Bad Breath : నోరు పొడిబారడం వల్ల నోటి దుర్వాసన వస్తుందా? దీన్ని వదిలించుకునేందుకు చిట్కాలు ఇవిగో !

bad breath

Bad Breath : ఇతరులతో మాట్లాడుతున్న సందర్భంలో నోటి నుండి దుర్వాసన వెదజల్లుతుండటం చాలా మంది గమనించే ఉంటారు. ఈ పరిస్దితి చాలా మందిని ఇబ్బంది కలిగిస్తుంది. ఈ దుర్వాసనకు ప్రధాన కారణాలలో ఒకటి నోరు పొడిబారడం. నోరు పొడిబారడాన్ని జిరోస్టోమియా అని కూడా పిలుస్తారు. ఇది నోటి దుర్వాసన కలిగించే ఒక సాధారణ పరిస్థితి. నోటిలో లాలాజల ఉత్పత్తిలో తగ్గుదల ఏర్పడినప్పడు దుర్వాసన వస్తుంది. నోడి పొడిగా మారి అసౌకర్య అనుభూతికి దారితీస్తుంది.

READ ALSO : Bad Breath : నోటి దుర్వాసనతో ఇబ్బంది పడుతున్నారా…అలా ఎందుకు జరుగుతుందంటే?…

ఇలాంటి పరిస్ధితుల్లో చాలా మంది ఏంచేయాలో పాలుపోక చింతిస్తుంటారు. అలాంటి వారు ఏమాత్రం బాధపడాల్సి పనిలేదు. నోరు పొడిబారడం వల్ల వచ్చే నోటి దుర్వాసనను పోగొట్టుకోవడానికి కొన్ని చిట్కాలు ఎంతగానో ఉపయోగపడతాయి. అవేంటో తెలుసుకునే ప్రయత్నం చేద్దాం..

1. హైడ్రేటెడ్ గా ఉండండి: నోటిని ఆరోగ్యంగా ఉంచుకోవడానికి రోజంతా పుష్కలంగా నీరు త్రాగడం చాలా అవసరం. లాలాజలం నోటిలోని ఆహార కణాలు, బ్యాక్టీరియాను క్లీన్ చేయటానికి సహాయపడుతుంది. ఎక్కువ నీరు త్రాగడం లాలాజల ఉత్పత్తిని పెంచడానికి సహాయపడుతుంది. అంతేకాకుండా నోటిలో పేరుకుపోయిన ఏదైనా ఆహార కణాలు , బ్యాక్టీరియాను శుభ్రం చేయడానికి నీరు సహాయపడుతుంది. ఇది నోటిని తేమగా ఉంచడానికి, పొడి గా మారిన నోటి లక్షణాలను తగ్గించడానికి సహాయపడుతుంది.

READ ALSO : నోటి ఇన్ ఫెక్షన్లతోపాటు, దుర్వాసన పోగొట్టే యాలకులు

2. కెఫీన్,ఆల్కహాల్ మానుకోండి : కెఫీన్, ఆల్కహాల్ రెండూ నోరు పొడిబారడానికి దోహదపడతాయి, కాబట్టి ఈ రెండింటి వినియోగాన్ని తగ్గించుకోవాలి. కెఫీన్, ఆల్కహాల్ రెండూ మూత్రవిసర్జనలు, అంటే అవి శరీరం తీసుకునే దానికంటే ఎక్కువ నీటిని బయటకు వెళ్ళేలా చేస్తాయి. ఇది నోటిలోని లాలాజల పరిమాణంలో అసమతుల్యతకు దారితీస్తుంది. నోరు పొడిబారడానికి కారణమవుతుంది.

3. షుగర్ లెస్ గమ్ నమలడం: షుగర్ లెస్ గమ్ నమలడం వల్ల లాలాజల ఉత్పత్తిని ఉత్తేజపరిచేందుకు సహాయపడుతుంది. ఇది పొడి బారే లక్షణాలను తగ్గించడానికి సహాయపడుతుంది. ఉదాహరణకు, షుగర్‌లెస్ గమ్ నమలడం వల్ల నోరు పొడిబారడం వల్ల కలిగే అసౌకర్యాన్ని తగ్గించడంలో సహాయపడుతుంది. అలాగే దంత క్షయానికి దారితీసే బ్యాక్టీరియా పేరుకుపోకుండా నిరోధిస్తుంది.

READ ALSO : Dental Care : ఇంట్లో లభించే పదార్ధాలతో నోటి,దంత సంరక్షణ ఎలాగంటే!

4. ఇంట్లో గాలిని తేమగా ఉంచటం : ఇంట్లో గాలిని తేమగా ఉంచడం వల్ల నోరు పొడిబారకుండా నిరోధించవచ్చు. గాలి మరింత తేమగా ఉన్నప్పుడు, నోటిలో తేమను నిలుపుకోవడంలో సహాయపడుతుంది. దీనివల్ల నోటిని హైడ్రేట్ గా ఉంచడానికి, పొడి నోరు కారణంగా కలిగే అసౌకర్యాన్ని తగ్గించడానికి సహాయపడుతుంది. అదనంగా, హ్యూమిడిఫైయర్‌ను ఉపయోగించడం వల్ల నోటిలోని బ్యాక్టీరియా మొత్తాన్ని తగ్గించవచ్చు.

5. పరిస్ధితి తీవ్రంగా ఉంటే దంతవైద్యుడిని సంప్రదించటం : ఇది ఏమీ చిట్కా కానప్పటికీ, చాలా ముఖ్యమైనది. నోరు పొడిబారినట్లయితే, దంతవైద్యుడిని సంప్రదించటం మంచిది. నోరు పొడిబారడం వల్ల కావిటీస్, గమ్ డిసీజ్ వంటి ఇతర నోటి ఆరోగ్య సమస్యలకు కారణమవుతుంది. అందుకే నోటిలో లాలాజలం యొక్క ఆరోగ్యకరమైన స్థాయిని గురించి పరీక్షించటం చాలా ముఖ్యం. తద్వారా దంతవైద్యుడు అందుకు తగిన విధంగా వైద్యసలహాలు, సూచనలు అందిస్తారు.