Falcon: రౌడీ స్టార్ విజయ్ దేవరకొండ, క్రియేటివ్ డైరెక్టర్ సుకుమార్ కాంబినేషన్లో ఓ క్రేజీ ఫిల్మ్ రాబోతోంది. ఈ సినిమాను ఫాల్కన్ క్రియేషన్స్ ఎల్ఎల్పి సంస్థ తన డెబ్యూ ప్రాజెక్ట్గా నిర్మిస్తోంది. టాలీవుడ్లో ఆసక్తి రేపిన ఈ ప్రెస్టీజియస్ సినిమాపై ఇటీవల కొన్ని రూమర్స్ వచ్చాయి. ఈ పుకార్లను చిత్ర నిర్మాణ సంస్థ ఫాల్కన్ క్రియేషన్స్ ఖండించింది.
ఇవన్నీ అవాస్తవాలని, విజయ్ దేవరకొండ – సుకుమార్ కాంబో సినిమా ముందుగా అనుకున్న ప్రకారమే సెట్స్ మీదకు వెళ్తుందని ప్రకటించింది. ప్రస్తుతం విజయ్ దేవరకొండ ‘లైగర్’ సినిమా చేస్తున్నారు.. దర్శకుడు సుకుమార్ ‘పుష్ప’ సినిమాను తెరకెక్కిస్తున్నారు.
వీళ్లిద్దరి కమిట్మెంట్స్ అయిన వెంటనే విజయ్ – సుకుమార్ చిత్రం ప్రారంభం కానున్నట్లు నిర్మాణ సంస్థ తాజా ప్రెస్నోట్ విడుదల చేసింది.. ఈ క్రేజీ సినిమాను మరింత ప్రతిష్టాత్మకంగా, భారీ స్థాయిలో తెరకెక్కిస్తామని ఫాల్కన్ క్రియేషన్స్ సంస్థ తెలిపింది.