‘స్వాతికిరణం’ సినిమాలతో తెలుగు సినిమా ఖ్యాతిని ప్రపంచవ్యాప్తం చేసిన దర్శకులు, ‘కళ’ కే ‘కళ’ తెచ్చిన కళాతపస్వికి కె.విశ్వనాథ్ జన్మదినోత్సవం నేడు (ఫిబ్రవరి 19)..

ఈ రోజుతో విశ్వనాథ్ గారు 91వ ఏట అడుగుపెట్టారు.. పలువురు సినీ ప్రముఖులు, ప్రేక్షకాభిమానులు, సినీ ప్రేమికులు కళాతపస్వి ఆయురారోగ్యాలతో సంతోషంగా ఉండాలని కోరుకుంటూ శుభాకాంక్షలు చెబుతున్నారు.

ఈ సందర్భంగా మెగాస్టార్ చిరంజీవి కళాతపస్వికి హృదయపూర్వక పుట్టినరోజు శుభాకాంక్షలు తెలియజేశారు.‘‘గురుతుల్యులు, పితృసమానులు,మహోన్నత దర్శకులు,తెలుగు సినిమా ఖ్యాతిని ప్రపంచవ్యాప్తంచేసిన కళాతపస్వి శ్రీ కే విశ్వనాథ్ గారికి పుట్టినరోజు శుభాకాంక్షలు.. ఆయన తీసిన ప్రతీ చిత్రం ఓ ఆణిముత్యం, తెలుగు వారికి చిరస్మరణీయం. ఆయన ఆయురారోగ్యాలతో కలకాలం సంతోషంగా వుండాలని మనస్ఫూర్తిగా కోరుకుంటున్నాను’’ అంటూ విశ్వనాథ్ గారితో తీసుకున్న ఫొటో షేర్ చేశారు చిరంజీవి.