Pollution 2
Pollution : కాలుష్యం కోరలు చాస్తోంది. రోజురోజుకు పెరుగుతున్న కాలుష్యం ప్రజల ఆరోగ్యానికి హానికరంగా మారుతోంది. ఈ విషపూరితమైన గాలి వల్ల ప్రజలు శ్వాస తీసుకోవడం ఇబ్బంది పడుతున్నారని, దాని ప్రత్యక్ష ప్రభావం ఊపిరితిత్తులపై పడుతుందని నిపుణులు చెబుతున్నారు. ఈ వాయు కాలుష్యం ప్రభావం ఊపిరితిత్తులపైనే కాదు.. మీ కళ్లపై కూడా పడుతుందని వైద్య నిపుణులు చెబుతున్నారు. అటువంటి పరిస్థితుల్లో కాలుష్యం మీ కళ్లకు హాని కలిగిస్తుందని హెచ్చరిస్తున్నారు. ప్రతి రోజూ ఎదురయ్యే కాలుష్యం నుండి మీకళ్లను కాపాడుకునేందుకు పలు సూచనలు, సలహాలు ఇస్తున్నారు నిపుణులు.
భారతదేశంలోని అనేక నగరాల్లో కాలుష్యకారకాలు రోజురోజుకు పెరిగిపోతున్నాయి. నగరాల పరిధిలోని పీల్చేగాలి మొత్తంగా కలుషితంగా మారిపోయింది. ఇలాంటి పరిస్థితుల్లో కాలుష్యం వల్ల శ్వాసకోశ వ్యాధులకే పరిమితం కావటంలేదు. ఈ విషపూరిత గాలి వల్ల ప్రజలు కళ్లు కూడా దెబ్బతింటున్నాయి. కాలుష్యం వల్ల కంటి సంబంధిత వ్యాధులు వచ్చే ప్రమాదం కూడా ఎక్కువేనని పలువురు వైద్యులు ఇప్పటికే స్పష్టం చేశారు. కాలుష్యం వల్ల కళ్లు పొడిబారనడం, ఎలర్జీ సమస్య ఎక్కువగా ఉంటుంది. కళ్లకు తేమ, పోషణ కోసం తగినంత మొత్తంలో కన్నీళ్లు ఉత్పత్తి కాకపోవడంపై డ్రై ఐ సిండ్రోమ్‌ సంభవించే అవకాశం ఉందంటున్నారు. వాయు కాలుష్యం కళ్లలోని కణాలను ప్రభావితం చేస్తుంది. దీని కారణంగా కళ్లలో పొడిబారడం, ఎరుపు, నొప్పి, కాంతికి సున్నితత్వం వంటి సమస్యలు వస్తాయి. కలుషితమైన గాలిలో నైట్రిక్‌ ఆక్సైడ్‌, నైట్రోజన్‌ డయాక్సైడ్‌, సల్ఫర్‌ డయాక్సైడ్‌ వంటి మూలకాలు ఉండటం వల్ల కళ్లకు ఎక్కువ నష్టం వాటిల్లుతుంది.
వాయుకాలుష్యం దీర్ఘకాలిక ప్రభావాల వల్ల కంటి చూపు కోల్పోవడం వంటి సమస్యలు ఉత్పన్నమయ్యే ప్రమాదం ఉంది. ఉత్తర భారతదేశంలో కంటి సమస్యలతో బాధపడే వారి సంఖ్య చాలా తక్కువగా ఉన్నట్లు సర్వేలో వెల్లడైంది. విషపూరిత గాలి నుంచి కళ్లను రక్షించుకోవడం ఎంతో ముఖ్యమని సూచిస్తున్నారు నిపుణులు. వాయు కాలుష్యం ఎక్కువగా ఉన్నప్పుడు అనవసరంగా ఇంటి నుంచి బయటకు పోకుండా కళ్లకు విశ్రాంతి ఇవ్వాలి. కళ్లు ఆరోగ్యంగా ఉండాలంటే శరీరాన్ని హైడ్రేషన్‌లో ఉంచుకోవాలి. బయటకు వెళ్లేటప్పుడు కళ్లద్దాలు పెట్టుకుంటే ఎంతో ప్రయోజనం ఉంటుందని నిపుణులు సూచిస్తున్నారు. కొన్ని జాగ్రత్తలు పాటిస్తే కాలుష్యం బారినుండి ఆరోగ్యాన్ని కాపాడుకోవచ్చు.
