Adipurush Movie Playing Theaters allot one seat to Hanuman
Adipurush Movie : ఓం రౌత్ (Om Raut) దర్శకత్వంలో ప్రభాస్ (Prabhas) రాముడిగా, కృతి సనన్ (Kriti Sanon) సీతగా, సైఫ్ అలీఖాన్ (Saif Alikhan) రావణాసురుడిగా తెరకెక్కుతున్న ఆదిపురుష్ సినిమా జూన్ 16న ప్రపంచవ్యాప్తంగా గ్రాండ్ గా రిలీజ్ కాబోతుంది. ఇప్పటికే ఈ సినిమా నుంచి రిలీజయిన ట్రైలర్, సాంగ్స్ కు మంచి రెస్పాన్స్ రావడంతో భారీ అంచనాలు నెలకొన్నాయి. ఇక నేడు జూన్ 6న ఈ మూవీ ప్రీ రిలీజ్ ఈవెంట్ ని తిరుపతి (Tirupati) శ్రీ వెంకటేశ్వర యూనివర్సిటీలో భారీగా నిర్వహించబోతున్నారు. ఆదిపురుష్ ప్రీ రిలీజ్ ఈవెంట్ కు చినజీయర్ స్వామి ముఖ్య అతిథిగా రాబోతున్నారు.
సినిమా రిలీజ్ దగ్గర పడుతుండటంతో చిత్రయూనిట్ కూడా ప్రమోషన్స్ లో వేగం పెంచుతుంది. అలాగే సినిమాని పూర్తిగా ఆధ్యాత్మికంగా జై శ్రీరామ్ అంటూ ప్రమోట్ చేస్తూ మరింతగా ప్రజల్లోకి తీసుకెళ్తున్నారు. ఆదిపురుష్ సినిమాను తెలుగులో పీపుల్ మీడియా ఫ్యాక్టరీ నిర్మాణ సంస్థ రిలీజ్ చేస్తోంది. ఈ నేపథ్యంలో ఆ నిర్మాణ సంస్థ ఓ సరికొత్త నిర్ణయం తీసుకుంది.
Prabhas : తిరుమలలో ప్రభాస్.. పంచెకట్టుతో ఎలా ఉన్నాడో చూడండి..
సినిమా రిలీజ్, థియేటర్స్ గురించి అధికారికంగా ఓ లెటర్ ని షేర్ చేశారు. ఇందులో.. రామాయణ పారాయణం జరిగే ప్రతి చోట హనుమంతుడు విచ్చేస్తాడు అనేది మన నమ్మకం. ఈ నమ్మకాన్ని గౌరవిస్తూ, ప్రభాస్ రాముడిగా నటించిన ఆదిపురుష్ సినిమాని ప్రదర్శించే ప్రతి థియేటర్లో ఒక సీటు విక్రయించకుండా హనుమంతుడి కోసం ప్రత్యేకంగా కేటాయించడం జరుగుతుంది. అతి గొప్ప రామ భక్తునికి గౌరవ మర్యాదలు సమర్పిస్తూ చరిత్రలో కనీవినీ ఎరుగని విధంగా ఈ గొప్ప కార్యక్రమానికి శ్రీకారం చుట్టాం. ఎంతో ప్రతిష్టాత్మకంగా అత్యంత భారీ హంగులతో నిర్మించిన ఆదిపురుష్ ని హనుమంతుడి సమక్షంలో అందరం తప్పక వీక్షిద్దాం అని తెలిపారు. దీంతో ఈ విషయం వైరల్ గా మారింది. ప్రతి థియేటర్లోను హనుమంతుడికి ఒక సీటు కేటాయించడం అంటూ ఓ పక్క తమ భక్తిని తెలియచేస్తూనే మరో పక్క ప్రమోషన్స్ కూడా చేస్తున్నారు.
