Prevent Dementia : మతిమరుపును నిరోధించడంలో వినికిడి పరికరాలు సహాయపడతాయా? అధ్యయనాలు ఏంచెబుతున్నాయి !
అయితే వినికిడి లోపం ఉన్నవారికి, వినికిడి సహాయాన్ని ఉపయోగించని వారికంటే చిత్తవైకల్యం వచ్చే ప్రమాదం 42% పెరిగుతుందని నిర్ధారణ అయింది. వినికిడి లోపం, మతిమరుపు మధ్య పరస్పర సంబంధంపై ఒంటరితనం, నిస్పృహ లక్షణాలు వంటి అంశాలు ప్రభావం చూపగలవని పరిశోధకులు పరిశీలించారు.
- Guntupalli Ramakrishna
- Updated on- April 28, 2023 / 06:33 PM IST
prevent dementia
Prevent Dementia : వినికిడి సాధనాలు వినికిడి లోపానికి మాత్రమే కాదు, మతిమరుపును దూరం చేయడంలో కూడా కీలకమైన పాత్ర పోషిస్తాయని కొత్త అధ్యయనం సూచిస్తుంది. యూకె పరిశోధకులు మతిమరుపును నివారించడానికి సరళమైన, చవకైన మార్గాన్ని కనుగొన్నారు. అవే వినికిడి పరికరాలు. ది లాన్సెట్లో ప్రచురించబడిన ఒక అధ్యయనం ప్రకారం, సాధారణ వినికిడి ఉన్నవారి కంటే వినికిడి పరికరాన్ని ఉపయోగించని వినికిడి లోపాలు ఉన్న వ్యక్తుల్లో మతిమరుపును అభివృద్ధి చెందే ప్రమాదం ఎక్కువగా ఉంటుంది.వయస్సుతో పాటు మతిమరుపు మరియు వినికిడి లోపం వచ్చే ప్రమాదం రెండూ పెరుగుతాయి. ఒక అధ్యయనం ప్రకారం 2050 నాటికి ప్రపంచవ్యాప్తంగా 150 మిలియన్ల మంది మతిమరుపున బారిన పడతారని అంచనా.
READ ALSO : Forgetfulness : మతిమరుపును పోగొట్టే ఆహారాలు ఇవే? వీటిని రోజువారిగా తీసుకుంటే…
వినికిడి లోపం మతిమరుపుకు ముఖ్యమైన ప్రమాద కారకం ;
జమా నెట్వర్క్లో ప్రచురించబడిన పరిశోధన ప్రకారం, మతిమరుపు కేసులలో 8% వినికిడి లోపంతో సంబంధం కలిగి ఉన్నాయి. వినికిడి లోపం అన్నది మతిమరుపుకు కారణమయ్యే ప్రమాద కారకంగా మారుతుంది. ఇదే విషయాన్ని తాజా అధ్యయనంలో పరిశోధకులు గుర్తించారు. మతిమరుపు ప్రమాదాన్ని తగ్గించడానికి వినికిడి పరికరాలను అతి తక్కువ హానికరమైన, ఖర్చుతో కూడుకున్న చికిత్సగా పరిశోధకులు చెబుతున్నారు.
READ ALSO : Saffron Tea : మతిమరుపుకు మంచి ఔషధం…కుంకుమ పువ్వు టీ..
అధ్యయనం కోసం, శాస్త్రవేత్తలు యూకె బయోబ్యాంక్ నుండి దాదాపు 4,40,000 మంది వ్యక్తుల నుండి డేటాను సర్వే చేశారు. సర్వే చేయబడిన అంశాలలో నాలుగింట ఒక వంతు మందికి వినికిడి లోపాలు ఉన్నాయి, అయితే వారిలో 11.4% మంది మాత్రమే వినికిడి పరికరాన్ని ఉపయోగించారు. సాధారణ వినికిడి ఉన్నవారితో పోలిస్తే , వివిధ రూపాల్లో వినికిడి పరికరాలను వాడుతున్నవారికి చిత్తవైకల్యం వచ్చే ప్రమాదం లేదని తేలింది.
READ ALSO : అదే పనిగా హెడ్ఫోన్లను వాడుతున్నారా? తీవ్రమైన ఇన్ఫెక్షన్లు తప్పవు..!
అయితే వినికిడి లోపం ఉన్నవారికి, వినికిడి సహాయాన్ని ఉపయోగించని వారికంటే చిత్తవైకల్యం వచ్చే ప్రమాదం 42% పెరిగుతుందని నిర్ధారణ అయింది. వినికిడి లోపం, మతిమరుపు మధ్య పరస్పర సంబంధంపై ఒంటరితనం, నిస్పృహ లక్షణాలు వంటి అంశాలు ప్రభావం చూపగలవని పరిశోధకులు పరిశీలించారు. వ్యక్తిగత మానసిక, సామాజిక పరిస్థితులలో మెరుగుదలలు మతిమరుపు, వినికిడి లోపం మధ్య కనెక్షన్పై తక్కువ ప్రభావాన్ని చూపాయి. వినికిడి పరికరాన్ని ఉపయోగించే వ్యక్తులు వారి వినికిడి సహాయంతో సంబంధం లేకుండా అనేక కారణాల వల్ల మతిమరుపు ప్రమాదకారకాలు తగ్గటంతోపాటు మొత్తం ఆరోగ్యంపై శ్రద్ధ చూపటానికి అవకాశం ఏర్పడుతుందని అధ్యయనంలో తేలింది.