Lenin : ‘లెనిన్’ ప్రీ రిలీజ్ బిజినెస్ ఎంత? హిట్ అవ్వాలంటే ఎన్ని కోట్లు కలెక్ట్ చేయాలి..?

Lenin

Lenin : సితార ఎంటర్టైన్మెంట్స్, అన్నపూర్ణ స్టూడియోస్ బ్యానర్స్ పై నాగార్జున, నాగవంశీ నిర్మాణంలో మురళి కిషోర్ అబ్బూరు దర్శకత్వంలో అఖిల్, భాగ్యశ్రీ జంటగా లెనిన్ సినిమా తెరకెక్కింది. ఈ సినిమా జులై 10న రిలీజ్ కానుంది. ఈ సినిమా హిట్ అవ్వడం అఖిల్ కి చాలా ముఖ్యం. ఈ సినిమాకు బాగానే ఖర్చుపెట్టారు. దాదాపు 70 కోట్లకు పైగా బడ్జెట్ తో ఈ సినిమా తెరకెక్కించినట్టు తెలుస్తుంది.

లెనిన్ ప్రీ రిలీజ్ బిజినెస్ మొత్తం అయిపోయింది. లెనిన్ సినిమాని జీ5 ఓటీటీ 19 కోట్లకు డిజిటల్ రైట్స్, శాటిలైట్ రైట్స్ కలిపి కొనుక్కుందని సమాచారం. హిందీ వర్షన్ సపరేట్ గా మరో 9 కోట్లకు అమ్మినట్టు సమాచారం. ఇక ఆడియో రూపంలో దాదాపు 6 కోట్లు వచ్చాయట. అలా నాన్ థియేట్రికల్ బిజినెస్ లోనే దాదాపు 34 కోట్లు వసూలు చేసింది అఖిల్ లెనిన్ సినిమా.

Also See : Vadala Trailer : జగపతి బాబు – లయ ‘వదలా’ ట్రైలర్ చూశారా..? భార్యాభర్తల మధ్యలోకి ఇంకో అమ్మాయి వస్తే..

ఇక నైజాంలో అన్నపూర్ణ స్టూడియోస్, సితార ఎంటెర్టైన్మెంట్స్ ఈ సినిమాని స్వంతంగా రిలీజ్ చేస్తున్నాయి. ఆంధ్ర 10 కోట్లకు, సీడెడ్ 4 కోట్లకు, ఓవర్సీస్, రెస్టాఫ్ ఇండియా 10 కోట్లకు అమ్మినట్టు సమాచారం. నైజాం దాదాపు 10 కోట్ల లెక్క వేసుకున్న ఈ సినిమాకు దాదాపు 34 కోట్ల వరకు థియేటరికల్ బిజినెస్ జరిగింది. ఈ సినిమా హిట్ అవ్వాలంటే కనీసం 70 కోట్ల గ్రాస్ వసూలు చేయాలి. అంటే కనీసం 35 కోట్ల షేర్ రావాలి.

ఈ సినిమాపై మంచి హైప్ ఉంది. ఇప్పుడు వేరే పెద్ద సినిమాలు ఏమి లేవు కాబట్టి లెనిన్ సినిమా ఈజీగా 70 కోట్ల కలెక్షన్స్ రాబడుతుందని అంచనా వేస్తున్నారు. ఇప్పటివరకు అఖిల్ హైయెస్ట్ కలెక్షన్ మోస్ట్ ఎలిజిబుల్ బ్యాచిలర్ సినిమా 51 కోట్ల గ్రాస్. మరి దానిని దాటి అఖిల్ తన కెరీర్ లో మొదటి కమర్షియల్ హిట్ కొడతాడా చూడాలి.