Ntr To Take Hanuman Deeksha
NTR: యంగ్ టైగర్ ఎన్టీఆర్ నటించిన రీసెంట్ మూవీ ‘ఆర్ఆర్ఆర్’ బ్లాక్‌బస్టర్ విజయాన్ని అందుకోవడంతో ఆయన ప్రస్తుతం సక్సెస్‌ను ఎంజాయ్ చేస్తున్నాడు. ఈ సినిమాలో మరో హీరో రామ్ చరణ్ కూడా నటించగా, ఆయన ప్రస్తుతం తన నెక్ట్స్ మూవీని శరవేగంగా షూటింగ్ జరుపుకుంటున్నాడు. కాగా ఈ సినిమా సక్సెస్ తరువాత చరణ్ అయ్యప్ప దీక్ష చేపట్టిన సంగతి తెలిసిందే. ఆయన ఎక్కడికి వెళ్లినా నల్లని దుస్తుల్లో మనకు కనిపిస్తున్నాడు. అయితే ఇలాంటివి పెద్దగా పట్టించుకోని ఎన్టీఆర్, ఈసారి కాషాయం కడుతున్నట్లు తెలుస్తోంది.
Jr NTR: ఇక జాతరే.. ఫ్యాన్స్‌లో జోష్ పెంచుతున్న తారక్ మూవీ లైనప్
ఆర్ఆర్ఆర్ సక్సెస్ కావడంతో ఎన్టీఆర్ కూడా భక్తి మార్గంలో నడవాలని నిర్ణయించుకున్నాడట. దీంతో ఆయన హనుమాన్ దీక్ష చేపడుతున్నట్లు ఆయన సన్నిహితులు అంటున్నారు. తన సినీ ప్రయాణం మొదలై 25 ఏళ్లు పూర్తికావడంతో కూడా తారక్ ఈమేరకు హనుమాన్ దీక్ష తీసుకోవాలని చూస్తున్నాడట. అందుకే బుధవారం నుండి 21 రోజుల పాటు తారక్ హనుమాన్ దీక్షలో ఉంటాడని.. ఈ 21 రోజుల పాటు కేవలం భక్తి మార్గంలోనే ఆయన పయనిస్తాడని తెలుస్తోంది.
NTR: తారక్‌పై ప్రశాంత్ నీల్ వైరల్ కామెంట్స్!
ఏదేమైనా ఎప్పుడూ ఇలాంటి దీక్షలకు దూరంగా ఉండే తారక్ కూడా హనుమాన్ దీక్షను చేపడుతుండటంతో ఆయన అభిమానులు సంతోషం వ్యక్తం చేస్తున్నారు. ఇక మరో 21 రోజుల పాటు మనం సరికొత్త తారక్‌ను చూడబోతున్నామని ఆయన సన్నిహితులు అంటున్నారు. కాగా తన నెక్ట్స్ మూవీని స్టార్ డైరెక్టర్ కొరటాల శివ దర్శకత్వంలో తెరకెక్కించేందుకు తారక్ రెడీ అవుతున్నాడు. అంటే హనుమాన్ దీక్ష విరమణ తరువాతే ఈ సినిమాను స్టార్ట్ చేసేందుకు తారక్ ప్లాన్ చేస్తున్నట్లు తెలుస్తోంది.
